m11 new nice car

[OSHA]

لفت نظر ى العربيه m11 ولقد قرات كثير عن جوده الخامات وروعه التصميم ..لكن سؤالى هل تقفيل العربيه المعروضه فى معرض ابو الفتوح تقفيل مصرى ولا صينى؟ هل العربيات التى سيتم تسويقها بمصر فى المستقبل ستكون بنفس جوده التقفيل الحالى مثل العربيات المعروضه ولا هلاقى تزيق فى الباب وتعليق الريموت الخ الخ؟؟؟ شكرا للرد

[h_shahin]

أبو الفتوح هو إللى يقدر يجاوبك دلوقتى
لإن مفيش حد لسه جرب العربية سواء الصينى أو التقفيل المصرى

[Hacker5]

المعروض فى المعارض تقفيل مصرى و التقفيل فى رأى ممتاز

[OSHA]

بس قلولى ان مفيش لسه عربيات اتقفلت فى مصر والمعروض كان تقفيل صينى

[hemaa_82]

كل اللي موجود مصري.... انا لسة دافع تمنها حالا....استلمها من ابو غالي روكسي الخميس ان شاء اللة.... دعواتكم يا اخوانا ربنا يكرمني فيها و يكرمكم ان شاء الله

[ahmad--ezzat]

هو الناس اللى بتقول التقفيل ممتاز والتقفيل روعه...جربو العربيه فينن....موضوع التقفيل دة لازم تجرب العربيه شهر على الاقل عشان تعرف ازاى كانت العربيه متقفل ومربوطه كويس ولا لا..

[amr.elsayed]

كل اللي موجود مصري.... انا لسة دافع تمنها حالا....استلمها من ابو غالي روكسي الخميس ان شاء اللة.... دعواتكم يا اخوانا ربنا يكرمني فيها و يكرمكم ان شاء الله

الف مبروك يا باشا وربنا يعطيك خيرها ويكفيك شرها
طبعا مستنين تقييمك وانطباعك وملاحظاتك على العربية
وان شاء الله تستلم على خير وتفرح وتنبسط منها

[OSHA]

الاستاذ هيما يا ريت تقلنا انطباعك عن العربيه يوم الخميس والففف مبروك وربنا يكفيك شرها

[Hacker5]

الف مبروك يا هيما باشا
احسنت الاختيار على راى منصور شيفورليه
ياريت بقى تعملنا تقييم محترم و متنفصش زاى ما كل الاعضاء عملوا فينا من فرحة العربية :)
تستلم على خير ان شاء الله

[hossam_elwani]

هى العربية دى حينزل منها هاتش باك فى مصر ولا لا الهاتش باك شكلها روعه عن الصالون ولا ايه رأيكم؟؟؟

[hemaa_82]

ربنا يبارك فيكو يا اخوانا.... و ان شاء الله التقييم هايتعمل هايتعمل ... بس اتمني انو يكون بالخير .... أنا شايف ان العربية لما هتنعمل سوق ان شاء الله هاينزل منها فئات تانية و اكيد هاينزل الهاتش باك بس مش قبل اخر السنة ... ولا انتو رأيكو ايه؟؟؟؟.... هما بس مستنيين العربية تمشي في الشارع و الناس تاخد عليها

[ash257]

ألف ألف مليون مبروك مقدما إنشاء الله وتستلم على خير ويبارك لك فيها ويقيك الله من شرها،،،، آمين
طبعا حضرتك أول واحد هنا في المنتدى حتى الآن هايشتري العربية وإن شاء الله تكون مغامرة موفقة وبدون أي خسائر أو ندم وطبعا منتظرين تقييم حضرتك في الانطباع الأول للسواقة وكمان بعد التجربية على المدى البعيد إن شاء الله ويا ريت يكون التقييم موضوعي وسيبك من اللي بيحصل في المنتدى من مشاكل يعني لو حلوة قول حلوة ولو وحشة أو فيها مشكلة قول بما يمليه عليك ضميرك لأن هذا التقيم سيكون حسابه أمام الله لأن في ناس كتير منظرة التقييم ده علشان تاخذ قرار
وآسف على الاطالة

[hemaa_82]

بوصوا يا اخوانا.. انا الحمد لله بسوق بقالي اكتر من 10 سينين... معايا 128 بتاعت الحاج ربنا يديه الصحة يا رب و يبارك فيه... سوقت كيا و بروتون و دايو ولانسر زيرو و سوقت تقريبا كل ماركة تانية مستعمل .... فأن شاء الله ولا العربية هاتضحك عليا ولا انا هافتري عليها..... و ان شاء الله كل حاجة حقولوكوا عليها.... و ربنا يبارك فيكو كولوكوا وي يكرم الجميع للفيه الخير ان شاء الله

[mohamedhamam]

ألف مبروك و إن شاء الله حاتكون عربية محترمة