مشكلة في الإسبرانزا A620

[الصاوي]

رحت ابو رواش علشان صيانة الألف للانوس و لقيت هناك اسبرانزا كمان صيانة بس كام وحدة كده على الماشي و عرفت من صاحب عربية منهم أنه مغير 3 علب دريكسيون في الضمان و قلت أقول و خلاص أحسن حد يروح يدفع 100000 في الخردة دي

[هيثم علي سعيد]

هل رأيت 3 علب للدريكسون
سيدي الفاضل ممكن يكون الراجل ده مبالغ جدا
حاول ان تسأل مجرب الاول مش تعيب في العربية و انت اصلا لا تعرف عنه شئ غير اللي قاله بعض الناس عندهم عيوب و الله اعلم ان كانت حقيقية
حاول ان تتحري الدقة و الامانة قبل الكلام
ولا اللي ميعرفشي يقول عدس و لا كله عند العرب صابون

[الصاوي]

هل رأيت 3 علب للدريكسون

انا سمعت الحوار اللي دار بين الرجل و المهندس... و المهندس كان مطللع الكشف القديم يتاع العربية و مش عارف يقول ايه لصاحب العربية اللي جاي يشتكي
صاحب العربية بيعدي على المحور كل يوم بس أكيد ده مش سبب علشان يغير 3 علب دريكسيون في اقل من 10000كم

بعض الناس عندهم عيوب و الله اعلم ان كانت حقيقية

ده الواحد يعيب في مراته ولا يعيب في عربيته و همة هيتبللوا عليها ليه أصلا؟؟

حاول ان تتحري الدقة و الامانة قبل الكلام

والله انا معايا لانوس و كان معايا تيوتا قديمة ولا ناقة لي ولا جمل فل الموضوع برمته لكنها حاجة شفتها قدامي و وصلتها بكل أمانة و بس كده

ولا اللي ميعرفشي يقول عدس و لا كله عند العرب صابون

هفترض حسن النية برضه :-)

[eng_mkhalaf]

يعنى هو أحنا لما نشوف حاجو وحشة نجرى ونعقد نكلم - لكن لما نشوف حاجة كويسة محدش بيكلم
على العموم شكرا على الموضوع

[وائل عطية]

هل رأيت 3 علب للدريكسون
سيدي الفاضل ممكن يكون الراجل ده مبالغ جدا
حاول ان تسأل مجرب الاول مش تعيب في العربية و انت اصلا لا تعرف عنه شئ غير اللي قاله بعض الناس عندهم عيوب و الله اعلم ان كانت حقيقية
حاول ان تتحري الدقة و الامانة قبل الكلام
ولا اللي ميعرفشي يقول عدس و لا كله عند العرب صابون

العربية قعدت معايا سنة كاملة بعيب في الطارة من أول استلامها وكانت تستحق التغيير ولم يتم ذلك .. يبقى مش من المُستبعد كلام أخونا الصاوي ودا وارد جداً وكويس إن انهم غيرولوا 3 علب دركسيون.

[Islam_galal]

مغير 3 علب دريكسيون في الضمان

طب نبص للجانب المشرق التوكيل كويس :P

ولا اللي ميعرفشي يقول عدس و لا كله عند العرب صابون

يعني اسلوب تصعيدي غير مقبول و بدون داعي

ده الواحد يعيب في مراته ولا يعيب في عربيته

صلي علي رسول الله يا جدع ايه اللي انت بتقوله ده

هفترض حسن النية برضه

جزاك الله خيرا - اسلوب كريم ينم عن اخلاق كريمة

[mohey]

على فكرة دى مشاركتى الثانيه فى منتدى الإسبرانزا وأنا أتمنى لهذه السياره النجاح فى السوق لأن لو العربيه دى نجحت فأكيد هتأثر على أسعار السيارت الأخرى فى نفس الفئه وده فى مصلحة المشترى

الحاجه إللى أنا مستغرب لها أن العصبيه والحده هى الطابع الغالب عند طرح أى موضوع خاص بالسيارة .
يجماعه كل واحد يقول رأيه فى إطار الحرص على تبادل الخبرات والإحترام المتبادل والمنفعه المشتركه تحت شعار إختلاف الئى لايفسد للود قضيه .

[أبو عمار المصرى]

على فكرة دى مشاركتى الثانيه فى منتدى الإسبرانزا

أهلا بك عضوا جديرا بالإحترام

لو العربيه دى نجحت فأكيد هتأثر على أسعار السيارت الأخرى فى نفس الفئه وده فى مصلحة المشترى

كلام منطقى و ياريت بعض الناس تفهم مصلحتنا كويس وتكون فاهمة أننا بدفاعنا عن الصينى لنا هدف مشترك وهو محاربة الجشع الموجود فى وكلاء السيارات الأخرى حتى لو فى صينى وحش بس بردو فى صينى كويس وزى مافى فى كل الماركات وحش فى بردوا الكويس و ياريت الناس تفهم ما أنادى به فى هذا المنتدى

[mohey]

متشكر جداً يأبو عمار أخجلتم توضعنا

[Adham]

هل رأيت 3 علب للدريكسون
سيدي الفاضل ممكن يكون الراجل ده مبالغ جدا
حاول ان تسأل مجرب الاول مش تعيب في العربية و انت اصلا لا تعرف عنه شئ غير اللي قاله بعض الناس عندهم عيوب و الله اعلم ان كانت حقيقية
حاول ان تتحري الدقة و الامانة قبل الكلام
ولا اللي ميعرفشي يقول عدس و لا كله عند العرب صابون

الراجل لا ناقة لة و لا جمل في الموضوع

و كل اللي عملة انة سمع مالك لسيارة بيشتكي مر الشكوى من عيب فيها و في التوكيل و بينقل اللي سمعه هنا للمنتدى لعل ان يحذر من يشتري السيارة من تلك العيوب

و لا داعي لمهاجمتة و التجريح بالأسلوب دة

و رجاء لكل مالكي "الصيني" الا يعتبروا كل من يتكلم عن سيارة صيني هجوم و انتقاد لشخصهم و يهاجموة بهذا الشكل

[Ahmed Anwer]

أنا رأيي زي ما حق نقل المعلومات مكفول مع ذكر الدليل

حق الرد مكفول برده مع ذكر الدليل

كان في موضوع نقلت فيه كلام سمعته عن الإلنترا الجديدة من التوكيل برده

أصحاب الإلنترا فندوا الكلام بتاعي بأدلة برده و القارئ هوا المستفيد

بس مش نقول ده كلام غلط بدون دليل

[Adham]

على فكرة دى مشاركتى الثانيه فى منتدى الإسبرانزا وأنا أتمنى لهذه السياره النجاح فى السوق لأن لو العربيه دى نجحت فأكيد هتأثر على أسعار السيارت الأخرى فى نفس الفئه وده فى مصلحة المشترى

الحاجه إللى أنا مستغرب لها أن العصبيه والحده هى الطابع الغالب عند طرح أى موضوع خاص بالسيارة .
يجماعه كل واحد يقول رأيه فى إطار الحرص على تبادل الخبرات والإحترام المتبادل والمنفعه المشتركه تحت شعار إختلاف الئى لايفسد للود قضيه .

اهلا بيك في المنتدى و شكرا لمداخلتك و اهتمامك جزاك الله خيرا

بس للأسف ان مالكي الصيني هنا لا يتقبلون النقد و يعتبرونة نقدا لشخصهم و ليس لديهم اي سعه صدر من هذا الجانب

و انا اعتذر لحضرتك بالنيابة عن اعضاء المنتدى عن "العصبية و الحدة" و اهلا بيك في المنتدى دايما

بس بلاش تنقد و لا تجيب سيرة العربيات "الصيني" و انت تبقى في التمام و في السليم :D

تحياتي

[eng_mkhalaf]

لا يا ادهم اهلا بالنقد وكن بالنقد البناء
أنت لو قريت أى موضوع حطة حد عن الصينى كلها مهاجمة وعيوب - طب جيبلى حد حط موضوع يذكر فية ميزة واحدة من العربيات الصينى أو يشكر فى عربية ما - لية معرفشى - الناس خايفة من الصينى معاهم حق لأن من المعروف أن الأنسان عدة التغير وعدو ما يعرف ودية حقيقة علمية - بس الصراحة هما مزويدينها قووووووووووى وهو دة مربط الفرس

[Adham]

لا يا ادهم اهلا بالنقد وكن بالنقد البناء
أنت لو قريت أى موضوع حطة حد عن الصينى كلها مهاجمة وعيوب - طب جيبلى حد حط موضوع يذكر فية ميزة واحدة من العربيات الصينى أو يشكر فى عربية ما - لية معرفشى - الناس خايفة من الصينى معاهم حق لأن من المعروف أن الأنسان عدة التغير وعدو ما يعرف ودية حقيقة علمية - بس الصراحة هما مزويدينها قووووووووووى وهو دة مربط الفرس

يا محمد مانتوا عملتوا مواضيع عن المشككين في السيارات الصيني و فندتوا مزاياها " اللي هي انا مش شايف منها غير رخص تمنها"

يابية طبيعي ان انسان عدو للتغيير ماشي بس لما يكون التغيير للأسوأ يبقى قلتة أحسن :D

و الصراحه و بدون زعل و دة رأيي و انا مسئول عنة ان انتم اللي مزودينها قوي و الاسلوب الهجومي و الحاد زاد قوي و حايطفش الاعضاء الجدد

[yahyanaabil]

عادى ان الواحد يغير علبه دريكسيون بس اكيد مش كل العربيات كده
انا ليا واحد قريبى معاه باسات موديل 2000 تقريبا غيرلها جير بوكس اوتوماتيك مرتين