تجربتى مع الفاو فيتا

[tamermansour1]

السلام عليكم
قمت بشراء سيارة فاو فيتا 2010ايزى ترونيك عاملة 116 الف على العداد
والصراحة دى كانت اول غلطة لانها كده خرجت من الضمان
اللى هو عبارة عن 100000او خمس سنوات ايهما اقرب
بعد شهر واحد تعرضت لاول مشكلة وهى ان العربية وقفت
ولا تقبل الغيارات سواء المانوال او الاوتو
المهم خدت العربية على كساحة وتوجهت الى التوكيل فى العبور
وبعد الفحص كانت المشكلة عبارة عن ماستر دبرياج
المهم سعر الماستر 2700 وتكاليف الصيانة زيت واجور 1900
وبادخال واسطة اصبح الاجمالى 3900
المهم وللامانة العربية جميلة ثبات ورفاهية بالنسبة لسعرها
وبعد ذلك فوجئت الماكينة بتاكل زيت ففكرت طبعا فى البعد عن التوكيل
ولكن والحمد لله طلع امر الماكينة سهل لان قطع غيارها كلها طلعت تويوتا
تسعينات وعدت على خير
المهم ودى نصيحة للاهمية الفتيس قفش تانى
جبت الكساحة اياها ويلا على الميكانيكى وابعدنا عن التوكيل
المهم الميكانيكى افتى بان الفتيس انكسر ومحتاجين فتيس اخر
تسمحولى نكمل كمان شوية

[bassem.naguib]

هي مش العربية أتوماتيك .. ماستر دبرياج أيه بقى ؟!

[dedi]

3900 سعر الماستر لية دى عربية صينى
ماهو دة الموش بيخلى العربيات دى تنتشر دة استهبال التوكيل

[tamermansour1]

السلام عليكم
الاستاذ باسم حضرتك الفتيس ايزى ترونيك ووصفه نقلا عن الاستاذ احمد علاء حسنى
هوه اصلا فتيس مانيوال بدسك واسطوانه بس من غير بدال دبرياج وفي المقابل فيه كمبيوتر مخصوص بيتحكم في النقلات وكأنه بيدوس مكانك دبرياج يعني تستفيد من المانيوال بعزمه وتوفير بنزين وترتاح من دوسه البدال بتاع الدبرياج ده قصه الإيزي ترونيك بكل بساطه انت بدوس بنزين عادى و تخف رجلك عند ار بى ام 2.6 هتنقل بمنتهى السلاسة و مع الوقت مش هتحتاج تبص على الار بى ام. و بالنسبة للحرق لما تعمل كيك داون هتسحب جامد معاك و الار بى ام هيعلى عشان مش هتنقل فى هذه الحالة. و بالنسبة للنقل من اوتو لمانوال هتجيب الفيتيس عادى شمال حتى و انت ماشى عادى و تنقل السرعات بزقة لفوق او لتحت
انت لو اتعودت عليه هيبقى مفيهوش عيوب يعنى هتاخد سحب و اداء المانوال واستهلاك بنزينه و فى نفس الوقت راحة الاوتوماتك غير انه ارخص ميت مرة من الاوتوماتك يعنى احسن من الاثنين لو نفترض انك مانوال ونسيت تدي الغيار الأعلى ووصلت قرب الرد زون هتغير لوحدها للاعلى
يعنى الليلة كلها ف حسب شيلة رجلك من عـ البنزين..
الموديول (Easytronic) بيبقى متظبط مع الـECU عشان الحتة دى تحديدا..
Accelerator-pedal released position.. الدواسة حساسة جدا وليها 2-مود:

1- لو شيلت رجلك مرة واحدة: بيفهم انك فـ مقف طوارىء؛ وبيعمل fuel/ignition-cut وممكن يشغل Brake-Assist (لو العربية فيها مع الـABS+EBD)..
وبيبقى مستنى كمان لمسة الفرامل منك عشان يعمل hard-braking
كده Engine-brake بتشتغل بكل قوتها (موتور وجيربوكس)!!

2- الحالة الثانية: لو شيلت رجلك smooth من عـ الدواسة:
مابيقفلش الـthrottle مرة واحدة؛ والـinjection/ignition بيفضل شغال.. بس بينزل تدريجيا، عشان الـrpm مايحصلوش drop..
ويسبب lengthwise-shaking للعربية (وطبعا هنا مفيش engine-brake).
وللاستزادة يمكننا متابعة هذا الرابط

http://www.nilemotors.net/Nile/221211-a.html

[bassem.naguib]

معلش عذراً أنا ممكن أكون مخدتش بالي وافتكرتها ستيب ترونيك (قريتها بسرعة أو عقلي هيأها ليا انها ستيب ترونيك) .

يعني عندك زيها زي فتيس التويوتا ال mmt .. ودي معلومة جديدة بالنسبة ليا أن الفاو نازلة بفتيس ايزي ترونيك .


المهم طمنا عملت أيه ووصلت لأيه .

[hugan]

في انتظار البقيه

[tamermansour1]

تابع حكايتى مع الفاو فيتا

وبعد فتوى الميكانيكى بوجوب تغيير الفتيس
استلفت عربية واحد صاحبى وخدت الميكانيكى وبينا على الحرفيين بالقاهرة
وللعلم طريق الحرفيين هو نفس طريق المطار من الدائرى وتدخل من قبل نفق السلام مباشرة
المهم بعد مناقشات مع الميكانيكى رسينا على تركيب فتيس مانيوال اتقاءا لمشاكل الايزى ترونيك
وده معناه شوية تعديلات الا انه ممكن
والميكانيكى قال ان فتيس الجيلى يركب عليها
وصلنا الحرفيين محدش عارف نوع العربية اصلا بدأنا نسأل على فتيس الجيلى سواء مستعمل او جديد
وللاسف لم نجد شىء متاح حاليا واخبرونا انه حيتواجد خلال شهر
قلنا ندور على حد بيصلح فتيس اتوماتيك يمكن يدلنا عاى فتيس متوافق معانا
دلونا على اوتو ترانس لصاحبها م احمد عبد الجواد الراجل احسن استقبالنا وقالنا حظكو حلو
يعرف واحد عنده فتيس بايظ حيشتريهولناويقوم بتجميع فتيس سليم من الفتيسين البايظين
الصراحة الفكرة معجبتنيش لانى حسيت انى سأظل تحت رحمة الايزى ترونيك
لكن الميكانيكى اقنعنى بان ده الافضل والاوفر
فقمت باعطاء المهندس احمد 2000 جنيه بناءا على طلبه وقالى باقى 600 جنيه
وخدت تليفونه وقالى يوم الاثنين اتصل بيا وبدات رحلة العذاب كل ما احاول اتصل بيه التليفون مغلق
اوخارج الخدمة ولم اجد بدا بعد اسبوعين سوى السفر الى القاهرة مرة اخرى لمقابلته
فقابلنى بابتسام شديدة واعتذر لى متعللا بظروف مرضية
وحينما استفسرت منه عن سبب غلق تليفونه اعطانى رقم اخر وفعلا بدأ يرد عليا
نكمل بعد شويتين

[hugan]

يامسهل

[tamermansour1]

وفعلا المهندس بدأ يرد عليا
وبدات رحلة من نوع اخر لمدة اسبوعين
خلاصتها كل اتصال يطلب منى خمس دقائق وهو حيتصل بيا
وللاسف لا حياة لمن تنادى حتى فاض بى واضطررت للسفر اليه
فقابلنى بابتسامة واخذ يلف ويدور وفى النهاية طلب منى الصبر لمدة 3ايام اخرى
وطبعا اتضح لى ان هذا الرجل لا يقدر قيمة واحد بيسافر يعنى ايه اقل ما فيها يوم بيضيع
رايح جاى
وطبعا عملت مشكلة وخدت فلوسى والفتيس
والان ليس امامى سوى الخيارات الاتية
التوكيل وده معناه بضع وعشرون الفا من الجنيهات
انتظار فتيس مانيوال او اتوماتيك مستعمل جيلى والمستعمل قالولى اصبر
وانا الان فى حيص بيص ودعواتكم واى جديد ساقوم بابلاغكم فورا

[hugan]

ماتحاول تشوف موتور تويوتا بفتيسه وتسقط
احسن من وجع القلب

[elpasha1]

فكرة كويسة