مقارنه بين الانفي والbyd f3

[Mustafa14]

السلام عليكم

انا متابع من فتره كبيره المنتدى واستفدت كتير الصراحه وربنا يجازي كل شخص بالخير ان شاء الله

انا محتار بين الاتنين لحكم المبلغ لان اخري 100 الف ف المقارنه اتحصرت بين دول لانهم الافضل في الفئه السعريه دي

المقارنه بين شيري انفي وBYD f3 اوتوماتيك

من حيث قطع الغيار والاعتماديه واعادة البيع والاهم اني هدخلها مشروع اوبر او كريم يعني هتشتغل فوق ال10 ساعات يوميا وممكن سفر مره كل شهر

كمان استفسار صغير ،، تنصحوني احول البي واي دي لغاز عشان الاستهلاك بالنسبه لشغل اوبر ولا الافضل ملعبش في اول ايامها.

وشكرا مقدما ليكم

[abo_salah]

متهيالي صاج الانفي انشف من ال byd
باحس انها عربيه تقيله
و ياريت تفكر كمان في موضو ع التوكيل ...
انفي غبور و ابو الفتوح يعني ممكن حضرتك تعمل صيانه عند غبور او ابو الفتوح
ال byd الوكيل بتاعها الامل ؟؟؟

[dr_haitham79]

بالنسبة لتحويل الغاز عموما
قرأت قبل كده انه لا ينصح ابدا بالتحويل للغاز قبل ال5000 كيلو الاولى
ثانيا
معظم التاكسيات البى واى دى مركبة غاز
ممكن حضرتك تستفسر منهم مباشرة
اولا عن العربية وثانيا عن تجربة الغاز معاها.

[Mohamed Desoky]

الانفى افضل فى كل شئ لاسباب 1 الوكيل غبور اقوى توكيل فى مصر احسن من الامل النصابين 2الانفى حاصله على موافقة الاتحاد الاوربى للبيع فى اوربا وامريكا والخليج والبى واى دى لا ؟و 3 الاوتوماتيك بشكل عام فى كل الصينى والكورى فاشل يبقى المنول افضل فى الصينى والكورى 4 الانفى افضل فى السعر وربنا يوفقك

[ARKOON]

الانفي اختيار ممتاز وعربية كويسة عيوبها في مصر بسبب الوكيل الى بيبهدل عربياته عشان يكسب اكتر .

[Mohamed Desoky]

الانفي اختيار ممتاز وعربية كويسة عيوبها في مصر بسبب الوكيل الى بيبهدل عربياته عشان يكسب اكتر .

عارف ياركون الانفى فى الخليج نازله كامله اوتوماتيك فتحت سقف كل الاوبشن وتقفيل الصين حاجه غير اللى فى مصر خالص حتى المرايات ضم اوتوماتيك فى الخليج العربيه مش ناقصه اى حاجه وفى 2 ايرباج كمان وفى فيديوهات على اليوتيوب تسبت الكلام ده بس هنعمل ايه فى بلدنا كل العربيات اللى بتجمع فى مصر بيفضوها من كل حاجه زى الحرميه ما خف وزنه ثفله تمنه ايه هيزعل غبور لو ساب الايرباج اوسابها اوتوماتيك مفش فاهم ليه بيسترخصه فى الشعب شوية كماليات هيا من اساسيات السياراه انا خلاص هتتجنن ومفيش حد بحاسب فيكى يابلد

[ARKOON]

غبور دا اكبر تاجر مافيا وبعدين منصور كبار رجالة المافيا الفرق بين غبر ومنص ان غبور مش همه حد راجل كبير والبلد بتعمله الف حساب طلما الكبار شبعانين مع بعض مش مهم الباقي منصور مش بنفس القسوة يعني هوا بيعمل الحركات النص كم مع العربيات الصغنتوته زي اللانوس والنيو اوبتر لكن يجي عند الانسجينيا ويقف الماني من اولها لاخرها غبور مش هيعرف ينام الا لما يلعب في العربية ويشيل ويحط وكتر فئاتها .
ياراجل دا موديل النترا 2010 hd خلاص مش بيتصنع في كوريا بيعمله هنا في مصر بسعر 170 الف وكام فئة 8 فئات العربيات بتنزل في العالم كله 3 فئات تخيل . والناس بتشتري .
براند يا جدع هونداي كوري اصلي كريتا ب 228 الف التيجو ب 157 قيمة العلامة 71 الف لوجو هونداي بس .

[Mohamed Desoky]

غبور دا اكبر تاجر مافيا وبعدين منصور كبار رجالة المافيا الفرق بين غبر ومنص ان غبور مش همه حد راجل كبير والبلد بتعمله الف حساب طلما الكبار شبعانين مع بعض مش مهم الباقي منصور مش بنفس القسوة يعني هوا بيعمل الحركات النص كم مع العربيات الصغنتوته زي اللانوس والنيو اوبتر لكن يجي عند الانسجينيا ويقف الماني من اولها لاخرها غبور مش هيعرف ينام الا لما يلعب في العربية ويشيل ويحط وكتر فئاتها .
ياراجل دا موديل النترا 2010 hd خلاص مش بيتصنع في كوريا بيعمله هنا في مصر بسعر 170 الف وكام فئة 8 فئات العربيات بتنزل في العالم كله 3 فئات تخيل . والناس بتشتري .
براند يا جدع هونداي كوري اصلي كريتا ب 228 الف التيجو ب 157 قيمة العلامة 71 الف لوجو هونداي بس .

العيب مش عليه العيب فى اللى عارف ومطنش وسايب البهوات يمصه دم الشعب المصرى وله مفيش حد واخد باله ان غبور وساويرس عضم ناشف قوى قوى وصعب تكسيره حتى الدكر يجى عندهم ويقلب قطه ناعمههههههههههههههههههههههه ؟؟؟؟؟؟؟؟؟؟