يا جماعه محتاج رأيكم ضروري جداااااااااااا

[speed demon666]

السلام عليكم الاول
انا بحتاج عربيه بتاعت استهلاك جامد , يعني انا مبدئيا اقل مسافه بستعمل فيها العربيه يوميا 90 كم ده علشان الشغل ده غير مشاويري الخاصه و خصوصا ان انا علاطول بمشي من الدائري او المحور و اكيد انتو عرفين الطرق دي شكلها ايه :( و بتعمل ايه في عفشه العربيات العاديه فا فكرت في فكره ان انا ابيع عربيتي و اشتري عربيه نيفا :shock: :shock: !!!!!!!
طبعا الناس هتف في وشي :) , عارف ان انتو بتقولو مين المجنون ده اللي هيطلع من فرنساوي و يدخل في انشف العربيات الروسي :shock: ,بس اعمل ايه محتاج عربيه ناشفه تستحمل ارف الطريق و بردو موفره سواء بنزين او قطع غيار , فا ياريت يا جماعه تفيدوني بأرأكم.
اه على فكره انا لو انشاء الله و جبت النيفا مش هاسيبها زي ما هي انا هاشيل اموتور بتاعها و بفكر اما اني اسقط موتور ال 132 الفيات و بيركب فيها من غير مشاكل او اشوفلها موتور تيوتا بيك اب 4*4 و غالبا بميل للموتور البيك اب علشان امكانيه تركيب التكييف اسهل (على فكره الموتور البيك اب هيكون ديزل) و الوضوع ده عايز رأيكم فيه بردو , ولو في اي اقتراحات تانيه سواء في الموضوع ده او حد عندو اقتراح يغنيني عن الفكره الناشفه دي اكون شاكر جدا ليه

[hazem_khidr]

مش موافقك خالص علي العمليه الانتحاريه اللي انت عاوز تقوم بيها دي خالص.
اولا رغم ان السيتروين ax عربيه استعمال خفيف لكن اعطالها ما اعتقدش حتبقي اكتر من اعطال اللادا و غير كده انت مش حتعرف تسوق النيفا صدقني انت اتعودت علي حاجه ناعمه.
فرضنا انك اتعودت تسوقها يا تري تكاليف اللي انت عاوز تعمله فيها دا حسبتها ولا لاء؟
موتور ال 132 ممتاز و حيركب من غير مشاكل فعلا لكن حيلغي فتيس الغرز اللي فيها دا لو كان شغال اصلا دا غير التكاليف و البهدله عند الصنايعيه و نفس الحال برضه لو موتور بيك اب حتحتاج توفق حاجات كتير اوي علشان يركب دا لو ركب مضبوط كمان و اراهن انك لازم تغير وضعيه يد الفتيس عندك جوه علشان الموتور و الفتيش مش متصممين للنيفا حتلاقي الفتيس رجع ورا شويه او قدام شويه و حتضطر انك تخرم الصاج و تبو الكنسوله و بالتالي حتبو منر الصالون كله :x !!!!!
نصيحه شوف عربيه شاهين مستعمله و نضيفه احسن ليك ميت مره من وجع الدماغ دا

[محمد البحيري]

انا مع الاستاذ حازم في انك متعذبش نفسك في عربيه زي دي بالاضافه انك فعلا واخد علي عربيه ناعمه جدا ومريحه جدا ومش هتستحمل الفرق وبرده انا معاه في الحل بتاعه وهو عربيه شاهين لو في امكانيات هاتها زيرو لو مفيش يبقي شوف استعمال نظيف

[محمد حسين]

يا باشا انا شايف انك تشوف حاجه لادا 2107 أو شاهين مستعمل واخرهم 2005 مثلا واظن انها عربيات بتستحمل وناعمه الي حد ما وخصوصا الشاهين وعربيات بتقبل التغييير يعني سنتر وتكييف وزجاج كهربا يعني ما هاتقولش لا للتغيير وربنا يوفق
ولكن بلاش النيفا خالص خالص عشان هاتكره نفسك لما تنزل من AX وتركب نيفا

[ahmed1981]

يعني عايز تجيب سيارة سعرها كام؟؟؟؟؟؟
(الحدود السعرية ليك كام)؟؟؟؟؟؟؟

[Ashraf A.Kader]

بالضبط لازم تحدد اولا الميزانية بتاعتك وبعد كده تشوف الاختيارات