عربيه قطع غيار

[kojyad]

الف حمدلله على سلامتك انت والى معاك ياباشا ( والي ييجي في الحديد بقشيش )
انا بصراحة هخرج عن الموضوع شوية ............
انت قلت في موضوعك انك تنصح اي حد بأمان الجين تو , ياريت تحكلنا ازاي حصلت الحادثة
وايه اخبار الair bags فتحت؟؟ وامتى ؟ والاتنين ولا وحده ؟
وهل في اي علاقة للفرامل بالحادثة لأنها ebs , abd
وياترى اخبار الصالون جوه ايه ؟ يعني المسافة المتبقة بين التابلوه والكراسي الامامية ؟
ومساحة السقف والاجناب مع البيبان ؟ يعني حابب اعرف الدنيا جوة ايه ؟
ولو لاقدر الله في اي اصابات .. كانت فين ؟
انا اسف اني بقلب عليك المواجع ,,,, بس حابب نستفيد من الموضوع اكتر ونفيدك في مكان البيع

برجاء الرد وشكرا.

[HaithamHamed]

eldode , kojyad ,brashy01 قدر الله و ما شاء فعل و ربنا ما يكتبهالكم ابدا
mahmoodallam: بس ده مايبقاش حرام؟
Kojyad: يا صاحبي اللي حصل انو انا ماشي في حوادايه و كان فيه علي الطريق تراب و انا مش واخد بالي بعدل العربيه عشان اطلع العربيه عامت و في ثواني عشان كتلتها عاليه و ده بيزود العجله بتاعتها كانت مسنتره علي عامود اول ما لبست العمود الاير باجز وش طلعت و العربيه شالت العمود من مكانه اصلا و اتقلبت 3 مرات مره منهم رأسي يعني شنطه و بوز و الاتنين التانيين جناب ووقفت علي السقف
الاصابات اصابات ايرباج من حروق و خلافه وانا و اخويا طالعين سلام الحمد لله بس هو عشان كان رابط الحزام فالاير باج بهدلته شويه
و بالنسبه للانتيرورز يا باشا التابلوم ماتلمسش بمعني الكلمه و انا نفسي طالع من علي الكنبه الخلفيه و العربيه اصلا كانت علي سقفها
الحمد لله علي كل شئ

[ALRAKHAWI]

الف حمدلله على سلامتك اولا
ثانيا والله يا اخي روحك وروح اخوك ما يساويها شيء وانتم طلعتم سالمين يبقى الحمدلله.....

[mahmoodallam]

mahmoodallam: بس ده مايبقاش حرام؟

أنا مش مفتي فا مش هقدر أقولك حرام أو حلال
لكن هو لما واحد عربيته بتعمل حادثة كبيرة وبيروح يغير نص ؟ هل ده حرام ؟
ما سمعتش عن حد غير نصين ؟!
أنا اعتقد ان اللي هيشتري العربية بتاعتك هيعمل كدا ، هيصلحها ويرخصها تاني
لكن ما فيش في مصر حاجة اسمها عربية ليها ورق في المرور ومترخصة ومدفوعلها جمارك بالهبل وبعدين بكل بساطة كدا لانها عملت حادثة تتباع قطع غيار ؟!!!!!!!

[mememsaid]

اطلع علي الحرفيين واسال ممكن تجيبلك سعر اكتر

[mahmoud_anwar]

لا حول ولا قوة الا بالله
الحدثة دي اكيد سرعة عالية غير انها خدت عين كمان اكيد عربية من قبل ما تعلق نمر تعمل كده ده اكيد عين وحاول تتقرب لربنا
المهم في ناس بتسمكر جامد اووووي عربيات الحوادث بس انا من رائي حاول تشوف في الحرافين عربية نصين
مش هتكلفك 10 وسمكري ملهوش حل يدهالك لحام صح تكون هيا اصلآ شغلتة وبعدين تخلع الي في العربية بتاعتك وتحطها بي الماتور بي كلة في النصين الي انتا جمعتها بس اهم شيئ نفس الون اهم شيئ تحط حاجت الفبريكة بتاعت العربية الي عملت بيها حادثة وكده ممكن تبعها بي 70 ولا حاجة تعوض خسرتك اي نعم هتصرف 10 او 15 بس هتظبط بعد كده معاك في البيع بس ترجع حسب السمكري لو صح مافيش حد هيعرفها الا لو خلع الفرش من جوة

[mahmoodallam]

لا حول ولا قوة الا بالله
الحدثة دي اكيد سرعة عالية غير انها خدت عين كمان اكيد عربية من قبل ما تعلق نمر تعمل كده ده اكيد عين وحاول تتقرب لربنا
المهم في ناس بتسمكر جامد اووووي عربيات الحوادث بس انا من رائي حاول تشوف في الحرافين عربية نصين
مش هتكلفك 10 وسمكري ملهوش حل يدهالك لحام صح تكون هيا اصلآ شغلتة وبعدين تخلع الي في العربية بتاعتك وتحطها بي الماتور بي كلة في النصين الي انتا جمعتها بس اهم شيئ نفس الون اهم شيئ تحط حاجت الفبريكة بتاعت العربية الي عملت بيها حادثة وكده ممكن تبعها بي 70 ولا حاجة تعوض خسرتك اي نعم هتصرف 10 او 15 بس هتظبط بعد كده معاك في البيع بس ترجع حسب السمكري لو صح مافيش حد هيعرفها الا لو خلع الفرش من جوة

هو ده اللي انا عايزك تعمله !
بس لما تيجي تبيعها ما تضحكش على حد
وضح عيوبها بصراحة

[rajina]

قدر الله و ما شاء فعل.... انا راى ما تدخلش فى حسبة برما و تجيب نصين و بعدين تبيع و طبعا لو قلت الحق و ده الى بحبذه هيتخسف بالسعر الارض و كانك يا بو زيد ما غزيت... ممكن تروح الحرفيين و تدور على واحد يفككهالك و ممكن تتفق معاه يشيل القطع عنده و ياخد اى نسبة من البيع و اليكن 2 او 5 % بس ده عايز حد ثقه ...معلش عمليا انا مش عارف مين الشخص الثقة ده و لكن رجال بروتون اكيد هيقومو بالواجب...و تكملة لموضوع الفك ده ممكن كلنا نساعد فى اننا لو فيه واحد فى المنتدى عايز قطعة اصلى من عربيتك يشتريها منك و ياحبذا لو نعمل موضوع باسمك و تفصيله بقطع الغيار المتاحة و صور ليها بس ده كله فى حالة انك متكونش مزنوق فى فلوس ... و لو كنت مزنوق فى سيوله يبقى الافضل انك تبيعها كما هيا و عوضك على الله و الحمد لله الى سلم معاك و بأذن الله هتجيب احسن منها.

[ahmad alshaaer]

اولا حمدا لله على سلامتكم واي عربيه لو كانت مكان الجن 2 في التراب والحدثه دي كانت هتعمل اكتر من كده

ثانيا نصيحه لوجه الله متداريش عيب وانت بتبيع العربيه لو فكرت تصلحها وفي الحاله دي العربيه دي مش هتزيد عن 50000 جنيه بعد التصليح

ثالثا لو مش محتاج فلوسها في الوقت الحالي ممكن بالفعل نعمل موضوع خاص بيك هنا وعل ىالفيس بوك ونبيع قطع غيار من عربيتك
وانا اول واحد هاخد منك 3 قطع من العربيه دي ان شاء الله

وماتزعلش نفسك على العربيه فقط قول انا لله وانا ايه راجعون والحمد لله مليون مره انك ماحصلكش اي كسر انت ولا اخو حضرتك كنت هتصرف عليه مبالغ طائله ومش هترجع زي الاول

الفلوس ليس لها اي فائده بجانب الصحه

تقبل تحياتي ومروري ولو حابب اعملك الاعلن عن بيع قطع الغيار دي على الجروب بتاعنا على الفيس بوك أنت تامر

[mido_soliman]

ربنا يعوض عليك وانا من رائي تتباع قطع غيار وانا تانى المساهمين بعد احمد الشاعر وبعتلك على الخاص
اسمع كلامى العربية دى تتقل عليها وتقطعها وتبيعها وحتتباع هوا هنا حتى فى المنتدى بس