ايه هي عيوب البروتون ويرا 2006

[alexandro]

خلاص هدور ولو معرفتش اجيبهم هقول لك
وشكرا ليك

[Moataz_Mohamed]

السلام عليكم
بص يا ريسنا .... أنا جيب ويرا 2005 اوتوماتيك من واحد صاحبي وحبيبي ..... العربية حالتها جيدة تقريبا .... حمتاجة شوية حجات هكتبهالك ،،،
مساعدين امامي kyb ياباني 850 جنية - بتوع الانسر 2005-2007 كريستالة تقريبا -مش البطة القديمة لان مساعدها قصير.
مقصين امامي تايواني 400 جنية
كاوتش مساعدين 75 جنية
بارات داخلية تايواني 200 جنية - وتقريبا كده غاليين قوي
بارات خارجية 200 جنية
كاوتش علبة دريكسيون 50 جنية
4 كاوتش كوبلن 100 "انا اعرف انهم اتنين بس الراجل قلي انا جبتلك 4 مش عارف ليه؟ هبقى أسأله النهاردة"
مسمارين ميزان 60 جنية
علبة شحم 30 جنية
مصنعية 250

أما بالنسبة لصيانة العربية:
غيرت الأتي:
تيل أمامي 130 جنية
طقم بوجيهات 50جنية
طقم سلك بوجيهات 75 جنية
فلتر بنزين 45 جنية وطبعا جركن زيت هيليكس شيل الأصفر 130 جنية
فلتر زيت 25 جنية
مصنعية 130

وأخيرا عملت شغل العفشة بس أنا الحقيقة مش عارف أنا أتصرفت صح ولا غلط لأني شبة جددت عفشة العربية بالكامل "الأمامية" لأن صاحبي ده كان مغير مساعديين خلفي.
المهم ... أنا اللي شجعني على موضوع تغيير العفشة ده أن البور كان تقييل شوية فأعتقدت أنه من العفشة بالأخص أن صاحبي كان قبل ما يفكر يبعها كان عايز يعمل العفشة، بس بعد التغيير هي الحقيقة فرقت في المطبات والكلام ده كلة بس مازال الأرتفاع بتعاها يعتبر واطي ومش هو الغرض اللي وصلتلوا بعد مصاريف صيانة وعفشة 3000 جنية مقفولييييييييييييييين، وكنت عايز اعليها الراجل أعد يقولي هتعوم ومش هتعوم والكلام ده، يمكن بعد ظبط الزواية احس بخفة الدريكيون شوية ..... مش عارف ولا اصلا ملهاش علاقة ... ربنا ييسر، انا معايا عربية نيفا 82 بس ما شاء الله دبابة ولا مطبات ولا اي حاجة تاكل معاها ...... وعفشتها عايزة تتعمل بقالها داخلة كده في 4 سنين ومعملتهاش ........ صحيح الروسي روسي برده سيبك انت.

بس ع العموم يا حبيبنا ..... العربية دي فعلا جميلة في السحب مع انها اتوماتيك وفي الثبات .... أنا امبارح على طريق اسكندرية الصحراوي جبت بيها 160 ومشيت عليها شوية .... وفي الغالب كنت ماشي 140 - 150 . انا بردو ما رضيتش اقرص عليها عشان لسه العفشة مش عارف ظروفها ايه .... بس اللي كان راكبها قلي انه في السفر بيجيب بها 180 كم.

لو العربية اللي قدامك كويسة وسعرها كويس اتكل على الله، ولو أحتجت حاجة ما تعملش زيي وتكسل تزل الحرافيين او الجيزة وتشوف قطع غيار البروتون عند الناس المتخصصين، لاني انا استسهلت وجبت حجات لانسر بس ده عشان مش فاضي انزل واروح واجي. ولو انت من سكان الهرم او فيصل هات قطع غيارك من منير اللي في اول فيصل .... حجاتة كويسة وعنده درجات وعنده برده الاصلي وكله بحسابه.

او حاجة تانية لو ان العربية حالتها نص نص وتجيبها بسعر كويس وتظبطها تبقى تمام .... زي ما انا عملت .... بس عايزة صبر ونفس طويل.

ربنا يوفقك

[alexandro]

السلام عليكم
بص يا ريسنا .... أنا جيب ويرا 2005 اوتوماتيك من واحد صاحبي وحبيبي ..... العربية حالتها جيدة تقريبا .... حمتاجة شوية حجات هكتبهالك ،،،
مساعدين امامي kyb ياباني 850 جنية - بتوع الانسر 2005-2007 كريستالة تقريبا -مش البطة القديمة لان مساعدها قصير.
مقصين امامي تايواني 400 جنية
كاوتش مساعدين 75 جنية
بارات داخلية تايواني 200 جنية - وتقريبا كده غاليين قوي
بارات خارجية 200 جنية
كاوتش علبة دريكسيون 50 جنية
4 كاوتش كوبلن 100 "انا اعرف انهم اتنين بس الراجل قلي انا جبتلك 4 مش عارف ليه؟ هبقى أسأله النهاردة"
مسمارين ميزان 60 جنية
علبة شحم 30 جنية
مصنعية 250

أما بالنسبة لصيانة العربية:
غيرت الأتي:
تيل أمامي 130 جنية
طقم بوجيهات 50جنية
طقم سلك بوجيهات 75 جنية
فلتر بنزين 45 جنية وطبعا جركن زيت هيليكس شيل الأصفر 130 جنية
فلتر زيت 25 جنية
مصنعية 130

وأخيرا عملت شغل العفشة بس أنا الحقيقة مش عارف أنا أتصرفت صح ولا غلط لأني شبة جددت عفشة العربية بالكامل "الأمامية" لأن صاحبي ده كان مغير مساعديين خلفي.
المهم ... أنا اللي شجعني على موضوع تغيير العفشة ده أن البور كان تقييل شوية فأعتقدت أنه من العفشة بالأخص أن صاحبي كان قبل ما يفكر يبعها كان عايز يعمل العفشة، بس بعد التغيير هي الحقيقة فرقت في المطبات والكلام ده كلة بس مازال الأرتفاع بتعاها يعتبر واطي ومش هو الغرض اللي وصلتلوا بعد مصاريف صيانة وعفشة 3000 جنية مقفولييييييييييييييين، وكنت عايز اعليها الراجل أعد يقولي هتعوم ومش هتعوم والكلام ده، يمكن بعد ظبط الزواية احس بخفة الدريكيون شوية ..... مش عارف ولا اصلا ملهاش علاقة ... ربنا ييسر، انا معايا عربية نيفا 82 بس ما شاء الله دبابة ولا مطبات ولا اي حاجة تاكل معاها ...... وعفشتها عايزة تتعمل بقالها داخلة كده في 4 سنين ومعملتهاش ........ صحيح الروسي روسي برده سيبك انت.

بس ع العموم يا حبيبنا ..... العربية دي فعلا جميلة في السحب مع انها اتوماتيك وفي الثبات .... أنا امبارح على طريق اسكندرية الصحراوي جبت بيها 160 ومشيت عليها شوية .... وفي الغالب كنت ماشي 140 - 150 . انا بردو ما رضيتش اقرص عليها عشان لسه العفشة مش عارف ظروفها ايه .... بس اللي كان راكبها قلي انه في السفر بيجيب بها 180 كم.

لو العربية اللي قدامك كويسة وسعرها كويس اتكل على الله، ولو أحتجت حاجة ما تعملش زيي وتكسل تزل الحرافيين او الجيزة وتشوف قطع غيار البروتون عند الناس المتخصصين، لاني انا استسهلت وجبت حجات لانسر بس ده عشان مش فاضي انزل واروح واجي. ولو انت من سكان الهرم او فيصل هات قطع غيارك من منير اللي في اول فيصل .... حجاتة كويسة وعنده درجات وعنده برده الاصلي وكله بحسابه.

او حاجة تانية لو ان العربية حالتها نص نص وتجيبها بسعر كويس وتظبطها تبقى تمام .... زي ما انا عملت .... بس عايزة صبر ونفس طويل.

ربنا يوفقك

شكرا جدا علي معلومات حضرتك انا مشكلتي الوحيده دلوقتي
ان العربية صعب الافي منها 1500 مانيوال وخايف اجيب 1300 تطلع ضعيفه وتتعبني

هدور واشوف

ولو عندك اي فكره عن قوة الماتورين واستخدامهم ياريت توضح

وانا قريب من الحرفيين مش هتبقي مشكلة بالنسبة ليا

[memo_p910]

أنا معايا ويرا 2006 مانيوال 1500 سي سي جايبها من سنتين العربيه ممتازه رغم اني مشيت بيها كتير العربيه مطلبتش صيانه غير حاجات لا تذكر وتكييفها ممتاز والسحب رائع وثبات عالي ومعمره جدا بتاعة شغل

[alexandro]

أنا معايا ويرا 2006 مانيوال 1500 سي سي جايبها من سنتين العربيه ممتازه رغم اني مشيت بيها كتير العربيه مطلبتش صيانه غير حاجات لا تذكر وتكييفها ممتاز والسحب رائع وثبات عالي ومعمره جدا بتاعة شغل

ربنا يكفيك شرها ويباركلك فيها

ادعيلي الاقي 1500 مانيوال

و لو مفيش ممكن اروح للكيا ريو 2005

[yousefsemsem]

اوعي ترشق في الريو مالهاش قطع غيار وبعدين العربيه ديه محترمه هتجبها 1300 مرتاحه وابقي سقطلها شورت بلوك 1500 مش هيكلفلك 2500 انا معايا 1500 مانول 2004 بس انا اللي مركبلها الماتور وهو بصراحه فارق

[alexandro]

اوعي ترشق في الريو مالهاش قطع غيار وبعدين العربيه ديه محترمه هتجبها 1300 مرتاحه وابقي سقطلها شورت بلوك 1500 مش هيكلفلك 2500 انا معايا 1500 مانول 2004 بس انا اللي مركبلها الماتور وهو بصراحه فارق

طب لو حبيت اجيب موتور كامل
لاني بصراحه مش بثق في الصنايعيه عندنا ممكن يخربوا الدنيا لما يفكو ويركبوا
ويخربوا العربية ولا ايه النظام اللي حصل معاك

[yousefsemsem]

انا روحت جبت ماتور كامل بفتيسه وضفيرته وكنتروله فالموضوع عندي كان صعب شويه عن لو انت غيرت موضوع كهربائي قبل مكانيكي وكنت واقف معاه في كل سلك بيوصله وعارف جاي منين لفين
لكن انت هتفك الشورت بلوك وهتركب ال1500 عندك من غير بهدله وهيبقي تمام ماتقلقش

[Acc_HanyMusa]

ياباشا اتوكل على الله العربيه محترمه وتستاهل الاقتناء وال 1300 فيها محترم جدا مش هتحس انك راكب 1300 خالص لان العربيه محترمه فى سحبها

[discovodo]

لله الامر من قبل ومن بعد

السلام عليكم ----- دى اول مره اكتب فيها عن اى عربيه بس العربيه دى تستاهل الواحد يكتب عليها
مبدئيا انا كان معايا اكسل و كيا سفيا وفيرنا و فيكترا97 والعربيه الوحيده اللى انا جبتها مرتين كانت الويرااااا -عربيه فيها كل المميزات (2005-1300cc)
اسعار قطع غيار ممتازه لانها فى غالبها متسوبيشى لانسر بطه
اعاده بيع السياره جيد وفى اغلب الاحيان بدون خساره
استهلاك ممتاز للوقود
ثبات جيد جدا
اداء جيد جدا للموتور
اتساع السياره(الصالون والشنطه والكبوت(عشان الصيانه ) جيد جدا
شكل التبلوه رياضى و خاماته ممتازه
عربيه قليلة العطال جدا ومفيهاش عيوب متكرره غير عيب واحد وهو وحدة زراير الزجاج وحله الوحيد ان انت توفق عليها وحدة تانيه - وحاجه تانيه ان التكيف يعتبر متوسط وعل فكره انا اخر عربيه لسا بايعها قريب وقعدت معايا سنتين وعمرها ما عملت مشكله فى الكهربا ولا الانجكشن

[amirz]

السلام عليكم ----- دى اول مره اكتب فيها عن اى عربيه بس العربيه دى تستاهل الواحد يكتب عليها
مبدئيا انا كان معايا اكسل و كيا سفيا وفيرنا و فيكترا97 والعربيه الوحيده اللى انا جبتها مرتين كانت الويرااااا -عربيه فيها كل المميزات (2005-1300cc)
اسعار قطع غيار ممتازه لانها فى غالبها متسوبيشى لانسر بطه
اعاده بيع السياره جيد وفى اغلب الاحيان بدون خساره
استهلاك ممتاز للوقود
ثبات جيد جدا
اداء جيد جدا للموتور
اتساع السياره(الصالون والشنطه والكبوت(عشان الصيانه ) جيد جدا
شكل التبلوه رياضى و خاماته ممتازه
عربيه قليلة العطال جدا ومفيهاش عيوب متكرره غير عيب واحد وهو وحدة زراير الزجاج وحله الوحيد ان انت توفق عليها وحدة تانيه - وحاجه تانيه ان التكيف يعتبر متوسط وعل فكره انا اخر عربيه لسا بايعها قريب وقعدت معايا سنتين وعمرها ما عملت مشكله فى الكهربا ولا الانجكشن:oc_sun1[1]:

متفق معاك تماما واحب اضيف ان اى عربية انجكشن متخليش اي صنايعي يشتغل فيها غير لو فاهم، يعني شغل يا باشا الفيشة دي ملهاش لازمة والحساس ده الخواجة حمار انه حطه هنا ماياكلش مع الانجكشن. سر الانجكشن المحافظة على الضفيرة والصيانة