يا ريت تساعدوني في القرار

[potter2006]

يا جماعة انا كنت رايح عادي جدا اشتري bmw 316i لحد امبارح خارج من السينما في سيتس ستارز فوجئت با ال gla 200 قدامي بصراحة عربية مشكلة تنفع سبورت شكلها حلو و تنفع برضه عالية عن الارض تريحك من هم المطبات اوبشنز مرسيدس سعر حلو جدا الخوف كله البنزين البنت قالتلي وش 95 انا مش معترض بس هو في بنزينة في مصر مضمونة 95 انا بجد حابب اجيب ال gla جدا يا ريت اسمع نصايحكو

[ENG.MaRk]

الgla 200 عربية جميلة جدا و محترمة و نازلة تكسر الدنيا و تعمل مبيعات جبارة ... أنصحك بيها كنوع من التميز و البنزينات ال95 الحلوة هتلاقيها في التجمع الخامس في التسعين

[ahmed youssef]

انا شايف انها عربية شيك جدا والاوبشن بتاعتها حلوة جدا كفاية الكاميرا والزينون وشكل الجنط جميل دة فى اول فئة عكس البى ام مفهاش f30 ال ٣١٦ مفهاش الاوبشن دية بس الوسع الداخلى لصالح البى ام بمراحل ودة عن تجربة الgla شكلها بمميز وجميل وعالية عن الارض بس ال cla حلوة بردة فكر فيها وشكلها سبورتى اكتر من الاتنين بس واطئة جدا ومش عارف لسة الانتظار كتير للاستلام ولا لسة

[Ahmed zaeter]

بص ياباشا انا في الحيرة دي لكن هجبلك الفايدة انا من رأيي ال GLA تكسب ليه ؟؟؟؟؟
لأن 316 واطية جدا خصوصا لو ٣ ركبوا ورا كل سنة وانت طيب هتسلم على كل مطب في بلدنا الجميلة وياسلام كمان لو انت على الصحراوي او في مارينا مش هحكيلك على المطبات اكيد انت عارف وجربت

ال GLA اعلى طبعا وصلونها افخم بكتييييييير من ال BMW ممكن تكون ال 316 اوسع شوية بس مش كتيييير
الزينون والليدات والشكل السبورت في الصالون وفي الخارج ملوش حل في ال GLA
موتور المرسيدس معروف طبعا،،،،،ممكن بس شنطة ال GLA اصغر شوية من ال 316

وانصحك لو هتجيب هات أول فئة في GLA بدون تردد لأن اميز حاجة في الفئة دي سعرها على أمكانياتها وال Option اللي فيها,,,,,,,,,,,,ال High Line في GLA هتتدفع ٤٠ ألف زيادة على حركات مش عملية

لكن الصراحة انا مدفعش 345 الف مبلغ مش صغير في ال 316 الفاضية دي عشان يبقى اسمي راكب BMW انا بدفع عشان استمتع بالأمكانيات اللي في العربية وده هتلاقيه في ال GLA وفي أول فئة كمان

نيجي لأهم نقطة البنزين،،،،،،،،،،،مرسيدس بتأمن عربيتك من البنزين المنيل اللي في بلدنا اللي مليان شوائب في عشان متحصلش مشاكلفي العربيات بتقولك حط ٩٥ المشكلة في البنزين مش في العربية لأن مواتير مرسيدس الجديدة كلها بتخد بنزين من ٩١ الى ٩٥ وطبعا بنزين بلدنا ال ٩٢ ده استحالة يكون ٩٢ من الشوائب بس ما بالك الغش بقى فبتقولك حط ٩٥ عشان تحمي موتورك وتستفيد من الضمان
ولو هتجيب ان شاء الله انصحك ببنزينة أمارات مصر ووطنية وده بشهادة الناس بتحط ٩٥ أفضل بنزينات في مصر
اسف على الأطالة وتوكل على الله في مرسيدس وربنا يوفقك وروح بص عليها برده في معارض مرسيدس عليها حجوزات حلو

[hany63]

تجيبها بشرط تمون ٩٥ من بنزينة امارات اللي على الطريق الدايري بجوار كارفور
لسه ممون منها حالا ٩٥ لاول مره و حسيت بالفرق الجامد في القوه مقارنة بموبيل العروبه و لما كنت بحط ٩٢ من موبيل و قررت اخليه ٩٥ من نفس المحطه العربيه فرقت في النعومه فقط
من الاخر كله بيغش ال ٩٥ بسبب الدعم اللي اتشال
و بحسبه بسيطه اي صاحب محطه لو حرامي بس اخلاقه عاليه هيخلطه بنسبة النص من ال ٩٢ اللي عنده بالفعل
عارف ده يعمل كام مكسب سنوي فقط من الحركه دي ؟
٣٥ مليون جنيه من الهوا
فنصيحتي بلاش تجيب عربيه متقبلش غير ال ٩٥ والا هتبقى على حافة الهاويه

[ahmed youssef]

بص ياباشا انا في الحيرة دي لكن هجبلك الفايدة انا من رأيي ال GLA تكسب ليه ؟؟؟؟؟
لأن 316 واطية جدا خصوصا لو ٣ ركبوا ورا كل سنة وانت طيب هتسلم على كل مطب في بلدنا الجميلة وياسلام كمان لو انت على الصحراوي او في مارينا مش هحكيلك على المطبات اكيد انت عارف وجربت

ال GLA اعلى طبعا وصلونها افخم بكتييييييير من ال BMW ممكن تكون ال 316 اوسع شوية بس مش كتيييير
الزينون والليدات والشكل السبورت في الصالون وفي الخارج ملوش حل في ال GLA
موتور المرسيدس معروف طبعا،،،،،ممكن بس شنطة ال GLA اصغر شوية من ال 316

وانصحك لو هتجيب هات أول فئة في GLA بدون تردد لأن اميز حاجة في الفئة دي سعرها على أمكانياتها وال Option اللي فيها,,,,,,,,,,,,ال High Line في GLA هتتدفع ٤٠ ألف زيادة على حركات مش عملية

لكن الصراحة انا مدفعش 345 الف مبلغ مش صغير في ال 316 الفاضية دي عشان يبقى اسمي راكب BMW انا بدفع عشان استمتع بالأمكانيات اللي في العربية وده هتلاقيه في ال GLA وفي أول فئة كمان

نيجي لأهم نقطة البنزين،،،،،،،،،،،مرسيدس بتأمن عربيتك من البنزين المنيل اللي في بلدنا اللي مليان شوائب في عشان متحصلش مشاكلفي العربيات بتقولك حط ٩٥ المشكلة في البنزين مش في العربية لأن مواتير مرسيدس الجديدة كلها بتخد بنزين من ٩١ الى ٩٥ وطبعا بنزين بلدنا ال ٩٢ ده استحالة يكون ٩٢ من الشوائب بس ما بالك الغش بقى فبتقولك حط ٩٥ عشان تحمي موتورك وتستفيد من الضمان
ولو هتجيب ان شاء الله انصحك ببنزينة أمارات مصر ووطنية وده بشهادة الناس بتحط ٩٥ أفضل بنزينات في مصر
اسف على الأطالة وتوكل على الله في مرسيدس وربنا يوفقك وروح بص عليها برده في معارض مرسيدس عليها حجوزات حلو

طب اية رأيك فى المرسيدس cla حد جربها يا جماعه انا بقصد ال cla 180 تانى فئة اخبار كمالياتها اية ووسعها واية الفرق بينها وبين gla شكرًا لحضرتك

[potter2006]

انا متشكر لكل الردود بجد يا جماعة حاجة تحير انا روحت التوكيل عربيه ماشاء الله تحفة و استلام فوري و فخامة و كل حاجة بس الواحد مرعوب هحط 95 بس مش ضامن مثلا اني علي طول من بنزينة الامارات انا ساكن جنب موبيل صلاح سالم و لسه خايف مفيش حاجة مضمونه بس العربية مغريه عن ال 316 و ال 320 بشكل مش طبيعي

[Ahmed zaeter]

طب اية رأيك فى المرسيدس cla حد جربها يا جماعه انا بقصد ال cla 180 تانى فئة اخبار كمالياتها اية ووسعها واية الفرق بينها وبين gla شكرًا لحضرتك

موتور ال GLA هو هو موتور ال C ومفيش مقارنة ما بين GLA و CLA لأن دي Catagory ودي catagory تاني خالص

ال CLA عربية شيك اوي وsport جدا ولكن واطية جدا وضيقة جدا جدا يعني عربية محدودة شبابية وليس عائلية
ال GLA من وجهة نظري عملية أكتر منها بكتييير خصوصا لو في عائلة

يعني من الأخر لو بتحب الشكل والمظهر وبتحب تشد : CLA
لو انت عملي وبرده تشد: CLA

ولو انا اشتري ال 316 ومجبش CLA

[Ahmed zaeter]

انا متشكر لكل الردود بجد يا جماعة حاجة تحير انا روحت التوكيل عربيه ماشاء الله تحفة و استلام فوري و فخامة و كل حاجة بس الواحد مرعوب هحط 95 بس مش ضامن مثلا اني علي طول من بنزينة الامارات انا ساكن جنب موبيل صلاح سالم و لسه خايف مفيش حاجة مضمونه بس العربية مغريه عن ال 316 و ال 320 بشكل مش طبيعي

انت صح العربية مغرية جدا جدا جدا ولكن نقف على البنزين ........... انصحك انتظر شوية لحد ما معرض اوتوماك ان شاء الله في شهر ٣ الجاي جايز يحلوها ده لو انت مش مستعجل وانا مفضلش الأستعجال في شراء عربية بالمبلغ ده ............. هتلاقي varity اعلى كتير في المعرض اكيد،،،،،،،،،،،لكن متحطش أمل ان مرسيدس هتحلها لأن لو حلتها هتنزل software جديد للعربية وده هيقلل ال HP وده هيخلي العربية سيئة ومرسيدس مش هتغامر بأسماها ولا بالناس اللي تعبت في ابتكار تكنولوجيا مواتير مرسيدس
لأن الخلاصة المشكلة مش في العربية المشكلة في بنزين بلدنا

مواتير مرسيدس اللي بالشحن التوربيني الجديدة بتاخد البنزين الطبيعي مش اللي في بلدنا من 91 الى 95
فتوكيل مرسيدس في مصر بعد استشارة المانيا كل العربيات الجديدة من مرسيدس تحط بنزين 95 بعد التحليل
وهتمضي اقرار بكده لما تشتري العربية ان التوكيل مش مسئول لو حطيت 92
لو انت مستعجل توكل عل الله وحط بنزين 95 من بنزينة أمارات مصر أو وطنية
ومتقلقش لقدر الله لو حصل حاجة بعد الشر وحللوا بنزين عربيتك وانت بتحط 95 هتتطلع نتيجة التحليل في أسوء الحالات 92 وانت كده في الأمان وجو الضمان

[potter2006]

انت صح العربية مغرية جدا جدا جدا ولكن نقف على البنزين ........... انصحك انتظر شوية لحد ما معرض اوتوماك ان شاء الله في شهر ٣ الجاي جايز يحلوها ده لو انت مش مستعجل وانا مفضلش الأستعجال في شراء عربية بالمبلغ ده ............. هتلاقي varity اعلى كتير في المعرض اكيد،،،،،،،،،،،لكن متحطش أمل ان مرسيدس هتحلها لأن لو حلتها هتنزل software جديد للعربية وده هيقلل ال hp وده هيخلي العربية سيئة ومرسيدس مش هتغامر بأسماها ولا بالناس اللي تعبت في ابتكار تكنولوجيا مواتير مرسيدس
لأن الخلاصة المشكلة مش في العربية المشكلة في بنزين بلدنا

مواتير مرسيدس اللي بالشحن التوربيني الجديدة بتاخد البنزين الطبيعي مش اللي في بلدنا من 91 الى 95
فتوكيل مرسيدس في مصر بعد استشارة المانيا كل العربيات الجديدة من مرسيدس تحط بنزين 95 بعد التحليل
وهتمضي اقرار بكده لما تشتري العربية ان التوكيل مش مسئول لو حطيت 92
لو انت مستعجل توكل عل الله وحط بنزين 95 من بنزينة أمارات مصر أو وطنية
ومتقلقش لقدر الله لو حصل حاجة بعد الشر وحللوا بنزين عربيتك وانت بتحط 95 هتتطلع نتيجة التحليل في أسوء الحالات 92 وانت كده في الأمان وجو الضمان

طمنتني و الله ممكن الواحد يجبها و مش مشكلة مشوار بنزينه الامارات ده ربنا يسهل

[عمرو عمران]

اول حاجه متجبشي سي ال ايه ....عربيه عفشتها زباله ....،ضيقه من ورا جدا جدا .....وسعرها مقارنه بال جي ال ايه يدي الافضليه للجي ال ايه
بص بق الجي ال عربيه راقيه ...وارد المانيا مش زي السي ال ايه متقفله في المجر.......
مناسبه جدا لعائله صغيره نفس موتور السي وهارمون كاردون ساوند سيستم .....رائعه اللون الاحمر جميل جدا فيها ......
بالمناسبه انا عاشق للمرسيدس ومبركبشي غيرها ولا تقارن بالبي ام في كل حاجه صيانه وقطع غيار واعطال الافضليه للنجمه طبعا

[ahmed youssef]

موتور ال GLA هو هو موتور ال C ومفيش مقارنة ما بين GLA و CLA لأن دي Catagory ودي catagory تاني خالص

ال CLA عربية شيك اوي وsport جدا ولكن واطية جدا وضيقة جدا جدا يعني عربية محدودة شبابية وليس عائلية
ال GLA من وجهة نظري عملية أكتر منها بكتييير خصوصا لو في عائلة

يعني من الأخر لو بتحب الشكل والمظهر وبتحب تشد : CLA
لو انت عملي وبرده تشد: CLA

ولو انا اشتري ال 316 ومجبش CLA

لية حضرتك تفضل تشتري ال ٣١٦ مش المرسيدس cla or gla مع فرق الإمكانيات والاوبشن مابين البى ام والمرسيدس

[ahmed youssef]

انت صح العربية مغرية جدا جدا جدا ولكن نقف على البنزين ........... انصحك انتظر شوية لحد ما معرض اوتوماك ان شاء الله في شهر ٣ الجاي جايز يحلوها ده لو انت مش مستعجل وانا مفضلش الأستعجال في شراء عربية بالمبلغ ده ............. هتلاقي varity اعلى كتير في المعرض اكيد،،،،،،،،،،،لكن متحطش أمل ان مرسيدس هتحلها لأن لو حلتها هتنزل software جديد للعربية وده هيقلل ال hp وده هيخلي العربية سيئة ومرسيدس مش هتغامر بأسماها ولا بالناس اللي تعبت في ابتكار تكنولوجيا مواتير مرسيدس
لأن الخلاصة المشكلة مش في العربية المشكلة في بنزين بلدنا

مواتير مرسيدس اللي بالشحن التوربيني الجديدة بتاخد البنزين الطبيعي مش اللي في بلدنا من 91 الى 95
فتوكيل مرسيدس في مصر بعد استشارة المانيا كل العربيات الجديدة من مرسيدس تحط بنزين 95 بعد التحليل
وهتمضي اقرار بكده لما تشتري العربية ان التوكيل مش مسئول لو حطيت 92
لو انت مستعجل توكل عل الله وحط بنزين 95 من بنزينة أمارات مصر أو وطنية
ومتقلقش لقدر الله لو حصل حاجة بعد الشر وحللوا بنزين عربيتك وانت بتحط 95 هتتطلع نتيجة التحليل في أسوء الحالات 92 وانت كده في الأمان وجو الضمان

هتفرق فى اية لما هو يستنى معرض أوتوماك مفيش جديد الا الفولفو الشيب الجديد بس غير كدة مفيش جديد

[ahmed youssef]

طمنتني و الله ممكن الواحد يجبها و مش مشكلة مشوار بنزينه الامارات ده ربنا يسهل

بس سوْال يا جماعة هل فعلا العربيات ممكن ترخص بعد شهر يناير انا سمعت الموضوع دةً كل سنة بس السنة دية حاسس انها ممكن ترخص حتى فى صورة عروض للسيارة خصوصا لو طبقوا الموضوع دة العربيات آلو فوق ال ٣٠٠ الف هتقل مش اقل من ١٥ الى ٢٠ الف جنيها

[عمرو عمران]

بص ياباشا
مبدئيا كده انس تماما سي ال ايه .......عربيه سيئه تماما عفشه ناشفه جدا ...ضيقه جدا من ورا .....ده غير كده تقفيل المجر .....يعني متدفعشي فيها جنيه
الجي ال ايه ....عربيه وارد المانيا ...عاليه عن الارض ....نفس السي تقريبا من جوه حتى بالساوند سيستم .....هات الجي ال ايه....بس حط بنزين 95 من امارات مصر وبالمناسبه وطنيه مفهاش 95 .....وطبعا لو معاك فلوس هات السي ارقى وافضل وافضل طبعا ....