ارجو المساعده من اللى معاهم جين تو

[meramor81]

السلام عليكم ورحمه الله وبركاته

كنت عاوزة ااخد مشورتكم فى شىء مهم جدا ماهى الاحتياطات عند استلام السياره

يعنى احنا خلاص الحمد لله حجزنا البيرسونا طيب عند الاستلام نعمل ايه احنا اول مره بنجيب عربيه

مافيش اى تجربه او فكره عن اى شىء ومش معانا حد بيعرف بليز اللى يعرف كل حاجه لايبخل بالمعلومه

كيف يكون الواحد محترف ومايضحكش عليه

[tutankhamoun]

أولا ألف مبروك
ثانيا الأحتياطات الواجب اتخاذها عند استلام السيارة
- النظرة على هيكل السيارة الخارجي و عدم استلام السيارة لو بها أي خدوش أو تطبيق في الصاج و أشياء من هذا القبيل
- نظرة على المقصورة الداخلية ( الصالون يعني ) برضه مراجعة الكراسي و الأنوار الداخلية و التأكد من أن كل شئ بحالة سليمة 100 %
- النظر إلى عداد السيارة خصوصا العداد الإجمالي و لا يجب أن يزيد عن 50 كم
- التأكد من أن أجهزة السيارة كلها تعمل ...... ضعي اسطوانة أغاني أو قرآن معكي في شنطة اليد الخاصة بكي و خيها معكي عند استلام السيارة لتجربة مشغل الاسطوانات و تجربة الردايو أيضا
- التأكيد على عمل أنوار السيارة جميعها ( أمامي و خلفي و انتظار )
- التأكيد على عمل الأذرع الخاصة بالمساحات و الأنوار و أيضا عمل المساحات
- --------------------- -
المرفقات مع السيارة
مع موديل 2007 كان يوجد معه الآتي
آريال الراديو
الاطار الاحتياطي
كيس بلاستيك مقفل و به عدة للسيارة
غطاء بلاستيك مستدير عليه علامة بروتون يتم تركيبه على الجنوط ( عدد أربعة )
عدد 5 قطع ( دواسة مصنوعة من الموكيت )
الجين 2 ليس معها ولاعة و لا طفاية أما الموديلات السيدان معهم ولاعة و طفاية
و هذا ما أستطيع أن أتذكره اﻵن

[tutankhamoun]

بعد استلام السيارة
القيادة بهدوء جدا أقصد عدم الضغط على المحرك بتسارع زائد
يعني يتم تغيير السرعات واحدة واحدة
و يكون ذلك خلال أول 1000 كم حتى تحافظي على محرك سياراتك و يعطيك أداء عالي في المستقبل إن شاء الله
---------------
تابع المرفقات

كتيب الضمان و كتيب التشغيل و كتيب تشغيل مشغل الاسطوانات يأتي مع السيارة في جراب بلاستيك أسود يشبه الجلد
:)

[memo_hefnawy]

هو توت باشا تقريبا قال كل حاجة

أهم حاجة :

إستلمى العربية بالنهـــــــار إوعى تروحى بليل و خليهم يوقفوا العربية فى مكان فيه نور الشمس كويس و لفى حوليها و بصى على الجوانب كويس مايكونش فيه فرق لون بين رفرف مثلا و كبوت أو باب أو إكصدام
مايكونش فيه مكان فيه نقر أو مش مستوى
التجريحات

العداد آخره 70 / 80 ده لو فى معرض مش فى الصحراوى - فى الصحراوى مش أكثر من 50 و عادة 20 - 30 كم (دى المسافة المقطوعة) و إوعى يقولك ده بنلينهالك و الكلام ده

جربى زجاج الكهرباء ال 4 أبواب نزليهم و إرفعيهم 2 2 مع بعض أنوارك و التكييف شغال و السى دى و نور الصالون

العدة و الإستبن موجودين + الدواسات و الطابات إللى عليهم علامة بروتون بتوع الجنوط

الطابات بتوع الجنوط دوول خديهم ال 4 فى إيدك قوليله مايركبهومش و بعد ما تاخديهم تبقى إلزقيهم بمعجون حديد و ثبتيهم فى الجنط عشان بيطيروا مع مطبات الهواء و فواصل الطريق
(معجون الحديد) ده بيكون معجونين بيضاف كمية متساوية منهم على بعض و بيتباع عند بتوع الحدايد و البويات و معروف

و لينى العربية فى الأول 1000 كم من غير قرص و من غيير تكييف و ربنا يباركلك فيها إن شاء الله و لو محتاجة أى مساعدة إطلبى و أنا حبايبى فى الصحراوى كثيير

نصيحة إستلمى العربية من الفرع الرئيسى فى الصحراوى عشان تضمنى إن العربية محدش ساقها أو خبطها على الأقل بنسبة 70% لأن المعارض أو الفروع بتنقل العربيات بسواقيين مفتريين غير الصحراوى العربيات بتوصل متحمله بتريلا

و مبروك مرة تانية :)

[meramor81]

الله يبارك فيكم يارب والله مشكوريين جدا ماقصرتم بارك الله فيكم وانا فعلا حجزتها من الفرع الرئيسى مع الاستاذ محسن صالح