الإستبن بتاع الجين والبيرسونا؟

[Abo.Mayyam]

السلام عليكم يا بروتوناوية..

كل عام وحضراتكم بخير إن شاء الله

هو يا جماعة ممكن الواحد يغير الإستبن الصغير اللى شكله مش ولابد بجنط عادى يبقى لإستبن يعتمد عليه عند الإحتياج؟

أقصد المكان المخصص للإستبن فى الشنطة ممكن ياخد جنط عادى (15 بوصة حديد أو سبور) غير الجنط الصغير اللى بيجى مع العربية؟

أرجو إن يكون سؤالى مفهوم... طبعا السؤال هنا عن الجين والبيرسونا

وشكرا مقدما

[M.almaghraby]

معتقدش يا هندسة المكان ياخد,,,,

بس ايه السبب؟

[Abo.Mayyam]

معتقدش يا هندسة المكان ياخد,,,,

بس ايه السبب؟

حبيبى محب كل عام وانت بخير يا دوك

مش عارف الجنط الصغير ده شكلة مش عاجبنى (و شكله كده لا يعتمد عليه)

مش عارف ده توفير ده ولا إيه؟ بدل مايحطو جنط عادى أمو حاطين ده

[M.almaghraby]

كل سنة وانتا طيب يا باشا و بالف خير

لا علي فكرة

الجنط الصغير دا بييجي مع معظم العربيات الحديثة و هوا مصمم عشان ياخد اقل مساحة ممكنة فالشنطة

وكمان هما قصدهم عشان تبقي مجبور تصلح الفردة النايمة باسرع وقت و الاستين عندك يفضل استبن زي ما هوا ....

تحياتي يا باشا

[Abo.Mayyam]

كل سنة وانتا طيب يا باشا و بالف خير

لا علي فكرة

الجنط الصغير دا بييجي مع معظم العربيات الحديثة و هوا مصمم عشان ياخد اقل مياحة ممكنة فالشنطة

وكمان هما قصدهم عشان تبقي مجبور تصلح الفردة النايمة باسرع وقت و الاستين عندك يفضل استبن زي ما هوا ....

تحياتي يا باشا

تمام... تشكر يا دكترة

وجزاك الله كل خير

[eslam_wega]

طبعا الاستبن دة لا يعتمد علية نهائى لان سرعته القصوى 80 كليو فقط لا غير

[mangere90]

السلام عليكم ورحمة الله وبركاته

هو مشكلته كلها علي الطرق السريعه اما جوا البلاد اهو بيقضي الغرض..........

[densfog]

من ناحيه المساحه لو استخدمت الجنط العادى هتلاقى ارضيه الشنطه اترفعت مسافه 5 سم تقريبا وبتكون الأرضيه سانده على العجله بس فل حطيت حاجه فى اجناب الشنطه ممكن تكر الأرضيه لأنها تقريبا ابلاكاج (خشب سمكه رفيع)

[mahmoud_magdy]

انا فكرت اعمل كدا
قلت ادور على جنط مومو واحطو بدل الاستبن ويبقى الجنط الجديد اعتبروا استبن
بس واحد صاحبي قالي ازاي يعني
المفروض ان الاستين للوقت اللي العجله تنام فيه وتغيرو بالاستبن وتصلح الجنط وترجع تركبوا تاني
يعني الاستبن للوقت القليل اوي اوي اوي اللي بيتصلح فيه الجنط
واقتنعت وشلت الفكره من دماغي

[Abo.Mayyam]

شكرا على الردود يا رجالة

وجزاكم الله خيرا

[tornado_5m]

السلام عليكم

السلام عليكم ورحمة الله وبركاته
اولا كل عاو وانتم بخير والعالم العربي والاسلامي بالف خير وسعاده
انا كنت عايز ارد على حتت ان المساحه متكفيش من الناحيه ده متقلقش هياخد
اما بالنسبه انه يعتمد عليه ولا لا هما عملينه انه يقدي الغرض بس عقبال متصلح الفرده
وده بيختلف من واحد لاواحد يعني انت لو كل شغلك سفر وجري بالعربيه في طرق سريعه معلهوش خدمات يبقى يستحسن انك تغيره بفرده نفس مقاس الجنط الاصلي بنفس مقاس الكوتش ويستحسن كمان نفس نقشت الفرده علشان متحسش بفرق او غربله في العربيه مع الجري
اما لو بقى جوه البلد فيستحسن لا عادي لانك في الغالب هتصلح الفرده بسرعه
ويارب اكون افدت حضرتك

[Abo.Mayyam]

السلام عليكم ورحمة الله وبركاته
اولا كل عاو وانتم بخير والعالم العربي والاسلامي بالف خير وسعاده
انا كنت عايز ارد على حتت ان المساحه متكفيش من الناحيه ده متقلقش هياخد
اما بالنسبه انه يعتمد عليه ولا لا هما عملينه انه يقدي الغرض بس عقبال متصلح الفرده
وده بيختلف من واحد لاواحد يعني انت لو كل شغلك سفر وجري بالعربيه في طرق سريعه معلهوش خدمات يبقى يستحسن انك تغيره بفرده نفس مقاس الجنط الاصلي بنفس مقاس الكوتش ويستحسن كمان نفس نقشت الفرده علشان متحسش بفرق او غربله في العربيه مع الجري
اما لو بقى جوه البلد فيستحسن لا عادي لانك في الغالب هتصلح الفرده بسرعه
ويارب اكون افدت حضرتك

جزاك الله خير وشكرا على التوضيح

[A.Saad]

السؤال
هل ينفع يتركب امام
ولا لا
لان سمعت انه مكتوب انه ما يركبش قدام
فى ماركات تانية

[Ayman_52]

السؤال
هل ينفع يتركب امام
ولا لا
لان سمعت انه مكتوب انه ما يركبش قدام
فى ماركات تانية

لا انا شفت ناس مركباه قدام و ورا عادى