أريد المساعدة فهل من مساعد

[Ayman H]

أصدقائي الجدد
أنا عضو جديد وأريد مساعدتكم
ناوي اشتري سيارة سعرها بين ال70 و ال80 ألف وتقريبا مفيش غير النوبيرا والأفيو برغم معرفتي فرق المواصفات بينهم إلا اني في أشد الحيرة لأن النوبيرا سمعت ان هايتوقف انتاجها بعد ما جينرال موتورز اشترت شركة دايو والأفيو تقفيل مصري ولسة أول انتاج يعني ممكن يكون فيه مشاكل.
أولا:إذا توقف انتاج اللانوس والنوبيرا فما تبعية ذلك؟
ثانيا: أرجو من كل ذي صاحب خبرة يقوللى لو مكاني يشتري أي واحدة ولا يشتري ماركة تانية خالص بس سعرها مايعيديش ال80 زي الأكسنت 2008
اسف على طول الرسالة وشكرا لمساعدتكم

[ahmedsrs]

انا مش شايف فى مشكلة مع توقف انتاج العربيات دى لأن العربيات منتشرة بشكل كبير وقطع الغيار متوافرة وهتبقى متوفرة لفترة طويلة ويمكن ترخص كمان والصيانة متوفرة داخل التوكيل وخارج التوكيل كمان وهنروح بعيد ليه العربيات الى بقالها 30 و20 سنة ومازالت قطع غيارها وصيانتها متوفرة ولو معاك المبلغ ده انا شايف تجيب الأفيو احسن لأنها عبارة عن تعديل للأنوس وتقريبا نفس موتور الأنوس وفتيس الأنوس مع بعض التعديلات فى العفشة وتحت شركة محترمة

[fahd_628]

مممممممممممممممممم

هوة فعلا سؤال محير بس انا بصراحة لو مكانك حجيب الهيونداى اكسنت 1600 سى سى العربية لسة جديدة و تقفيل كورى و انتاجها لسة علية مش حيتوقف دلوقتى و محرك قوى و تكنولوجيا حديثة بس عيبها غبووووووووور :shock: :shock: :shock: :shock: :shock:

[Ayman H]

شكرا على الردود
انا فعلا كنت حاطط في دماغي الاكسنت الجديدة بس برضة كنت خايف عشان لسة جديدة ومنتشرتش وبعدين المشكلة في غبوووووووووور فعلا

[Ayman H]

فعلا العربيات القديمة لسه ليها صيانة بس الفكرة ان دي موديلات والماركة لسه موجودة اما بالنسبة لدايو فانتاج الشركة كله هيوقف يعني مش هيبقي فيه ماركة اسمها دايو ولكن ماركات تانية زي ماحصل مع الافيو والاوبترا

[sokasoon]

مادام معاك 80000 يبقا حاول تزودهم شوية ل85000

واشترى تويوتا ياريس كسر زيرو مش لازم زيرو زيرو

وتبقا عربية يابانى وكسر زيرو باردو ويابانى ;)

[ramysultan]

اهلا بيك يا باشا:
اول الحاجه ابعد تماما عن الافيو لان في ناس كتير بيشتكوا منها .
تاني حاجه النوبيرا عربيه حلوه وماشيه كتير في مصر ومتجربه بس اللي انا ملاحظه ان سعرها هي واللانوس عمال بينزل يعني انا لسه شايف نوبيرا 2001 فابريكه ب 52 الف جنيه

ومن الاخر انا لو مكانك هاشتري الاكسنت الجديده لانها عربيه تحفه وبالذات ال 1600 سي سي

[sherif Anton]

بس اللي انا ملاحظه ان سعرها هي واللانوس عمال بينزل

هينزل يروح فين ... الموضوع ومافيه ان كل عربية حسب حالتها ... اذا كان العربيات الميرا (مثلا) الاتوماتيك موديلات سنة 2000 وانت طالع (مع ملاحظة انها 1000 سي سي) بتتباع فوق ال 40 الف.
انا شايف ان النوبيرا مناسبة جدا ... كفاية انها عربية متجربة وقطع غيارها منتشرة وسعرها معقول جدا جدا

[أبو ياسين]

مادام معاك 80000 يبقا حاول تزودهم شوية ل85000

واشترى تويوتا ياريس

+1
انما لو هتقارن افيوبو نوبيرا تبقى النوبيرا طبعا
و ممكن تفكر فى الماتركس
ممكن هوند سيتى 1300 (84 الف)
و بالتوفيق

[الريس]

و في ماتريكس
و في البرنسيسة الجين تو عربية ملهاش حل

[Ahmed Anwer]

اول الحاجه ابعد تماما عن الافيو لان في ناس كتير بيشتكوا منها .

بيشتكوا منها في أيه ؟؟؟؟

اذا كان العربيات الميرا (مثلا) الاتوماتيك موديلات سنة 2000 وانت طالع (مع ملاحظة انها 1000 سي سي) بتتباع فوق ال 40 الف.

لأ طبعا العربية دي عمرها مبتعدي التلاتين الف و دي 800 CC أساسا

بس اتفق معاك اللانوس و النوبيرا عمر ماسعرهم بينزل دي أكتر عربيات و خاصة اللانوس ماسكة سعر في السوق و تقريبا مبتخسرش في إعادة البيع و لا قلق إطلاقا من قطع غيارهم و صيانتهم دول 160 الف عربية بتجري في مصر من سنة 97

[MMamdouh]

تاني حاجه النوبيرا عربيه حلوه وماشيه كتير في مصر ومتجربه بس اللي انا ملاحظه ان سعرها هي واللانوس عمال بينزل يعني انا لسه شايف نوبيرا 2001 فابريكه ب 52 الف جنيه

من 39500 الى 71000... اعتقد الواقع بيقول غير كدة

MMamdouh