تنعيم العفشة

[eng.m7md.ali]

شكرا لحضرتك على الإفادة
علشان نستبعد العفشة هل لو العفشجي ركب العربية ممكن يعرف هل هي عايزة تربيط ولا لأ؟؟
لأنه كان ركبها أول ما اشترتها من حوالي 5 شهور ولما سألته رأيك إيه قال العربية تمام بس بصراحة ان مش فاكر كان حالها إيه ساعتها لأني أول مرة أسوق ولا رأي حضرتك في خلال 5 شهور أنا عملت 8 آلاف كيلو سفر فكده محتاجة بصة تانية منه على العفشة؟؟

اسمحلي ارد

عمتاً:

اي عربية عفشة ناشفة سواء ستوك او تعديل بتحتاج تربيط باستمرار بسبب الشوارع في المصر والحفر والمطبات

انا كنت بربط عفشة عربيتي كل 2000 كيلو تقريباً ولما ركبت عفشة سبور كانت كل 1000 كيلو بتتربط

[Abo_Mazen]

نوع الكاوتش ..نوع المساعدين ..نوع الغاز المستخدم في ملئ الإطارات ..كلها ليها تأثير زي ما أفادوا الساده الزملاء

[samyyousef]

موضوع العفشة الناشفة ده مشكلة فعلا..و ليس كل الياباني عفشته ناعمة..فالنيسان تيدا على سبيل المثال عفشتة ليست ناعمة
ربنا معاك

[Dr\Mohamed]

اسمحلي ارد

عمتاً:

اي عربية عفشة ناشفة سواء ستوك او تعديل بتحتاج تربيط باستمرار بسبب الشوارع في المصر والحفر والمطبات

انا كنت بربط عفشة عربيتي كل 2000 كيلو تقريباً ولما ركبت عفشة سبور كانت كل 1000 كيلو بتتربط

بداية أنا اتشرفت برد حضرتك عليا وطبعا بردود كل الزملاء

أنا أن كده عرفت إنها محتاجة زيارة تانية للعفشجي فإن شاء الله هوديها ليه وهقول له يربط عليها ولو لقيت حاجة تانية تحسن العفشة هبلغكم بيها

حضرتك بتقول ركبت عفشة اسبور !!! هي مش عفشة البرسونا زي الجين 2 والاتنين عفشة رياضية ولا في حاجة زيادة تتعمل حضرتك تنصحني بيها ؟؟ وكمان معلشي يعني إيه أصلا عفشة رياضية ؟؟

نوع الكاوتش ..نوع المساعدين ..نوع الغاز المستخدم في ملئ الإطارات ..كلها ليها تأثير زي ما أفادوا الساده الزملاء

أنا بملى هواء عادي مش نيتروجين بس مش عارف المفروض لما يكون الكاوتش لسة منفوخ حالا يكون الاحساس بالمطبات زيادة ولا أقل؟

[carrier]

لو الأسفلت ناعم وكويس بس فيه طوبة أو زلطة صغيرة عديت عليها بحس إن العربية كلها بتترج ولو رايح البلد وراكب معايا والدي بيبقى صعبان عليا بقول زمانه هينزل جسمه مكسر من الطريق

واضح ان نوعية الكاوتش عند حضرتك هى اللى عمله لك ازعاج ومش مخلياك تستمتع بالعربية

رجاءا
لما تغير كاوتشك متركبش غير
نوع واحد للاربع فرد
يابانى الصنع
بمعاملات آداء tracion AA
والاهم
الماركة
لازم
تكون
فقط
ماركة
تويو Toyo JAPAN
هتستمتع بالسواقة حتى فى المطبات

وحيخلى الفرامل استجابتها تحفة

وصوت مفيش انسى هدوء تام

كاوتش راقى ومعمر ومبيعملش بلالين فى المطبات ودا الاهم