مقارنة اللادا الزيرو بالمازدا323مو83رجاء رد ي أهل الخبرة

[Abdm]

انى محتار أشترى لادا زيرو بالتقسيط واريح دماغى من أرف ودشة المستعمل ولا أشترى مازدا 323 مو 82أو83 وأريح دماغى من ديون التقسيط وهل هلاقى مازدا حالتها كويسة ومتتعبنيش خاصة وانى لا أحب الذهاب للميكانيكى باستمرار أرجو عمل مقارنة بينهم من حيث أسعار قطع الغيار وتوافرها أرجوكم الرد والنصيحة يا أهل الخبرة .

[hazem_khidr]

الزيرو مفيش احسن منه لكن حته التقسيط دي فيها قلق حبتين .
ف نصيحه هات ماذدا 323 و دور علي واحده نضيفه حتلاقي و يوم ما ربنا يكرمك و تكمل تمن عربيه جديده كاش يبقي اشتري جديد بس حرام فعلا تشتري لادا و تدفع فيها المبلغ دا كله بالفوايد

[ahmed1981]

لو المبلغ المتاح يجيب مازدا مستعمله توكل على الله وهاتها لكن دور كويس ومتستعجلش ومتسترخصش
وإبعد عن الديون تعيش في راحة نفسية لا تقدر بثمن

[حسام كرم]

لو كاش يبقى زيرو لادا او غيرها
لو تقسيط ومش هتقدر علية بلاش منة احسن وهات على اد امكانياتك وابعد عن قرف التقسيط والتامين لانك هتلاقى فى الاخر اللادا واقفة عليك ب60-70 الف جنية
وربنا ييسر
وكل عام وانت بخير

[PAYOO]

أنا رايي من راي كل الزملاء الذين نصحوك بعدم التقسيط أبدا

صدقني لو أخدت بالنصيحه دي هاتعيش في راحة بال لا تقدر بثمن

[Islam_galal]

السيارة بشكل عام سلعة لا تستحق ان تستدين لها ابدااا لانها سلعه استهلاكية و طالما معاك فلوس تجيب اي عربية تغنيك سؤال اللئيم يبقي ليه الديون

[AANIS]

بوص بقي يا سيدي دور كويس قوي وتأني
انا ليا تجربه مريره مع ال 323 اشتريتها في 6/1/2007 مشيت معايا شهرين زي الحلاوه احط بنزين وامشي ناعمه جدا متورها زي الحلاوه كنت بجيب بيها 160 والماتور مرتاح ومره واحده و فجئه وبدون مقدمات عينك ما تشوف الاالنور رداتير مسدود دنمو نام المتور فوت العفشه فكت الشكمان يتكسر عملتلها عامره ما كملتش شهرين وباظت ما عرفش عيب ميكانيكي ولا عيب سواق ولا ايه بالظبط وبعدها وخسرت فيها عن الثمن الي اشترتها بيه بعد 6 شهور بالظبط 1/6/2007 بعد ما سابت في نفسي اثار جراح مريره عقدتني من كل العربيات ودلوقتي انا بجهز علشان اشتر لادا ان شاء الله بعد رمضان والجماعه هنا بيشكرو في الادا بس المشكله انها مفيهاش اي كماليات انا سئلت عليها في التوكيل من كام يوم كانت 43.5
صحيح هيا خشنه شويه بس انا عايز عربيه انساها لمده 4-5 سنين ما افكرش اني اروح لميكانيكي
بس المازدا لو حالتها كويسه هيا جمييييييله وهاديه عربيه باشا حقيقي بس لو ساليمه سامعني علشان لو مش ساليمه هتكرهك في حياتك

[محمد حسين]

المازدا فاسده ولو علي الزيرو ده رائي الشخصي