مكنة الإزاز الكهربائى باظت

[momenhamdy]

يا استاذ احمد هدى نفسك و الحكاية مش مستاهلة كل ده , و التوكيل برضه مش سئ للدرجة دى , انما يعيبه جدا عدم توافر قطع الغيار باستمرار .
انا على فكرة روحت ركبت وحدات رفع بره التوكيل , و الوحدات دى حرقت ماكينة الزجاج الامامى الايمن و مفتاح الزجاج الرباعى , يعنى الاتنين مرة واحدة كدة مع بعض , و روحت التوكيل و محدش بصراحة قاللى دى تطلع برة الضمان و لا غيره , و بالصدفة كانت ماكينة الزجاج موجودة و المفتاح مش موجود , ركبولى ماكينة الزجاج و بعد اسبوع ركبولى المفتاح الرباعى , يعنى التوكيل مش سئ ابدا للدرجة دى زى ما انتم متخيلين , بس هو الواحد علشان شارى عربية جديدة فبيبقى مضايق من اى حاجة تبوظ فى العربية .

الله ينور عليك فعلاً يا جماعة المسأله مش ضلمه للدرجه دي ابداً

[MuhammedSoliman]

يا استاذ احمد هدى نفسك و الحكاية مش مستاهلة كل ده , و التوكيل برضه مش سئ للدرجة دى , انما يعيبه جدا عدم توافر قطع الغيار باستمرار .
انا على فكرة روحت ركبت وحدات رفع بره التوكيل , و الوحدات دى حرقت ماكينة الزجاج الامامى الايمن و مفتاح الزجاج الرباعى , يعنى الاتنين مرة واحدة كدة مع بعض , و روحت التوكيل و محدش بصراحة قاللى دى تطلع برة الضمان و لا غيره , و بالصدفة كانت ماكينة الزجاج موجودة و المفتاح مش موجود , ركبولى ماكينة الزجاج و بعد اسبوع ركبولى المفتاح الرباعى , يعنى التوكيل مش سئ ابدا للدرجة دى زى ما انتم متخيلين , بس هو الواحد علشان شارى عربية جديدة فبيبقى مضايق من اى حاجة تبوظ فى العربية .

بص يا استاذ محمد أنا مش ضد التوكيل علي طول الخط بالعكس انا بفرح جدا لما يعملوا حجات ايجابية وبشكر فيهم بس لما على طول قطع الغيار مش متوفرة ولما تروح تسلم عربيتك من الصبح ومحدش يشتغل فيها ويسلمها لك على أساس إنها اتعملت ولما عربيتك تتخبط فى التوكيل وميعرفوش من اللى خبطهاوهيه لسه في اول صيانه ليها ولما تروح بحاجه سليمة وترجع بايظه ولما يسبوا طبة الزيت بعد الغيار مفتوحه والزيت كله ينزل فى الأرض وانت على سفر .... ده يعتبر توكيل ايه؟ ولما تكون اسعار القطع نارومبالغ فيها هيه والصيانه ؟ فى الحقيقة هما بيغيروا الحاجه اه عشان الواحد يكون حقاني بس عيش أكنك معندكش حاجه فى الدنيا غير العربية جاي منين؟ من التوكيل رايح فين؟ التوكيل بتكلم مين التوكيل؟ الوقت برضوا ليه تمن والناس هناك المهندسين المعامله كويسه نوعا ما بس همه برضوا مش بيدهم حاجه على العموم احنا نحب التوكيل يتقدم ده فى صالحنا ونتمني لهم الخير
تحياتى

[AhmedGen2]

متشكر على الردود يا جماعة ..

انا كلمتهم وهروح اركبها يوم الخميس ان شاء الله ، هوافيكم بالتفاصيل لما أرجع.

عندى سؤال ، هى العربية ممكن تتسرق؟ ممكن مثلا حد يفتح الشباك ويخش جوة يلمس سلكتين تحت الدركسيون وياخدها ويطير؟.

[MuhammedSoliman]

متشكر على الردود يا جماعة ..

انا كلمتهم وهروح اركبها يوم الخميس ان شاء الله ، هوافيكم بالتفاصيل لما أرجع.

عندى سؤال ، هى العربية ممكن تتسرق؟ ممكن مثلا حد يفتح الشباك ويخش جوة يلمس سلكتين تحت الدركسيون وياخدها ويطير؟.

لالا ياباشا كان زمان الكلام ده لأن اغلب العربيات ومن ضمنها الجن تو داخل المفتاح بتعها فى قطعه سوداء صغيره وهي مشفرة مع قطعه ايضا فى الكونتاك ولابد ان يكون هناك هاتان القطعتان لكي يدور المتور يعني العربية لا يمكن تدور إلا بالشفره ديه

تحياتي

[saidbakr]

للاسف المشاكل الصغيرة دى هى الى بتخوف الناس من الجين 2
نفسنا فعلا مشاكل التقفيل دى تختفى خالص على موديل 2010 ان شاء الله

المشكلة الحقيقية و الخطيرة جداً ما هياش عيوب التقفيل، لأن أي حاجة ممكن تتصلح و الخطأ ده شيء وارد في أي حاجة.

المشكلة الفعلية هي عجز التوكيل عن الاصلاح الفوري للعيوب اللي بتظهر. لأن زي ما اخونا صاحب المشاركة قال إن بقاله فترة ينتظر قطع غيار ناقصة لاصلاح العيوب الموجودة و لسة ما جاتشي (حتى يوم كتابته للمشاركة دي). انا موش قادر افهم ازاي التوكيل متراخي و متهاون في موضوع نقص قطع الغيار ده و عدم توفرها؟!!! (بلاش حتى نتكلم عن سعرها المبالغ فيه). يا جماعة ده المفروض توكيل إقليمي، يعني اعتقد ان الوضع المفروض يكون احسن من كدة.

[momenhamdy]

المشكلة الحقيقية و الخطيرة جداً ما هياش عيوب التقفيل، لأن أي حاجة ممكن تتصلح و الخطأ ده شيء وارد في أي حاجة.

المشكلة الفعلية هي عجز التوكيل عن الاصلاح الفوري للعيوب اللي بتظهر. لأن زي ما اخونا صاحب المشاركة قال إن بقاله فترة ينتظر قطع غيار ناقصة لاصلاح العيوب الموجودة و لسة ما جاتشي (حتى يوم كتابته للمشاركة دي). انا موش قادر افهم ازاي التوكيل متراخي و متهاون في موضوع نقص قطع الغيار ده و عدم توفرها؟!!! (بلاش حتى نتكلم عن سعرها المبالغ فيه). يا جماعة ده المفروض توكيل إقليمي، يعني اعتقد ان الوضع المفروض يكون احسن من كدة.

احنا قبل كدا يا استاذ سعيد اتكلمنا علي الموضوع دا و اعتقد ان الاستاذ احمد صيام او الاستاذ توت ناقشوا القصه دي مع المهندس امر
المشكله الي بيدعوها الماليزين ان عليهم ضعط شديد جداً في انتاج فطع الغيار و سعه المصنع مش مكفيه كل الطلبات دي
فالتوكيل عندنا في مصر بيطلب قطع الغيار الاساسيه في الطلبيه بتاعتوا
يعني انا مثلاً كنت محتاج اكصدام امامي و شاسيه اكصدام امامي
و اكصدام خلفي و شاسيه اكصدام خلفي
وكبوت و باب شنطه خلفيه بالكامل اتغير
تمام طبعاً القطع ما كنتش موجوده في فرع اسكندرية اتعمل بيها طلب و اتبعت علي الفاكس لفرع الصحراوي اسبوع بالظبط و كان الحاجة وصلت التوكيل
فالفكره كلها ان بس في تهاون في القطع المكمله فقط و دا علي حساب القطع الاساسيه
و طبعاً دا مش دفاع عن المصنع او التوكيل لالالا بس طبعاً المفروض ان القطع متوفره بشكل دوري في التوكيل اي كانت القطعه دي
ولكن مفيش حل تاني الوقتي غير الصبر بالنسبه للقطع دي مش اكتر و لا اقل
لكن مش ممكن تدخل التوكيل مثلاً و تسأل علي الفانوس الاصلي الامامي و حيقولك مش موجود

ارجوا ان اكون وضحت الفكره لحضرتك
ولك جزيل الشكر