اسبرنزا 516

[توتى توتى]

ايه رايكوا فى اسبرنزا a516موديل 2007او2008او2009 وفى منها اتوماتيك ولا ايه والى حالتها كويسه تعمل كام تقريبا وهل قطع غيارها متوفره واسعارها رخيصه علما بان انتاجها توقف وانا حدودى من40الى 50 الف ولا ترشحولى ايه ولا جيلى ck2تكون افضل وايه المزايا والعيوب وقطع الغيار ايه اخبارها
ارجو الرد ضرورىللاهميه

[pepo2011]

لا لا لا بلاش الصيني المبلغ دا يجيب فيرنا اوتوماتيك كويسة

[bassemali]

ال 516 عربيه ممتازه على مدى 3 سنوات من التجربه مافيش منها اوتوماتيك ولاتقارن بالفيرنا ولا بالانوس ال 516 اكبر وافخم واحدث وكماليتها اكتر وثباتها اعلى وقطع غيارها بنفس اسعار الانوس والفيرنا والافضل من موديلات 2008 او 2009 لان 2007 كان اول نزولها وكان فيها مشاكل ف التقفيل كتيراهم حاجه زيها زي اي عربيه مستعمله تكشف عليها كويس وتدور على حاله نظيفه ومبلغ 50 الف يجيبلك 2010 ممتازه او 2011 كمان.

[wallace]

ارشحلك موديل 2008 و 2009 والعربية ما شاء الله جميلة وصاجها انشف من الفيرنا وثباتها احسن بمراحل ,وقطع غيارها مش غالية وسهل تلاقيها ان شاء الله ,بس اهم حاجة تلاقي حالة كويسة

[hugan]

لا لا لا بلاش الصيني المبلغ دا يجيب فيرنا اوتوماتيك كويسة

فيرنا
طيب

[توتى توتى]

شكراا لكل الى رد

[توتى توتى]

بس ياجماعه انا سمعت ان مفيش منها اتوماتيك والى موجوده متسقط لها موتور لانسر بفتيس اتوماتيك وانا طلبى الاساسى فى العربيه تكون اتوماتيك مبعرفش اسوق مانوال تنصحونى بايه بقى والفرنا اتوماتيك حاله كويسه تعمل كام وانا قلقت من حكايه متسقط لها موتور دى ولا عادى ولا انتوا رايكوا ايه ؟؟

[pepo2011]

بصي يا فندم الصيني مش كويس خالص اوتوماتيك وموضوع تسقيط مكنة بفتيس مش بينفع 100% في كل الماركات يعني فاشل في الصيني طبعا

لذلك يفضل انها تكون حاجة اوتوماتيك من الاساس والفيرنا والنوبيرا والميتسوبيشي والكيا افضل الماركات في الفتيس الاوتوماتيك مع اختلاف الموديلات وتفاوت الاسعار

لو عاوزة تركبي الاسبيرانزا يبقي 2007 - 2008 مانيوااااااال

[توتى توتى]

شكرا لرد ك

[hugan]

معلش بس نفسي اعرف الاخ اللي حكم باءن التسقيط فاشل طبعا
وبياكد علي كلامه
جاب الكلام ده منين
الاخ صاحب الموضوع التسقيط ناجح جدا في اسبرانزا زيه زي اي عربيه عايز تسقط فيها موتور
بيتسقط مواتير لانسر اوتو 1600 و2000 سي
تقريبا تاكسيات مصر كلها مسقطه مواتير لانسر 2000
وشغاله دب في الشوارع

[توتى توتى]

شكرا لرد حضرتك طمنتنى شويه انا عجبانى اسبرنزا516 وسعرها معقول بالنسبه ليا بس كنت هصرف نظر عنها بسبب موضوع تسقيط الموتور ده وانها ما بتنزلش اوتوماتيك وانا طلبى الاساسى اتو وياريت ياجماعه الى عنده فكره عن موضوع تسقيط الموتور ده يشاركنا الراى

[pepo2011]

مفيش مشكلة من تسقيط الموتور دا لو حضرتك عندك وقت طبعا للكلام دا ولو عندك ميكانيكي كويس تثقي فيه لان الموضوع مش تسقيط مكنة ومكان مكنة وخلاص
يبقي اعتقد الافضل تكون حاجة اوتوماتيك من اساسها

[pepo2011]

عشان حضرتك انا مهندس في توكيل سيارات وبتكلم من حيث الفنيات مش ينفع او لا
بس سؤال هو وزن اللانسر وي وزن الاسبرانزا؟؟؟

[توتى توتى]

واالله يااستاذ بيبو انا معنديش قكره عن ميكانيكا السيارات وبالتالى مش هعرف اقولك وزت الاسبرنزا ايه ووزن الانسر ايه؟؟؟؟ انا واحده عايزه تشترى عربيه حالتها كويسه متجننيش وتكون اتوماتيك وسيدان وسعرها مناسب ليا من 40الى 50 الف ولقيت الموضوع صعب وزاددت حيرتى وموصلتش لقرار فى النهايه انا هكلم ميكانكى وافوض له الامر واقولى طلبى وهوا يتصرف ؟؟ وشكراااااااااااااااااااااا

[pepo2011]

بخصوص السيارة

انا عارف طبعا ان حضرتك معندكيش فكرو عن الوزن لكن السؤال يحمل معني تاني ان وزن وحجم السيارة لازم يتحط في الاعتبار من ضمن معايير الحكم والسلامة والامان