شوية مشاكل فى a11

[hazoom2006]

العربية عندى فيها شوية مشاكل
1 الباور صوته عالى ولما بلف يمين وشمال بسمع صوت خشن كده وفى زيت عند البطارية وعلبه الباور
2 لمبة المارشدير مابتنورش ساعات تنور وتطفى بسرعه
3 الزجاج الكهربا اللى ورار مش شغال هل فى زرار قافل الزجاج الخلفى ولا اية ؟؟
4 الساعه اللى ف العداد بتاع عدد الكليومترات مابتطفيش بتفضل منورة حتى لما بشيل المفتاح
5 الدركسيون متاكل جدااا وزرار الكلاكش متشال هل فى حل للزرار ولا الدريكسيون كله بيتغير وموجود فين
6 طبعا زراير الزجاج الكهربائى اللى فى التابلوه عايزها ضرورى
7 مؤشر الحرار مش شغال
8 لمبة abs ولمبة الفرامل منورين على طول اية الحل

دى صوره عداد الكيلومترات اللى مابيطفيش خالص حتى لو شلت المفتاح

[hazoom2006]

مفيش اى رد يا رجاله الشيرى

[ahmed2801]

العربية عندى فيها شوية مشاكل
1 الباور صوته عالى ولما بلف يمين وشمال بسمع صوت خشن كده وفى زيت عند البطارية وعلبه الباور
2 لمبة المارشدير مابتنورش ساعات تنور وتطفى بسرعه
3 الزجاج الكهربا اللى ورار مش شغال هل فى زرار قافل الزجاج الخلفى ولا اية ؟؟
4 الساعه اللى ف العداد بتاع عدد الكليومترات مابتطفيش بتفضل منورة حتى لما بشيل المفتاح
5 الدركسيون متاكل جدااا وزرار الكلاكش متشال هل فى حل للزرار ولا الدريكسيون كله بيتغير وموجود فين
6 طبعا زراير الزجاج الكهربائى اللى فى التابلوه عايزها ضرورى
7 مؤشر الحرار مش شغال
8 لمبة abs ولمبة الفرامل منورين على طول اية الحل

دى صوره عداد الكيلومترات اللى مابيطفيش خالص حتى لو شلت المفتاح

اولا انت شارى العربية دى من امتى وشاريها كدة ولا حصل كل ده معاك.
ثانيا نمشى معاك خطوه خطوه.
1- فية مصفاه يلاستك ف علبة زيت الباور حاول تشيلها وشوف النتيجة.
2- لمبة المارشيدير عايزة كهربائى كويس.
3- الزجاج الكهربائى الخلفى له زرار ف النصف فى مجموعة ازرار الزجاج الخمسة بيفصله ويشغلة حماية من عبث الاطفال.
4- الساعة والعداد ما بيطفوش ابدا ولا والعربية شغالة ولا مطفية.
5- الدركسيون كله بيتغير من الحرفيين بتاع جولف2 ويركب عليها بدون تعديل (الاصلى ف التوكيل ب 600 جنية).
6- زراير الزجاج ح تجيبهم من التوكيل وربنا معاك.
7- & 8- اعتقد فيوزات محتاجة كهربائى تبع البند 2 ولو لمبة الابى اس وفرامل اليد منورين على طول ده معنا انه مفصول او الفيوز ضارب.
و اى خدمة يا باشا

[hazoom2006]

الف مليون شكر على اهتمامك يا باشا

مش لاقى فين المصفاه دى يا ريت لو صوره ليها
لمبة المارشدير كانت المشكلة فى مكنة المارشدير طلعتها نضفتها وغيرتلها الوردة بورده تانية شغالة تمام التمام
زرار الزجاج الخلفى فعلا شغال بس الزرار مقفول من التابلوه لما وصلته اشتغل من الباب بس الزار مكسور بتاعع التابلوه
لسة لمبة فرامل abs وفرامل الهاند منورين مش عارف المشكلة فى اية هتجنن نفسي احل المشكلة هل فعلا فيوز طب مكانة فين ولو حساس عايز تنضيف فين مكانة برده
الباور ساعات صوته يكون رهيب خصوصا وانا بركن لكن وانا ماشى مفيش صوت تقريبا
انا لسة جايب العربية من يومين وبحب اعمل شغلها بايدى مش واثق فى الصنايعيه بصراحة

[hazoom2006]

نسيت اضيف لمبة التشك انجن منورة

[ahmed2801]

الف مليون شكر على اهتمامك يا باشا

مش لاقى فين المصفاه دى يا ريت لو صوره ليها
لمبة المارشدير كانت المشكلة فى مكنة المارشدير طلعتها نضفتها وغيرتلها الوردة بورده تانية شغالة تمام التمام
زرار الزجاج الخلفى فعلا شغال بس الزرار مقفول من التابلوه لما وصلته اشتغل من الباب بس الزار مكسور بتاعع التابلوه
لسة لمبة فرامل abs وفرامل الهاند منورين مش عارف المشكلة فى اية هتجنن نفسي احل المشكلة هل فعلا فيوز طب مكانة فين ولو حساس عايز تنضيف فين مكانة برده
الباور ساعات صوته يكون رهيب خصوصا وانا بركن لكن وانا ماشى مفيش صوت تقريبا
انا لسة جايب العربية من يومين وبحب اعمل شغلها بايدى مش واثق فى الصنايعيه بصراحة

الله ينور عليك كل اللى عملته ممتاز خاصة وانه بأيدك انا كمان بحب اشتغل بأيدى.
مصفاة البور فى علبة الباور اللى بتحط منها الزيت مش محتاجة صور ما فيش غيرها ليها كلبسين بلاستيك من الاجناب ح تحط فيهم مفك عادة بالراحة علشان ما يتكسروش وتشد لفوق ويستحسن تغير الزيت ح تفك كلبس الخرطوم اللى داخل على طلمبة الباور (الضغط الواطى - السحب يعنى) وتشد الخرطوم وتفضى الزيت وتحط زيت نظيف.
لمبة ال abs وفرامل اليد معناها ان ما فيش كهربة واصله للدايرة كلها شوف الفيشة بتاعته ليها كلبس تشده لفوق وتطلع الفيشة وتغسل بمنظف الكهرباء - والحساسات دى موجودة ف العجل لو عايز تنضفها.
اخر حاجة لمبة التشيك لازم تعرف سير الكاتينة اتغير امتى اخر مرة والعربية عامله كام الف كيلو متر وح تتحط على الكومبيوتر علشان تطفى.
واللى منور ف الطابلوه اللى انت مصوره لمبة الاير باج مش ال abs.
وربنا معاك.

[hazoom2006]

تسلم يا باشا طب انا دلوقتى نزلت ادور دارت تمام مفيش 15 ثانية ولمبة الزيت بتنور وصوت صفارة تيت تيت تيت
بطلت استنيت شوية دورت تانى نفس المشكلة فصلت البطارية 10 دقايق ووصلت ودورت نفس المشكله
اية الحل ؟؟

لا الصوره دى من النت مش انا اللى صورتها

[ahmed2801]

تسلم يا باشا طب انا دلوقتى نزلت ادور دارت تمام مفيش 15 ثانية ولمبة الزيت بتنور وصوت صفارة تيت تيت تيت
بطلت استنيت شوية دورت تانى نفس المشكلة فصلت البطارية 10 دقايق ووصلت ودورت نفس المشكله
اية الحل ؟؟

لا الصوره دى من النت مش انا اللى صورتها

لو الزيت فى الكارتير على المقاس كويس يبقى مش ح تخرج عن ثلاث احتمالات... فلتر الزيت مسدود غير الزيت والفلتر اولا وراجع ماكينة الزيت يكون السلك بتاعها عامل ارضى مع جسم العربية...... او ربنا يستر طلمبة الزيت لا قدر الله لو سمعت صوت نقر التاكيهات وما راحش بعد ثلاث ثوانى من الدوارة من غير ما تدوس بنزين..............!!!.

[hazoom2006]

تسلم يا باشا والف شكر لمتابعتك معايا

المشكلة كانت عندى لما بدوس بنزين اللمبه تطفى اشيل رجلى ثوانى وتنور تانى اول مالعربيه سخنت طفت ومانورتش تانى
روحت لبتاع الزيت قالى الزيت هيتغير نضافة
جبت فلتر تايلاندى ب 25 جنيه كان فى مصر ب 16 جنيه وحط زيت شل الاحمر ب 70 جنية 4 لتر حطهم كلهم
مستنى العربيه تبرد واجرب ادور تانى واشوف هتنور ولا اية

عندى مشكلة رخمه شوية المروحتين بيشتغلو اول مادور العربية وصوتهم مزعج جدا ودايما مؤشر الحرارة تحت او بيطلع شرطتتين لو انا ماشى فى عز الحر بيوصل النص عادى
عديت على الميكانيكى علشان الباور قالى دى طرمبة باور عايزة تتغير اجيب نوع ايه وبكام واية اللى يركب عليها بدون مشاكل او صوت عالى

[hazoom2006]

على فكرة بخصوص مصفاه الباور انا فتحت علبه الباور مالقتش اى حاجة حطيت مفك لقيت حاجة بتتحرك جوه بس مش عارف اطلعها بالمفك
الطرمبة نفسها مفيش زيت عليها ولا فى اى ترشيح زيت

[hazoom2006]

انا غيرت زيت الباور برده نفس الصوت كده يبقى الطرمبة

[hazoom2006]

وانا ماشى فى امان الله لقيت دواسة الدبرياش سقطت تحت والعربية مافيها دبرياش خالص ومابتخدش غيار
روحت للميكانيكى قالى ديسك واسطوانة وحسابهم 400 جنية بالمصنعيه