مقارنة شاملة بين بروتون و byd

[tutankhamoun]

شركة بروتون الماليزية أشترت شركة لوتس الأنجليزية و تمتلكها منذ أكثر من 15 عام و ليس شريك تطوير
العلاقة بين بروتون و لوتس علاقة المالك ( بروتون ......... بمالكه و هو لوتس المملوكة لبروتون )

الموتور اللي في الواجا من أول 2008 ........... هو كامبرو و الموتور الكامبرو تطوير لوتس و بروتون .

الموتورمش متغير و لا حاجة علشان الأخ المناهري بيقول أن فيه مشاكل لأصحاب العربية
موتور 2007 زي موتور 2009 زي موتور 2010 ( اللي موجود في مصر )
كل التطويرات بتم في الأنظمة الألكترونية الخاصة بالعربية و أنظمة حرق الهواء فقط .
أما قطع الغيار نقريبا مشتركة أشتراك كامل .

بالنسبة للمقارنة .....
أنا معرفش حاجة عن العربية بي واي دي ........ فعلشان كدا مش هاقدر أتكلم عليها .

إنما العربية الساجا مواصفاتها موجودة و تجربتها موجودة في قسم بروتون

و ربنا يوفق صاحب الموضوع إن شاء الله لأنسب حاجة له .

[M.almaghraby]

العربيتين كويسين.......

[khpopo]

شركة بروتون الماليزية أشترت شركة لوتس الأنجليزية و تمتلكها منذ أكثر من 15 عام و ليس شريك تطوير
العلاقة بين بروتون و لوتس علاقة المالك ( بروتون ......... بمالكه و هو لوتس المملوكة لبروتون )

الموتور اللي في الواجا من أول 2008 ........... هو كامبرو و الموتور الكامبرو تطوير لوتس و بروتون .

الموتورمش متغير و لا حاجة علشان الأخ المناهري بيقول أن فيه مشاكل لأصحاب العربية
موتور 2007 زي موتور 2009 زي موتور 2010 ( اللي موجود في مصر )
كل التطويرات بتم في الأنظمة الألكترونية الخاصة بالعربية و أنظمة حرق الهواء فقط .
أما قطع الغيار نقريبا مشتركة أشتراك كامل .

بالنسبة للمقارنة .....
أنا معرفش حاجة عن العربية بي واي دي ........ فعلشان كدا مش هاقدر أتكلم عليها .

إنما العربية الساجا مواصفاتها موجودة و تجربتها موجودة في قسم بروتون

و ربنا يوفق صاحب الموضوع إن شاء الله لأنسب حاجة له .

+111
بالنسبه لقطع غيار الساجا الى تم الكلام عنه هاتتبدى تنزل بره التوكيل لان العربيه لسه مكملتش سنه لانه يوجد محلات قطع غيار لبروتون كتيره والحرفين كمان وزى ماالجين2 والبيرسونا ليها هاتبقى اختهم الصغيره برضه ليها
ماتورها 1300 بس 94 حصان 120 نيوتن مع حجمها تصبح قويه جداا لكن مع اتزان لوتس الشديد المعروف
العربيه byd عربيه كويسه وليها فتره واثبتت وجودها رغم ان توكيلها الامل مش مديها حقها وافتكر كانت نزله مصر فى اول مره فى معرض اتوماك سنة 2006 وبهرتنى لانها نسخه من كورلا وماتور متسوبيشى وسعرها كويس والصراحه المنتدى هنا محترم جدااا بالناس الى فيه وردودها المحايده جدااا والاسلوب الراقى ومحاولة مساعدة الاخرين
ربنا يوفق

[ابو ياسمين]

الأخوة الأعزاء .. البروتوناوية .. أهلا وسهلا بكم فى قسم .. Byd .. أسعدتنا مشاركتكم الطيبة وتوضيحاتكم الجميلة .. و دائما سأكرر قولى : بأنى أحترم هذة السيارة .. وشركتها التى عرفت كيف تخرج من عبائة التقليد لموديلات متسوبيشى فى بدايتها .. إلى أن أصبحت فى هذة المكانة المرموقة .. بما لها من موديلات و محركات محترمة وخاصة بها .. بل وأصبحت مالكة لواحدة من أشهر شركات السيارات الرياضية و التى سبق لها الفوز 7 مرات فى بطولة العالم ( فورمولا وان ) .. ولكم جميعا تحياتى وبارك الله لكم فى سياراتكم .. وشكرا .

[أبومعاذ]

انا شايف ان مشكلة بي واي دي توكيلها اللي هو شركة الامل لكن العربية نفسها انا مجربتهاش بس مرة وقفت واحد معاه الهاتشباك وذم فيها ذم شديد جدا وكنت ساعتها لسة مجبتش الجين وكنت بفكر فيها وهو خلاني صرفت نظر بس الكلام دا من سنتين ويمكن اكتر وممكن تكون العربية دلوقتي اتحسنت فياريت صاحب الموضوع يشوف العربيتين على ارض الواقع قبل ما يقرر وفي فكرة كويسة اوي ممكن صاحب الموضوع ينزل مركز الصيانة بتاع كل عربية ويشوف رأي الناس في العربية نفسها وفي توكيلها ودا هيخليه يقرر بسهولة ....وياريت تستخير قبل كل ده

[ابو ياسمين]

abojessy عزيزى الفاضل وصاحب الذوق الشديد والمعرفة وتصحيحك لى معلومة ان شركة بروتون فعلا تملك شركة لوتس فى رسالة خاصة ولكنى تاثرت بمشاركة فى احد المواقع ان شركة بروتون لاتملك لوتس اتصلت بالتليفون بالعضو المحترم وقال لى ان الموضوع موضوع شراء اسهم وانه يوجد قيود على بروتون لمدة خمس سنوات قادمة ودلنى على الرابط الاتى ارجو من سيادتك ان تدلنى على نوع الشراكة الكائنة بين بروتون ولوتس من خلال

http://en.wikipedia.org/wiki/Proton_(carmaker)
Lotus
In 1996, Proton acquired a 63.75% share in Lotus Group International Limited for £40,640,000.This was later increased to 100% in 2003. A later PriceWaterhouse Coopers audit would find that the CEO, Yahaya Ahmad, had inked the agreement on 16 October 1996. The agreement was presented to the board for approval on 27 November 1996. As part of the purchase agreement (signed prior to board agreement), there were restrictions placed on Proton's ownership of Lotus. One of the restrictions was a prohibition on diluting ACBN's remaining shareholding for a period of five years. This restricted Proton in its operation of the Lotus business and required Proton to guarantee a £40 million loan in 2000

أخى الفاضل .. الدكتور / elmanahry .. تأملت مرة أخرى مشاركة سيادتك ووجدت فيها مايدعونى للكتابة مرة ثانية بشأنها .. لأنى وجدت بين سطورها درس قدمتة سيادتك بكل تواضع .. فعندما أرسلت رسالة خاصة لم أكن أصحح معلومة بقدر ما كنت أطلب التأكد من معلوماتى .. فأذا بحضرتك تكتب مشاركة تصحح فيها بنفسك المعلومة . بل وتشير إلى رسالتى دون أن أتوقع هذا .. هاكذا ببساطة ودون مكابرة أو ضيق .. ويا سيدى الفاضل أحب أن أقول لك : أن الفرق بين العالم ومدعى العلم هو تصرفك الكريم هذا .. فالعالم يبحث عن الحقائق المجردة ولاينقص من علمة أو مكانتة أن يصححها بأستمرار .. بينما مدعى العلم يدافع بأستماتة عما يقولة حتى لوكان يعلم أنة أخطأ .. رغم أن أى أنسان معرض لهذا .. لأننا نكتب نقلا عن مصادر .. وهذة المصادر تحتمل دائما صحة المعلومة أو خطأها .. فيبادر الأنسان الواثق من نفسة بتصحيحها بينما من هو غير ذلك لا يفعل هذا أبدا .. .. .. أخى الكريم .. يشرفنى دائما أن أشارك فى موضوع مع أنسان على هذا القدر من الأحترام مثلك .. ولك جزيل الشكر والتقدير ..

[elmanahry]

عزيزى الفاضل جدا abojessy سبق وان رديك على رسالة لسيادتك ارجو ان تكون وصلت سيادتك وقلت انى اعتبرك احد الجزر القدسية فى وسط مستنقع الحياة ولن اطيل عليك اعجابى باسلوبك ومعلوماتك ورقى اخلاقك اما من ناحيتى فانى متمسك بقيمة مهمة وهى knowledge is power ولاتدرى كم الاحساس بامتنانى عندما يضيف الى احد معلومة او يصحح لى معلومة وبرغم ان عمرى الان خمسة وخمسون عاما الا انى عندى شغف شديد بالمعرفة فى كل مجالات الحياة و لايبهرنى الغنى او الذى يملك الكثير ولكن يبهرنى الاشخاص الذين ارى فيهم رقى الاخلاق والمعرفة والذوق الرفيع وصحيح ان الحياة الان امتلئت بالتسطح والجهل وفقدان القيم النبيلة والمادية الا انى اسعد وانعزى باشخاص مثلك واشكر الله جدا ان موقع ال BYD حوى شخصيات رائعة اذكر اغنية فرنسية قديمة معناها لو لم يوجد اناس مثلكم لشعرت انى نقطة ماء تعيش فى وحدة شديدة فى بحر الحياة ولسيادتك جزيل الشكر والتقدير

[ابو ياسمين]

الأخ العزيز الغالى الدكتور / elmanahry .. قد تذكر سيادتك أنى ردا على مشاركة كريمة لك سابقا .. قلت أنى وجدت نفسى عاجز عن الرد .. وهو موقف نادر أن يحدث لى .. واليوم وللمرة الثانية أجد نفسى لا أعرف ما أقول ردا على كلماتك الكريمة والتى أعتبرها وسام على صدرى .. .. .. سيدى الفاضل هل تعرف ما هو أجمل شئ فى منتدى BYD ؟؟؟ .. الشئ الجميل والرائع أن هناك علاقة أنسانية جميلة تربط أعضائة لوجة الله سبحانة وتعالى .. أننا جميعا نلتقى على شاشات الكمبيوتر .. قد لانعرف حتى أسماء أو أشكال أو أعمال بعضنا ولا توجد مصلحة مباشرة أو غير مباشرة لأى زميل مع أحد .. ولايدل على قيمة الشخص الا أسلوبة وثقافتة ومواقفة التى تكشف بوضوح عن أخلاقة .. لهذة الأسباب لم يكن من الممكن أبدا أن يكون هناك رياء أومجاملة لأحد .. وتكون كل كلمة يقولها زميل لأخية فى المنتدى.. لا تحمل الا الصدق والمودة الحقيقية .. وقد تشرفت يا أخى بمعرفتك وبكل زملائى الأفاضل فى المنتدى .. وأدعوا الله فى هذة الأيام المباركة أن يديم علينا جميعا المودة والأخوة وهذا المنتدى الجميل .. ولسيادتك أطيب أمنياتى وتحياتى وشكرى العميق .

[amr1973]

اخوانى الاعزاء قسم byd اسمحوا لى ان تستضيفونى معكم كاحد اصدقائكم
ولى تعليق اتمنى ان تتقبلوة منى بصدر رحب
انا احد اوائل ملاك الساجا بمصر و قد كنت متابع لسيارات بروتون منذ فترة طويلة جدا لانبهارى الشديد بتلك السيارة
اولا سوف احاول تفصسص السيارة الساجا
موتور 1300 يعطى باور هور 95 حصان طبعا دون ادنى شك او مبالغة موتور جبار على الفئة اللترية و العزم و لذلك عند ركوبها ستلاحظ فرق سحب السيارة حتى عن سيارات 1500 مثل الدايو طبعا الماتور كامبرو و ما ادراكم ما هى كفاءة وقدرة مواتير الكام بروو
بالنسبة للجير بوكس للاوتوماتيك فهو بالفعل ميتسوبيشى بالكامل و طبعا غنى عن التعريف
بالنسبة للعفشة فمعروف ان عفشة بروتون بالكامل هى عفشة رياضية و التعليق الخلفى تعليق منفصل بمعنى ان كل عجلة منفصلة عن الاخرى الخلفى
اما الثبات مش هاتكلم لان كلامى لا يعطى سيارات بروتون حقها فى ذلك الموضوع لثباتها الرائع عن تجربة فى ملفات السويس و الله 125 كيلو و 130 و ماكنتش خايف و لما كانت معايا اللانوس اقسم بالله 70 كيلو و كنت ببقى مرعوب
اسعار قطع الغيار طبعا الساجا اغلى و لكن ده راجع لفرق المده الزمنية بينهم يعنى فى السنة الاولى لم تكن هناك توافر لاى قطعه غيار خارج التوكيل لل byd و كذلك الساجا قطع الغيار بدات تتوفر مثل التيل الماليزى الصنع خارج التوكيل 120 جنية زية زى الاسبرانزا و الشيرى مع فرق الصناعه لصالح ماليزيا بالطبع
اخى العزيز لو بتتكلم على وسع السيارة يبقى لا الساجا و لا ال byd طبعا الاسبرانزا و لكن بص بقى على عدم ثبات و على عفشة و على عدم اتزان فى السيارة
و اخيرا و ليس اخرا اخى العزيز ان كنت تريد سيارة اوتو فى حدود 70 الف فارشح لك الساجا بكل قوة

و اخيرا اخى العزيز يرجع الاختيار لك فى النهاية

[hugan]

هاتكلم في نقطه واحد ه ذكرها الاخamr1973
ان الاسبرانزا اوسع
طبعا اوسع بمراحل من الساجا
انما البي واي دي
قرييبه في الاتساع من ال516
نقطه العفشه والثبات وعدم الاتزان
اسمحلي هذا الكلام غير صحيح علي الاطلاق
ثبات الاسبرانزا ال516 معرف للجميع بغض النظر عن الكلمه الغريبه صيني
وحتي جميع المشككين اقرو بثبات السياره الممتاز
انا شخصيا 170 وبدون مشاكل في السياره وممكن ازيد لكني اخشي السرعات العاليه جدا
العفشه متسوبيشي لانسر
حتي الموجوده فيها بعض العيوب البسيطه مثل النقره
طبعا الكل يعرف ان البروتون وعلي الاخص مشكله علبه الدركسيون مشكله شهيره جدا فيها
مع الاستخدام ان فرض وجود عيب في العفشه
يتم استبدالها بعفشه لانسر
استخدام 50000 في عامين
الحمد لله بدون مشاكل في العفشهلم يتم تغيير اي جزء فيها
ياريت النقد يكون بناء علي تجربه

[amr1973]

اخى العزيز كلامى بناء على تجربة و مين قال لحضرتك ان عفشة الاسبرانزا عفشة لانسر لا حضرتك الموضوع غلط مش معنى ان بعض قطع العفشة بتاعت الانسر تركب على الاسبرانزا يبقى عفشتها لانسر شتان الفارق بين عربية بعد اقل من 18 الف كيلو كلفتنى حوالى 1500 جنية عشان اشيل بعض عيوب الصناعه زى سكة الموتور و النقرة بتاعت علبة الدركسيون و ترشيح زيت اسفل الماكنه و عيوب اخرى اخى العزيز اعتقد انك لابد و ان تعترف بعدم وجود اى نوع من الثبات او الكلام ده فى الاسبرانزا عن تجربة 2 عربية مش واحدة و الاتنين يمتلكهم اخوات نمراتى و ندموا بجد اشاد الندم على دفع اى مبلغ فى العربية دى و حاليا العربيتين معروضين للبيع واحده 18 الف كيلو و التانية 22 الف كيلو و ذلك لوجود نفس العيوب و على فكرة انا بتعامل مع احمد مهران بتاع الملك الصالح و اتمنى عدم مقارنة بروتون باسبرانزا لان دة اجحاف لبروتون بجد و يبقى حرام عليك

[hugan]

وجهه نظرك وتحترم
لكن فعلا عفشه الاسبرانزا فوتو كوبي
لانسر

[momopersona]

انا مالك لبروتون برسونا

ورأيى فى المقارنه خليك فى بى واى دى ومش هاتندم f3 تقارن بالواجا مش بالساجا خالص
عربيه عائليه نفس فئة الكورولا
وشركه محترمه بتسعى لتكوين قاعده مستهلكين
بعكس ما اشعره تجاه بروتون من قبل الوكيل المصرى
عز العرب بيتفنن فى تكريه مالك بروتون فى سيارته
بعكس بى واى دى

[Ahmed.Ali]

انا مالك لبروتون برسونا

ورأيى فى المقارنه خليك فى بى واى دى ومش هاتندم f3 تقارن بالواجا مش بالساجا خالص
عربيه عائليه نفس فئة الكورولا
وشركه محترمه بتسعى لتكوين قاعده مستهلكين
بعكس ما اشعره تجاه بروتون من قبل الوكيل المصرى
عز العرب بيتفنن فى تكريه مالك بروتون فى سيارته
بعكس بى واى دى

بعيدا عن الكلام بتاع الوكيل لان مش هنوصل لحل
الـ byd عربيه محترمه جدا و انا من المناحزين ليها لانها لا تقارن بالساجا اساسا انما تقارن بالبرسونا
لو معاك تمن البرسونا هاتها بلا تردد ممعكش يبقي الـ byd ممتازه

[EgyptianTune]

الأعضاء زعلانين من مقارنة الماليزى بالصينى رغم إن المسافة بينهم مش كبيرة بل بالعكس الصين سبقت وتفوقت وقدرت تطور محركات بنفسها فى فترة وجيزة جداً وعندها مصانع لفولكس وجنرال موتورز وفورد

إنما تقولوا إيه فى اللى بيقارن كورى بألمانى