يا ريت مشاكة كل ملاك جين 2

[sabregas2010]

يا شباب انا الجين 2 عجبانى جدا وبصراحة عايز اغير عربيتى واشتريها لانى جربت اسوقها ولقيتها قريبة جدا للالمانى يعنى غير الكورى خالص
بس انا حاسس ان ناس كتير بتشتكى من العربية وفى شكاوى تانية من التوكيل عشان الصيانة وقطع الغيار
يا ريت يا جماعة محدش يبخل عليا بالمعلومات الصحيحة عشان بناء على رأيكوا هقرر ان كنت هشتريها ولا لأ
انا محتار جدا وارجو الافادة من كل اللى معاه الجين 2

[mido_soliman]

وجهة نظرى الشخصية
العربية محترمة ومن افضل العربيات اللى موجودة فى السوق وبدون مبالغة ومش علشان هى عربيتى اقسم بالله ابدا
وركبت عربيات كتير جدا اغلى منها ولم استمتع فيهم اطلاقا
باختصار
العربية ممتازة وبرشحها لاى حد
مشاكلها
1-العزل سىء وان تم عمل عزل لها ستكون ممتازة واكثر
2-التوكيل من الناحية التسوقية مميت للسيارة
3-ندرة قطع الغيار (بسبب التوكيل وسياستة التسويقية اللى مش موجودة تقريبا)
4-بروتون مبتبعتش كميات كبيرة مصر او حصة السوق المصرى من العربيات محدود جدا

[eng.m7md.ali]

وجهة نظرى الشخصية
العربية محترمة ومن افضل العربيات اللى موجودة فى السوق وبدون مبالغة ومش علشان هى عربيتى اقسم بالله ابدا
وركبت عربيات كتير جدا اغلى منها ولم استمتع فيهم اطلاقا
باختصار
العربية ممتازة وبرشحها لاى حد
مشاكلها
1-العزل سىء وان تم عمل عزل لها ستكون ممتازة واكثر (هعملها قريب ان شاء الله)
2-التوكيل من الناحية التسوقية مميت للسيارة
3-ندرة قطع الغيار (بسبب التوكيل وسياستة التسويقية اللى مش موجودة تقريبا)
4-بروتون مبتبعتش كميات كبيرة مصر او حصة السوق المصرى من العربيات محدود جدا

+111

[tamerosman]

المشكلة الاساسية : عدم توافر الكثير من قطع الغيار فى التوكيل ( مع انها مرمية بره التوكيل على الرصيف سواء جديد او استعمال) و بالتالى الضمان زى قلته

يعنى لو حد شارى عربية مستعملة ضمانها انتهى مش هيحتاج هيروح التوكيل و هيلاقى اغلب قطع الغيار بره باسعار معقولة و فى محلات كتير بقت تستورد قطع غيار الجين 2 و فى تجار فى القاهرة و اسكندرية بتجيب عربيات متقطعة و قطمات

بس اللى شارى زيرو و عنده ضمان هيشوف اقصى درجات الذل و العذاب فى التوكيل ، تبقى عربيتك فيها مشكلة و تعقد مستنى بالشهور علشان التوكيل يجيب قطعة الغيار و لو اشتريتها من بره و صلحتها و اخدوا بالهم فى التوكيل الضمان يروح .

[shaddadfalcon1]

طيب ياشباب انا برده بفكر ابيع اللانوس واجيبها لاني شايفها احسن دلوقتي من الأوبترا والصني ولاكسنت rb وكمان كماليات اكتر وارخص

مشكلة التوكيل وقطع الغيار مش قضيه يعني لو الدنيا باظت هجيب من بره ويتحرق التوكيل علي الضمان مانا شغال بقالي 3 سنين واكتر كمان بعربيه موديل 99 وعادي يعني

وايه مشكلة العزل دي ؟ انا مش عايز احس بكل حاجه بره

من الأخر هل هي فعلا احسن من كل المنافسين اللي انا ذكرتهم دوول؟

[eng.m7md.ali]

طيب ياشباب انا برده بفكر ابيع اللانوس واجيبها لاني شايفها احسن دلوقتي من الأوبترا والصني ولاكسنت rb وكمان كماليات اكتر وارخص

مشكلة التوكيل وقطع الغيار مش قضيه يعني لو الدنيا باظت هجيب من بره ويتحرق التوكيل علي الضمان مانا شغال بقالي 3 سنين واكتر كمان بعربيه موديل 99 وعادي يعني

وايه مشكلة العزل دي ؟ انا مش عايز احس بكل حاجه بره

من الأخر هل هي فعلا احسن من كل المنافسين اللي انا ذكرتهم دوول؟

بيعدا عن العزل هيا عربية ممتازة .. كفايا متعة السواقة
العزل ان شاء الله هعمل تجربة في العربية كدة وربنا يسهل واوصل للنتيجة اللي عايزها

سواء الصني او الاوبترا بحس انهم زي التويوتا مفيش اي نوع من انواع المتعة في السواقة
ومش بقول كدة علشان معايا بروتون لا ده بشهادة اي حد معاه جين2 او واجا زي اللي معايا لا وكمان اللي مش معاه العربية دي وجرب يسوق العربيات التانية
اما الاكسنت والالنترا بحس انها عربية سيدة مع احترامي طبعا لملاكها
عربية ناعمة ومريحة وبور كهربة مريح جدا ميديش احساس باي متعة في السواقة

[sabregas2010]

شكرا يا شباب لاهتمامكم بالموضوع بس فين باقى ملاك جين 2
انا عايز اكبر قدر ممكن من الاراء عشان اقدر اقرر هغير ولا لأ

[Ahmed.Ali]

انا شايف انها احسن عربيه في رنج السعر دا و انا شخصيا محتاجتش قطع غيار في الضمان فمعانتش خالص و حاليا بشتري مثلا تيل الفرامل من بره التوكيل و بركبه في مركز الصيانه المعتمد

[shaddadfalcon1]

طيب حد عنده فكره اجيبها منين في الأسكندريه وفي تقسيط ولا لآ؟ واسعارها عامله ايه؟

زميله ليا قالتلي انها كلمت حد من المنتدي وعملها خصم 2000 جنيه

[sabregas2010]

لو عايزها من اسكندرية فى فرع للتوكيل فى كارفور او جنب كارفور مش متأكد بالضبط
وممكن تسأل عليها فى المصرية

[sabregas2010]

وده تليفون التوكيل فرع اسكندرية 3830510 واحب اوضحلك ان المعلومات دى من كتالوج الجين 2 اللى خدته من التوكيل يعنى اكيد صحيحة

[tamerosman]

توكيل بروتون فى اسكنرية فى الكيلو 1 الطريق الزراعى ، تدخل يمين بعد مرور ابيس ، جنب مدرسة هاوس اوف انجليش

هانى مسئول مبيعات اسكندرية راجل محترم جدا و عملى خصم 1500 جنيه ، اتصل بالرقم 5003002/3 و كلم هانى

[shaddadfalcon1]

لو عايزها من اسكندرية فى فرع للتوكيل فى كارفور او جنب كارفور مش متأكد بالضبط
وممكن تسأل عليها فى المصرية

هو في اماكن تانيه غير الوكيل ممكن اجيبها منه؟ وايه الفرق؟

[sabregas2010]

ممكن تسأل عليها فى اى معرض سيارات بس يكون من المعارض الكبيرة زى المصرية اللى فى جرين بلازا
لان العربية مش معروفة لناس كتير وعشان كده مش كل المعارض بتتعامل فيها
الفرق اللى بين المعرض والتوكيل ان المعرض ممكن يسلمك فورى مش بيتأخر زى التوكيل
وممكن يكون فى فرق فى تمن العربية بس هيكون بسيط

[shaddadfalcon1]

بس برده بتبقي بضمان صح؟ ولو طلع فيها عيب ممكن اتكلم معاهم وكده ولا هيبقي شغل بلطجه؟
والمعرض هو اللي هيبقي اغلي طبعا مش كده؟