™ سؤال بخصوص تغيير مرايات l3 بمرايات ضم ™

[ELTenin]

السلام عليكم ورحمة الله وبركاته

الاستفسار ده اتمنى بجد ان احد الخبراء هنا يفيدنى فيه

انا معايا L3 Auto وكنت بفكر انى اعدل على المرايات واخلى فيها اشارات

وكمان انى اركب لها وحدة ضم تشتغل اوتوماتيكى مع فتح وغلق سنتر السيارة

وبعدين جت فى دماغى فكرة

بدل ما اعدل عليها واقص فيها واركب اشارات واركب وحدة الضم

طب ما انا اشوف مرايات لأى سيارة تانية تكون مجهزة بوحدة الضم وفيها اشارات وخلاص

طلبى هنا من الخبراء لو سمحتوا :

اى نوع اخر من السيارات مراياته تكون مجهزة كده وتركب فى L3 بدون تعديل فى اماكن ربط المرايات ؟

ويكون شكلها شيك بردوا

انا فكرت فى الكيا سيراتو الجديدة او حتى القديمة مش مشكلة او النيو النترا

بس معرفش هل تركب عندى علطول ولا اماكن ربط المسامير مختلفة ؟

شاكرين مساعدتكم :)

[محمد بلال]

متابع

[shiko85]

وعليكم السلام ورحمة الله وبركاته
قبل ما حضرتك تدور على المرايا اللى تنفع خلى بالك هتحتاج توصل كهرباء للمرايا من الضفيره و ده هيخرج العربيه من الضمان او على الأقل هيخرج الضفيره و الكهرباء من الضمان (طبعا فحاله ان المرايات مش مجهزه اصلا لكن لو فيها الوصلات مفيش مشاكل)

[ELTenin]

وعليكم السلام ورحمة الله وبركاته
قبل ما حضرتك تدور على المرايا اللى تنفع خلى بالك هتحتاج توصل كهرباء للمرايا من الضفيره و ده هيخرج العربيه من الضمان او على الأقل هيخرج الضفيره و الكهرباء من الضمان (طبعا فحاله ان المرايات مش مجهزه اصلا لكن لو فيها الوصلات مفيش مشاكل)

مشكور اخى الكريم على ردك

1- موضوع الضمان ممكن نرتاح منه لو خدنا المرايات واتركبت فى التوكيل .
2- نقطة لو المرايات مجهزة اصلا دى مش فاهمها

لو انا فاهم صح يبقى حاتكون اكيد مجهزة لانى المفروض حاشتريها فيها وحدة الضم + الاشارات

فاكيد بيكون سلكهم فيهم ولا ايه ؟

73 مشاهدة ومحدش قادنى بالنوع اللى ممكن يركب ايه ويكون من غير تعديل فى المرايا اللى حاشتريها او فى دراع حامل المرايا اللى فى العربية ؟

ده انا كمان كنت نفسى اسال بيكون سعرهم كام تقريبا ومنين ؟

[shiko85]

مشكور اخى الكريم على ردك
العفو, الشكر لله وحده
1- موضوع الضمان ممكن نرتاح منه لو خدنا المرايات واتركبت فى التوكيل .
مش اى توكيل يرضى يركب اجزاء تم شراءها من خارج التوكيل و خصوصا لو مش اجزاء اصليه و المرايات اللى حضرتك عايزها هتكون بتاعت عربيه تانيه (بفرض ان قواعد المرايات واحده) محتاجه توصيل كهرباء و عمل مفتاح لها
2- نقطة لو المرايات مجهزة اصلا دى مش فاهمها
لو انا فاهم صح يبقى حاتكون اكيد مجهزة لانى المفروض حاشتريها فيها وحدة الضم + الاشارات
فاكيد بيكون سلكهم فيهم ولا ايه ؟
اقصد العربيه مجهزه اصلا بوصلات كهرباء للمرايا

[ELTenin]

انا شفت فى المانيول بتاع العربية اللى معايا ان فى مكان مجهز يركب فيه زرار ضم وفتح المرايات

المكان ده فى التابلوه جنب زراير تعديل المرايات

اظن كده تكون مجهزة على ما اظن

لكن المهم اوى دلوقتى هو اى نوع من المرايات يركب فى العربية بدون تعديل ؟ :(

[shiko85]

انا شفت فى المانيول بتاع العربية اللى معايا ان فى مكان مجهز يركب فيه زرار ضم وفتح المرايات
المكان ده فى التابلوه جنب زراير تعديل المرايات
اظن كده تكون مجهزة على ما اظن
تمام
لكن المهم اوى دلوقتى هو اى نوع من المرايات يركب فى العربية بدون تعديل ؟ :(
اعتقد كورولا الشكل السابق

[Brightone]

هل فى مكان لمرايات الضم فى f3

[ahmeaad]

انا عندي موديل 2014 ومتابع موضوع تركيب مرايات الضم والي ينفع كورلا ومن بورسعيد المرايا 350

[melad_bady]

عَل ممكن

انا عندي موديل 2014 ومتابع موضوع تركيب مرايات الضم والي ينفع كورلا ومن بورسعيد المرايا 350