نصيحه لوجه الله ....سير الكاتينه ....

[fedo171]

انا اول مره اعمل موضوع هنا ومش معايا سبرنزا بس اتنين قراييي معاهم واحد a113 والتاني الكبيره ال 5١6 والتنين حصلهم نفس المشكله لما جم يغيرو سير الكاتينه عند ال 60 الف كيلو جابو سير من برا التوكيل سعره بيبقي من ١20 ل ١50 جنيه المهم فالعزبيتين واحد السير قطع عند ١5 كيلو وواحد قطع عند 20 الف والعزبيتين جابو صبابات والوش بيروح للخراط وحوار رخم جدا جدا
اللي عايز يغير السير يغيرو فالتوكيل او يجيب السير الغالي بيعمل حوالي 250 جنيه عشان انا شفت المعاناه ده قدامي مرتين بسبب السيورالضروبه اللي مايل السوق شكراااااا

[esam722]

جزاك الله كل خير على النصيحة المهمة دى
وياريت الناس فعلا تاخد بالها من الموضوع ده لان فتح الموتور عمر ماهيرجعوا تانى زى الاول

[AMGAD1521977]

الكلام ده فعلآ صحيح ياريت الناس تركز و هى بتشترى سير الكاتينة و عن تجربة خارج التوكيل انا عندى ال516 مغير لها سير من عند زكى جرجس فى شارع دمشق النوع continental المانى و دى شركة المانى رائدة فى صناعة اطارات العربيات و بحثت فى النت عن نوع السير و فعلآ وجدته و هو نوع ممتاز ( لم اركبه فى العربية الا بعد ان سألت الميكانيكى الخاص بى و اكد لى انه نوعية جيدة ) و عامل بيه حتى الان حوالى 25 الف اما بالنسبة للسير الخاص بالتوكيل فهو فى الغالب نوعه gates انجليزى فهو جيد فى النوع الاول كان عامل حوالى 170 جنيه من 8 شهور و ارجو ان المعلومات دى تكون مفيدة لاعضاء المنتدى تحياتى لهم جميعآ

[elnopy2005]

شكرا للنصيحة اخى الكريم

[mmmmgogommmm]

شكرا للجميع ---بارك الله لكم وفى سياراتكم

[aboomarahmad]

السلام عليكم:
هقولكم تجربتي في الموضوع ده للإستفادة والمناقشة
1- عربيتي تيجو 2000 سي سي مو 2010 عاملة 20000كم
2- طلبوا في التوكيل يغيروا لها السير على اساس انه بيتغير كل 40000كم او سنتين
3-لقيت سعر تغييره عندهم 1000 ج. شامل المصنعية فترددت اني اعمله
4- سألت صاحب ليا مهندس سيارات في عز العرب قالي صحيح معظم السيور بتشقق بعد سنتين لكن ده متغيروش لأن السير الأصلي بيقعد أكتر من كدة بكتير
5- الرقم 1000ج. ده مبالغ فيه جدا ولما رفضت تغييره قالولي كدة الموتور هيطلع برة الضمان....علما بأن الضمان هيخلص في اكتوبر اللي جاي لأني مستلم العربية من اكتوبر 2009

أفيدونا بآرائكم

م.ياسر

[hemaa_82]

السلام عليكم:
هقولكم تجربتي في الموضوع ده للإستفادة والمناقشة
1- عربيتي تيجو 2000 سي سي مو 2010 عاملة 20000كم
2- طلبوا في التوكيل يغيروا لها السير على اساس انه بيتغير كل 40000كم او سنتين
3-لقيت سعر تغييره عندهم 1000 ج. شامل المصنعية فترددت اني اعمله
4- سألت صاحب ليا مهندس سيارات في عز العرب قالي صحيح معظم السيور بتشقق بعد سنتين لكن ده متغيروش لأن السير الأصلي بيقعد أكتر من كدة بكتير
5- الرقم 1000ج. ده مبالغ فيه جدا ولما رفضت تغييره قالولي كدة الموتور هيطلع برة الضمان....علما بأن الضمان هيخلص في اكتوبر اللي جاي لأني مستلم العربية من اكتوبر 2009

أفيدونا بآرائكم

م.ياسر

حبيبي.... انا هطلع من ضماني في سبتمبر ... بس انا هعملها جوة التوكيل لشوية اسباب .....

اولا ... اهي مرة و تعدي وخلاص ...
ثانيا ... علشان اعرف احكم علي الفرق في الكاتينة اللي بعد كدة اللي هتتعمل بره كمان 50 ولا 60 الف بقي ..
ثالثا....ليا حاجات علي الضمان "طارة دريكسيون + زرار رباعي -زجاج السواق-"
رابعا .... مش عايز العب برة التوكيل قبل ال 100 الف ان شاء الله

فكدة كده المرتب الشهر ده هيضيع علي نقاوة .... و بصراحة العربية حلوة و مبتشتكيش ....و تستاهل

غير اني جيت اقول اوفر ...لقيت اني عايز طقم عجل هيعمل من 2000 الي 2500 ...و عايز تأمين هيعمل بتاع 1700 الي 1900... جت يعني علي ال 1000 بتاعت التوكيل ... خربانة خربانة نعمل الصح بقي ... وربنا يبعت للعجل و بعدها التأمين ان شاء الله

[mhmdalsaadany]

جزاك الله كل الخير والف شكر للمعلومات الهامه دي