اللى يسأل مايضحكش عليه

[daridy]

سؤال ونفسى اللى يجاوب يقول وينصحنى بجد
وانت وضميرك بقى
انا هاشترى بريليانس fsv
بس فيه ناس بتشككنى فى العربيه مع انى شايفها كويسه جدا
ناس تقولك فيها مشكله فى الزجاج الكهرباء بتاعته
ناس تانيه تقولك الكاسيت فيه مشكله
ناس تالته تقولك الفتيس لو اتوماتيك خاف منه عشان ده صينى

ياجماعه نفسى حد يريحنى ويدلنى

[alsfah0]

يا باشا والله العربية دى محترمة اوى انا فضلت اكتر من 5 شهوووور بدور على العربية دى وببحث عنها كتير وسألت ناس معاها العربية وشكرووو فيها جدا وانا توكلت على الله وحجزت fsv . صلى استخارة كدا وان شاء الله ربنا يوفقك وادعلنا بقى وانت بتصلى نستلم قرررررررررريب

[akramesg]

50 الف ولا مشكله من اللى بتقول عليهم

[tafa17]

بص حضرتك انا مش معايا لسه العربية بس بدور وهيا ما شاء الله بيقولو عليها كويسة جدا
وعلي فكرة الاوتوماتيك بتاعها ماتور لانسر 1600 والمانيوال ماتور الشركة نفسه بريليانس 1500
لو عاجباك توكل علي الله وصلي استخارة وماتسمعش لحد

[ADELHASANALSHAAIRYN6]

Fsv 2012 سيارة فوق النمرة واحد . يالله سمى وكل

[FARAGAMF]

انا معى العربية 25 الف كيلو ومافيش المشاكل دى خالص

[khaledazizeg]

50 الف ولا مشكله من اللى بتقول عليهم

ربنا يباركلك فيها ويعطيك خيرها ويكفيك شرها

[الاحمدى موتورز]

سؤال العربية اصلا مش موجودة حجز بقالهم سنة وكل شوية يقول كمان 3 اشهر
عامة اصبر لو دخلت هبلغكم

[zemanovaxxx]

علي فكرة العربية دي خسارة فيها الفلوس, وبجد بجد باندم ع اليوم اللي اشتريت فيه العربية دي. الواحد كان راح اشتري فيرنا ولا لوجان وريح دماغه, لكن أقول إيه الله يجازي اللي كان السبب.




علي فكرة أنا باخرف وباهذي, والكلام اللي فوق ده كان هزار. ويمكن نكون كلنا سمعناه قبل كده من ناس مش معاها العربية. العربية بقالها معايا سنة وداخل علي صيانة ال20000 إن شاء الله قريب, ومفيش كلام من اللي حضرتك بتقوله ده حصل معايا خالص. أنا راكب أول فئة مانيوال 1500 سي سي. وبصراحة العربية تستاهل كل جنيه إتدفع فيها, أي خدمة.

نصيحة: إسمع من اللي معاه العربية وبلاش تسمع من البياعين وأصحاب المعارض ولا حتي من واحد صاحبك راكب عربية تانية وعايزك تشتري زي عربيته. وراجع قسم البريليانس هنا هتلاقي ناس كتير وتقارير عن العربية تخليك تطمئن, ومن ضمن الموضوعات:

http://www.nilemotors.net/Nile/208762-fsv.html

http://www.nilemotors.net/Nile/217701-a.html

[الاحمدى موتورز]

مين قال ان البريلينس وحشة ، بس بقالها اكتر من سنة مش موجودة
هي عربية كويسة بس مفيش عبية مالهاش عيوب

[amr960]

عربيه حلوه فعلا بس العيب بتاعها اعاده البيع و قطع الغيار التوكيل مغالى جداا فى اسعار قطع الغيار مع انها صينى

[eng_hatmido]

بم ان الاحمدي موتورز اون لاين .... ممكن سؤال رفيع؟؟
هو انتوا ليه الناس معترضة عليكوا وبتشتكي منكم ... انكم اغلي من التوكيل بكتير وبتتأخروا في التسليم وكمان محدش بيساعد في الترخيص ... نرجوا الحقيقة لو تكرمتم

[الاحمدى موتورز]

اولا

احنا عمرنا ما بعنا اغلى من التوكيل حتى في اخر ايام البريليان لما خلصت على شهر واحد 2011
وفي اخر ايام العربية دي كانت العربية ب 69900 والتوكيل خلاها 71900 فا مش احنا اللي رفعنا السعر

دايما با حب التزم بالسعر الرسمي لاني موزع معتمد ومينفعش احرق العربية في السوق كون ان في بعض الناس عملت كده فدا مش مشكلتي انا

بنتأخر دي لايمكن لان العربية دي حاجة من اتنين
يإما واقفا قدامي هيدفع هيستلم هيمشي
او هطلعها من الشركة لو اللون العندي مش عايزه الشركة بتاخد اسبوع عشان تتطلع الشركة مع العلم العميل بذلك
او قسط فالإجراء الطبيعي ان العميل يطلع على الترخيص دي شروط البنك

مفيش عميل بياخد عربية إلا حاجة من اتنين بيطلب حد يساعده في الترخيص حتى لو كان اجنبي ( لانهم مشكلة فعلا في الترخيص ) او هو اللي بيرفض بيقول ان عنده واسطة مع العلم اني بفضل مندوب يطلع معاهم وانا ما اذكرش بريلينس مطلعش مندوب معاهم ( دا اختياري للعميل )

لو ناس اشتكت فممكن حضرتك تقولي اسمه انا لحد انهاردة عندي ملفات كل العملاء اللي اشتروا بريليانس من سنة

اما الحجز فالصراحة مش فإيدي انا حاجز مع الشركة للدفعة الجديدة اللي شكلها مش جاية كل 3 شهور يقولك كمان 3شهور عشان كده قلت اللي مستعجل ع عربية ما يستناش البريليانس واللي بيحبها وهي عربية ممتازة يستناها

[limo81]

الحقووونى يا جماعه

فعلاً لؤى كان عنده حق!!! انا لسه مكلم المبيعات علشان كانوا قايلين العربيه جايه فى نص يناير
امبارح قالولى نص مارس (الكروس مانوال و اوتو والFSV اوتو)

انا زهقت وعايز النصيحه من "البريليانساويه "

تستاهل اسنتى واصبر كمان!!!! خايف فى شهر 3 يقولى حوار تانى
ولا أجيب (رينو سكالا - اكسنت RB - نيسان صنى)

أفيدونا أفادكم الله

[الاحمدى موتورز]

انت بقالك قد إيه مدوخينك انا اخر طلبية اخدتها منهم كانت في شهر 12 / 2011 وكلها وعد لا يوفون بيها

rb طبعا