الحمد لله...استلمت جين تو موديل 2010

[Carrira911]

السلام عليكم جميعا"

بعد ما حجزت الجين تو موديل 2011 من عز العرب ..الهمني ربنا ولاقيت معرض عنده 2010
وطبعا بفرق سعر ليس بقليل "6بلابل"....وزي مانتو عارفين
ميملاش عين البني ادم غير التراب
قلبت عز العرب...وجبت 2010 من المعرض اياه
بأمانه الناس محترمين جدا" استلمت العربيه السبت اللي فات"يوم اجازتي" نفس اليوم اللي دفعت فيه تمنها
خلصولي الورق بعدها بيومين "افراج - شهاده بيانات-عقد من الفا لعز-عقد من عز ليا"
استلمت كل حاجه
"دوسات-شنطه عده-كوريك-استبن-اريل-طبات"

لحد هنا كله تمام
نيجي بقي لشويه سلبيات خنقتني وبعضها خلاني ندمت اني مشترتش 2011 من عز العرب وريحت دماغي

-وانا بشيك علي العربيه كان فيها كميه تراب هلامية....مش مهم
-لاقيتها عامله 150 كيلو.....طبعا قفشت شويه...حلفولي انها مسافه نقل العربيه من المخزن للمعرض----عديتها
-ملاقتش الكتالوج وشهاده الضمان---قالي هتاخدهم في صيانه الالف
ودي النقطه اللي مفوتهاش بصراحه

اتصلت بالتوكيل...رد عليا موظف
"ازاي ماخدتش الكتالوج والضمان...ده الفرق مابين الوكيل والتاجر
انت كده يافندم كمان ملكش عندنا صيانات من غير كتيب الضمان"

اتصلت بالمعرض وقلتلو الكلمتين دول
قالي طب استأّذنك بعد ما ترخص ابعتلي صوره الرخصه وانا هجبلك الضمان
دي مفهمتهاش ومش عارف...ارخص ولا اعمل ايه؟؟!!
وبجد بجد

ندمت

معلش طولت عليكو

وانتظرو مني تقرير عن العربيه بالصور ان شاء الله
بس اوديها البنزينه كده واظبتها لحسن دي مردومه

والحمد لله..كل شيء نصيب وقدر الله وماشاء فعل

[alaasaid]

ألف مبروك و ان شاء الله مفيش ندم , حضرتك لما ترخص العربية هو هيجيب الضمان من عز العرب بصورة الرخصة و ربنا يباركلك فيها

[Carrira911]

ألف مبروك و ان شاء الله مفيش ندم , حضرتك لما ترخص العربية هو هيجيب الضمان من عز العرب بصورة الرخصة و ربنا يباركلك فيها

ربنا يبارك في حضرتك...ويارب يطلع صادق وويجيب الضمان بالرخصه

وانا هبقي ادور علي الكتالوج بقي في اي مكان او مع اي حد واصورو او اشتريه

[party_0000]

مبروك ومتخليش حاجه تعكر فرحتك بالعربيه وربنا يديك خيرها ويكفيك شرها

[Carrira911]

مبروك ومتخليش حاجه تعكر فرحتك بالعربيه وربنا يديك خيرها ويكفيك شرها

ربنا يبارك في حضرتك

وحصل خير...كل واحد بياخد نصيبه

الحمد لله

[midoelbadawi]

الف الف مبروك يا باشا وربنا يحفظهالك يارب بس سؤال العربيه مانيول ولا اتوماتك

[midoelbadawi]

وسعرها كام علشان انا انشاء الله ناوى اجيب 2011 اتو

[Carrira911]

وسعرها كام علشان انا ان شاء الله ناوى اجيب 2011 اتو

ربنا يبارك في حضرتك
بالنسبه للعربيه فهي منيوال 2010 خدتها ب81000

2011 في عز العرب دلوقت ب88900 دي المنبيوال بردو....بالرغم من انها كانت ب87000 من شهر
متفهمش غلاها ليه
????

[midoelbadawi]

الف شكر يا باشا على سرعه الرد
وكمان مرة ربنا يحفظهالك ويحميها ويكون وشها حلو عليك يـــــــــــــــــارب

[mememsaid]

الف الف مبروك وربنا يحفظهالك
بس ماتنساش موضوع الضمان ده واعمل اي حاجه عشان تجيبه
وماتقلقش مش هتندم علي العربيه

[Carrira911]

الف الف مبروك وربنا يحفظهالك
بس ماتنساش موضوع الضمان ده واعمل اي حاجه عشان تجيبه
وماتقلقش مش هتندم علي العربيه

ربنا يبارك في حضرتك..ويكرمك ان شاء الله

وموضوع الضمان بقي يا سيدي...بعد ما رخصت وبعتله صورة الرخصة

اداني رقم تليفون وقالي روح عند التوكيل واتصل بيه هيخلي واحد يطلع لغايه عندك ويديك الضمان

قلتله علي جثتي
انا لا هروح ابو رواش ولا العجوزه

انا كبيري اورح لعصام وصفا اللي في النزهه

قالي سيبني يوم وهرد عليك


والحمد لله

[justify]والله ياخي الواحد مش عارف يفرح بالعربيه

بالذات اني ظهر فيها حاجات غريبه :([/justify]
ومش عارف اروح التوكيل يصلحوها

[arakysolom]

مبروك السيارة و ربنا يباركلك فيها
الضمان فعلا بتستلمه بعد الترخيص حتي يتم تدوين رقم السيارة مع باقي بياناتها في قاعدة البيانات بتاع التوكيل و ايضا حتي تثبت رخصة العربية بكتيب الضمان و مفيش اي مشكلة انشاء الله من الشراء من الوكيل او موزع ففي الأخر العربية مسئوليتهم و طبعا الكلام اللي قالهولك بتوع التوكيل للأسف اشتغاله علشان يفهمك انك غلط انك مشترتش منهم و ده شغل بتوع المبيعات اللي ميعرفوش المبادئ التسويقية و البيعية الصحيحة ،،، فطبعا دول تكبر دماغك منهم

[Nistelrooy]

ياخي الواحد مش عارف يفرح بالعربيه

بالذات اني ظهر فيها حاجات غريبه :(

ومش عارف اروح التوكيل يصلحوها

خير اية الي حصل ؟

[Carrira911]

مبروك السيارة و ربنا يباركلك فيها
الضمان فعلا بتستلمه بعد الترخيص حتي يتم تدوين رقم السيارة مع باقي بياناتها في قاعدة البيانات بتاع التوكيل و ايضا حتي تثبت رخصة العربية بكتيب الضمان و مفيش اي مشكلة ان شاء الله من الشراء من الوكيل او موزع ففي الأخر العربية مسئوليتهم و طبعا الكلام اللي قالهولك بتوع التوكيل للأسف اشتغاله علشان يفهمك انك غلط انك مشترتش منهم و ده شغل بتوع المبيعات اللي ميعرفوش المبادئ التسويقية و البيعية الصحيحة ،،، فطبعا دول تكبر دماغك منهم

ربنا يبارك في حضرتك
ويارب يكون كلامك صح
لانه اتصل بيا فعلا وقالي خد الرخصة والبطاقة وروح للتوكيل وهما هيدوك الضمان
قلتله اروح اني فرع...قالي جرب اللي في ذاكر حسين ههههه

حاجه زي الزفت طبعا"
لاني عارف اني هروح وهيقولي مش عندي اطلع العجوزه وبتاع العجوزه يقولي ابو رواش ويدوخوني
وكل ده بذنب اني اشتريت عربيه من معرض مش من عندهم
وفي الاخر هروح ارمي العربيه قدام المعرض اللي ادهاني
واعملهم فضيحه

خير اية الي حصل ؟

يا باشا مفيش...خير ان شاء الله
السنتر بس بيعلق...من عند باب السواق

يعني لما ابطل العربيه بيفتح ال3 ابواب التانين بس
وانا افضل قاعد محبوس جوه العربيه

طبعا ممكن اقعد بال5 دقايق واكتر احاول افتح فيه
وفي الاخر بنزل من الباب اللي جنبي...هههههههه

اخر قله ادب طبعا"

يلا..الحمد لله
انا غلطان

[Nistelrooy]

ههههههه لاء بسيطة ان شاء الله قولهم عليها في صيانة الالف