الحقوووووووووووووووووووون ى الفتيس اتحرق !!!!!

[dreammate]

تسلم يا باشا الف شكر ليك لاهتمامك بالموضوع والردود القيمة
بس انا ليا سؤالين
قريت لاعضاء هنا بيقولو ان يستحسن تغيير الديسك والاسكوانة لو هتغير البلية عشان التلاتة عمرهم مرتبط ببعض ايه رأيك فى الكلام ده
ثانى حاجة ايه معنى شجرة الفتيس دى تقصد التروس على بعضها يعنى؟؟ ودى بتتجاب ازاى دى استيراد ولا ايه؟؟

[SAMEH_FOUAD]

ياباشا على اية احنا اخوات

هو يفضل فى حالة ان العربية تكون بقالها كتير ماشية , وكمان بيبقى ليها اعراض زى تقل فى بدال الدبرياج , صعود العربية بالضغط الجامد على البنزين عشان تسحب وخصوصا لو معاك افراد , رجرجة فى الطلعة , سرعة العربية او التوب سبيد بيقل كتير يعنى لو العربية اخرها 190 كم مش هتجيب غير 150 وحسب حالة الاسطوانة , لو عندك اى اعراض من دية غيرها لكن غير كدة يبقى توكل على الله وغير اللى محتاج تغيرة ولما يجى اجلها ابقى غيرها ومش هتتكلف غير 150 جم زيادة تمن الفك والتركيب

شجرة الفتيس دية اللى بيبقى فيها مجموعة التروس

[dreammate]

الف شكر يا ريس انا كدا فهمت ربنا يخليك للغلابة اللى زيى
انا هغيرهم كلهم لانى عندى رجرجة فى الطلعة والتوب سبيد حاسس انها قلت فعلا
لولاك ما كنتش لقيت حل والله بدون مبالغة كنت هروح ع التوكيل وخلاص

تسلم يا برنس

[douha_wise]

احمد ربنا ان اخونا سامح وقع فى سكتك ما شاء الله علية معلومات غزيرة
بس احب انبهك انك لا زم تغير حساس السرعة لو كان بايظ لأنه بيأثر على الفتيس و على السحب و التجميع و هذا حدث معى عندما كنت بغير فلتر زيت السيارة راح الفنى فصل حساس السرعة و الفتيس مبقاش يجمع و سحبة بقى تقريبا مفيش و افتكرت انه باظ لكن عرفت لما وجدت مؤشر السرعة مبيشتغلش ان الموضوع خاص بحساس السرعة فبحثت فى حوض السيارة و عرفت واقع فين و وضعته فى مكانه الصح و اشتغلت العربية تانى كما كانت فلازم تغيرة لو باظ هيفرق معاك تماما ان شاء الله
و ارى انك تغير الاسطوانه و الديسك مع البلية افضل عشان تريح نفسك و ده طبعا بعد ما تعرف مكان التسريب فين
و ربنا ييسرلك امرك

[dreammate]

حامد ربنا والله يا باشا --- الراجل كتر الف خيره خبرته كويسة ما شاء الله يا ريت الصنايعية التعبانة تتعلم منه بدل ما هما قارفين اهلنا كدا وخلاص

وان شاء الله ربنا يسهل واغيرهم التلاتة مع بعض عشان ارتاح من المشكلة اللى بقالها شهرين دى
وحتت حساس السرعة دى انا هقولك قصتها يمكن تفهمنى
الاول خالص كان شغال تمام
لما الحيوان العفشجى ده لعب فى راس الكوبلن وغير الاويل سيل لاول مرة ببص لقيت ان مؤشر السرعة على صفر طول ما رجلى على البنزين بمجرد ما اشيل رجلى من ع البنزين او ادوس دبرياج المؤشر يطلع للسرعة الحقيقية
فضل الموضوع ده لمدة اسبوع رحت لكهربائى قالى فيشة السرعة سليمة وده اكيد من الكوبلن لان بيكون راكب على ترس للسرعة حسيت انه خرفجى معرفش كلامه صح ولا غلط
انما دلوقتى بقى المؤشر ولا بيتحرك نهائى على طول على صفر

فى الاول كان المؤشر ينزل صفر وانا رجلى ع البنزين وطبعا الصوت عالى ابن كلب وخشن لابعد حد
بمجرد ما افصل الحرجة وادوس دبرياج يرجع الصوت ناعم الى حد ما والمؤشر يقرا السرعة صح

هل المشكلة من ترس السرعة اللى الكهربائى بيقول عليه ويبقى كدا العيب فى راس الكوبلن الداخلية؟؟
ولا العيب فى الفيشة نفسها والحساس؟؟ ولا مازال الفتيس وطقم الدبرياج هما المشكلة؟؟
عندى كذا مشكلة وكل ما انسى حاجة حد يفكرنى
ما علينا انا متشكر جدا لردودكم وسمسم بيه تعبته جامد والله
الف شكر يا رجالة

[SAMEH_FOUAD]

لأ طبعا حساس السرعة بيبقى راكب على الفتيس ومتوصل بفيشة

[dreammate]

يبقى اكيد لما الفتيس باظ الحساس ده كمان باظ
شكرا ع الرد يا باشا

[dreammate]

سمسم بيه
نسيبنا من الفتيس شوية بعد ما فيدتنى فيه وخلاص بدور على طقم دبرياج استيراد وكلمت ناس تشوفهولى

نروح بقى لموضوع مهم تانى انا خلاص هاخد كل كلامك ثقة ولا عزاء للميكانيكية
انا عربيتى انجكشن ولا كربراتير ولو انت متعرفش هعرف انا ازاى ؟؟ هوا سؤال كوميدى بس عاوز افهم يعنى ايه اصلا
وازاى اعمل صيانة للموتور واحافظ عليه
ايه الحاجات اللى بتحتاج تنظيف وكدا
ايه الرشاشات والحساسات دى وازاى اعملهم صيانة بردو مش فاهم

[SAMEH_FOUAD]

سمسم بيه
نسيبنا من الفتيس شوية بعد ما فيدتنى فيه وخلاص بدور على طقم دبرياج استيراد وكلمت ناس تشوفهولى

نروح بقى لموضوع مهم تانى انا خلاص هاخد كل كلامك ثقة ولا عزاء للميكانيكية
انا عربيتى انجكشن ولا كربراتير ولو انت متعرفش هعرف انا ازاى ؟؟ هوا سؤال كوميدى بس عاوز افهم يعنى ايه اصلا
وازاى اعمل صيانة للموتور واحافظ عليه
ايه الحاجات اللى بتحتاج تنظيف وكدا
ايه الرشاشات والحساسات دى وازاى اعملهم صيانة بردو مش فاهم

لأ طبعا عربيتك انجيكشن معرفة العربية ازا كانت انجيكشن ولا كربرايتر هتلاقى مسترة متركب عليها اربع رشاشات كل واحد فيهم راكب على سيلندر + ecu او وحدة كنترول الكترونية تنظم تشغيل الحساسات + وجود حساسات على المحرك ( idle valve -maf - tps - oxygen sensor ) دول الاشهر

- صيانة المحرك بنفسك

1- انك تمون من بنزين نظيف لان الرشاشات حساسة

2- تنظيف كل 6 شهور لبلف الايدل وكل سنة للثروتل بودى + الرشاشات تتحط على جهاز التراسونيك للتنظيف وتكلفتة 100 جنية تنظيف فقط + فك وتركيب

3- دول اشهر حاجة عشان تحافظ على عربيتك بس صدقنى بتفرق جامد جدا بس مع تنظيف الثروتل بودى لازم العربية تتحط على اسكانر لظبط الاربى ام

4- حاجة مهمة مع كل تنظيف لازم العربية تكون البطارية متشالة وان تبدأ بنزع الموجب اولا للحفاظ على الكنترول ثم تبدأ ايضا بتركيب الموجب

وان شاء الله تكون العربية تمام

لو انت عايز تعمل دة بنفسك يبقى هتجيب الاتى :

1- wd- 40 + منظف انجيكشن الاول تمنة 20 جنية والتانى 35 جنية الى 40 جنية حسب النوع

2- مفك صليبة

3- بيبة مقاس 10

بس انت مش هينفع تعمل غير التنظيف بس لكن الثروتل بودى لازم توديها ورشة وتتحط على جهاز كاشف اعطال

واى حاجة انا فى الخدمة

[dreammate]

الحقنى يا باشا حصلت حاجة غريبة النهاردة
كنت ببص على البوجيهات النهاردة وجيت افكها لقيت الجلدة اللى بتغطيها دى هيا اللى طلعت
ومعرفتش اطلع البوجيه نفسه
المهم ركبت الجلدة تانى وضغطها جامد لجوه بس جيت ادور لقيت لمبة check engine نورت
هل ده من البوجيه مركبتش الجلدة صح ولا اللمبة نورت عشان الفتيس بايظ والحساس وكدا؟؟؟
انا مستغرب انا محركتش حاجة من مكانها بس لو من الحساس بتاع البنزين او الفتيس كان زمانها نورت من زمان مش كدا ولا ايه

[dreammate]

تسلم على الوصفة بتاعت صيانة العربية دى بس ترشحلى فين اعمل الحاجات دى؟؟ فين فى القاهرة؟؟
انت بتعمل الحاجات دى فين يعنى وانا هروح اعمل فى نفس المكان اللى بتعمل فيه

[SAMEH_FOUAD]

الحقنى يا باشا حصلت حاجة غريبة النهاردة
كنت ببص على البوجيهات النهاردة وجيت افكها لقيت الجلدة اللى بتغطيها دى هيا اللى طلعت
ومعرفتش اطلع البوجيه نفسه
المهم ركبت الجلدة تانى وضغطها جامد لجوه بس جيت ادور لقيت لمبة check engine نورت
هل ده من البوجيه مركبتش الجلدة صح ولا اللمبة نورت عشان الفتيس بايظ والحساس وكدا؟؟؟
انا مستغرب انا محركتش حاجة من مكانها بس لو من الحساس بتاع البنزين او الفتيس كان زمانها نورت من زمان مش كدا ولا ايه

كدة انت محتاج تغير سلك البوجية دة شوف هو رقم واحد وهاتة عشان كل واحد ولية طول معين

واكيد مش من الفتيس لان انت فتيسك مانيوال ومافيهوش كنترول , وبالنسبة لحساس السرعة فطبعا ممكن ينور لمبة الاعطال

طيب انت العربية صوت محركها عامل ازاى لما تزود بنزين لو لقيت العربية بتترج وصوتها عالى اعرف كدة ان العربية دية شغالة على 3 سلندر بس ولازم تجيب السلك وفى كلتا الاحوال هتجيب السلك لان كدة غلط

تسلم على الوصفة بتاعت صيانة العربية دى بس ترشحلى فين اعمل الحاجات دى؟؟ فين فى القاهرة؟؟
انت بتعمل الحاجات دى فين يعنى وانا هروح اعمل فى نفس المكان اللى بتعمل فيه

شوف انا الحاجات دية بعملها بنفسى , بس انا افضل ان واحد يكون بيشتغل فى الصينى لان الميكانيكية بيشوفوا ان الموضوع دة سهل انة يشتغلوا فية وبياخد تنظيف كتير + انة محتاج لجهاز بعد التنظيف دة فافضل ان اى حد يعملة يكون بيشتغل فى الصينى

وحاول تسأل اخواتك هنا فى القسم اكيد بيتعاملوا مع ناس وشوف doha - wise

[M.Nabeeh]

سليمه

[dreammate]

انا بقى عندى كل انواع الاصوات وكل انواع الرج وكل حاجة يا سمسم بيه
انا كدا مش هعرف اسافر بيها اوديها لحد نضيف بيفهم
انا راكنها تحت البيت ومش عارف اعمل ايه


اوك يا باشا انا هشوف doha واحاول اوصل معاه لحل

[ahmed2801]

انا بقى عندى كل انواع الاصوات وكل انواع الرج وكل حاجة يا سمسم بيه
انا كدا مش هعرف اسافر بيها اوديها لحد نضيف بيفهم
انا راكنها تحت البيت ومش عارف اعمل ايه


اوك يا باشا انا هشوف doha واحاول اوصل معاه لحل

الاسطى محمد الزاوية الحمرا