ارجوا المساعدة مشكلة فى النوبيرا مش لاقى ليها حل

[mrpop25]

بسم الله الرحمن الرحيم

بفضل الله انا من حوالى شهرين كدة ربنى كرمنى و غيرت عربيتى ال 27 و قولت اجيب نوبيرا المهم طلعت سوق العاشر و كان معايا والدى (العربية بالنسبالة صاج و اساس)بيعتبر انة ماتور العربية ممكن يبقا رقم 2 او 3من حيث الاهتمام
المهم انا جيبت عربية نوبيرا 2005 اساسيتها زى الفل صاج و دواخل عفشة كل حاجة تمام بفضل الله
المشكلة ظهرت فى الماتور المهم كان بتخزن دخنة بيضة مش سودة بس مش بتطلع باستمرار المهم والدى قالى انة دة ممكن يبقا كاوتش صباب او اى حاجة فى حدود الوش يعنى المهم انا روحت مركز صيانة كدة الراجل قالى نفس الكلام قولت خير طالما حاجة بسيطة ماشي
المهم الراجل فك و كدة و قالى هغير طقم شمبر قولتلة ماشي المهم ودا الوش عند الخراط اتصل بيا بالتليفون قالى فى 10 صبابات مش شغالين (معوجين ) اتصالت بوالدى قالى مستحيل يكون فى 10 صبابات و العربية بدور وماشية احتر اصدق مين الصنيعى والا والدى (والدى قالى الصنيعى دة ما بيفهمش) المهم كملت مع الصنيعىغير طقم الصباب بالكامل و خلص استلمت العربية تمام بس كان فيها ترتية (رعشةيعنى بسيطة فى السلانسية) قولت يمكن لما امشي شوية تروح
ما كملتش 15 يوم و حسيت انة صوت الماتور عالى و فية نعرة كدة غريبة اوى و صوت الراجع كمان بيبقا فية نعرة ما جاش فى دماغى انة ممكن يبقا العيب من الماتور قولت اشوف الشكمان غيرت علبة البيئة ما فيش جديد باردوا فى صوت نعرة غريبة كدة بشم رائحة عادم اوقات كتير اوى لكن ما بشوفش العادم دة يعنى مش باين لة لون
كمان لاقيت العربية بطلع دخنة بيضة بس دة ما بيحصلش غير كل فترة تروح مخرجة دفعة كدة
و تقطع
طبعا الناس متخيلة انة كل دة بيحصل و انا ما بروحش لميكانيكى طبعا العكس هو الى بيحصل انا روحت لكزا واحد
الغريب انهم قالولى انة الماتور كويس و -حالتة فوق ال 75% الكبس تمام السحب كويس انا جيبت 180 فى الصحراوى
من غير ما اشغل التكيف انا جيبت السرعة دية مش علشان الجرى يعنى انا بس حبيت اشوف الماتور الى جابلى روشة دة اخرة اية
المهم انا احترت والدى بيقولى انة الصوت دة ممكن يبقا فية بستم صاقت هو الى بيعمل النعرة دية و ان احنا لو فكينا الماتور احتمال كبير نعمل عمرة كاملة
وبيقولى امشي على كدة حرام نفك الماتور علشان نعرة زى دية مش مسببة قلق
و فى ميكانيكى قالى نفس الكلام كمل على كدة لان ما فيش حد بيفك ماتور او بيعمل فى شغل و هو بالحالة دية
بيوقلى ماتور 70% كويس حرام تفكة
المشكلة انة انا الى بركب العربية وانا الى حاسس بالموضوع دة ريحة العادم دية لما بشمها بصراحة بحزن على العربية

افيدونى افدكم الله و اسف على الاطالة واسف اذا كنت حشرت والدى كتير فى الموضوع d:

يرجى مراعاه الدقة فى كتابة لفظ الجلالة

لفظ الجلالة يكتب الله و ليس اللة

مشرف عام قسم الكورى و الماليزى

[yaserbasha2000]

ربنا يهديك للحل ان شاء الله ويبارك لك فيها
عموما استني ردود اساتذه الدايو في المنتدي وان شاء الله تطلع بالمفيد

[M.Zaher]

الاول مبروك على العربيه
وربنا يباركلك فيها و يكفيك شرها

تاني حاجة

انت غيرت سير الكاتينه ولا لسه ؟؟
و الفلاتر غيرتها؟؟ و الزيت؟
اخبار استهلاك البنزين ايه معاك ؟
الرشاشات اللى راكبه الاصليه بتاعت العربيه ولا متغيره؟
حد بص على عمود الكامات؟
غيرت جوان الفرن؟

[mrpop25]

الفلاتر كلها متغيرة طقم البوجيهات كلة متغير هو وطقم السلك الكاتينة و السير جداد الى انا اشتريت العربية منه كان مغيرهم و تقريبا دول سبب المشكلة الى حصلت معاة فى الماتور
الحاجة الوحيدة الى شكيت فيها وما جتش ناحيتها هى الفرن بس ما فيش هو ا خارج من ناحيتها العربية مانوال على فكرة
انا ما اعرفش اية عامود الكامات دة البنزين بتاكل بنزين فى السرعات العالية بس يعنى لو جوة البلد هنا ما بتاكلش لكن لما بسافر و السرعة بتكون كبيرة بحس انة التنك مخروم

[waleedraafat]

اكد علي سوستة الشكمان انها سليمة ومش بتسرب
سوستة الشكمان لما بتسرب بتسبب صوت نعرة اعلاها عند 2000 دورة تقريبا ، وممكن تكون سبب ريحة العادم الي بتوصل ليك

[M.Zaher]

الفلاتر كلها متغيرة طقم البوجيهات كلة متغير هو وطقم السلك الكاتينة و السير جداد الى انا اشتريت العربية منه كان مغيرهم و تقريبا دول سبب المشكلة الى حصلت معاة فى الماتور
الحاجة الوحيدة الى شكيت فيها وما جتش ناحيتها هى الفرن بس ما فيش هو ا خارج من ناحيتها العربية مانوال على فكرة
انا ما اعرفش اية عامود الكامات دة البنزين بتاكل بنزين فى السرعات العالية بس يعنى لو جوة البلد هنا ما بتاكلش لكن لما بسافر و السرعة بتكون كبيرة بحس انة التنك مخروم

هيا المشكله حصلت قبل ما تجيب العربيه ولا بعدها

وبعدين استهلاك البنزين المفروض العكس يعني الاستهلاك على السرعات العاليه بيكون اقل من الاستهلاك لو انت ماشي مثلا 30 او 40 و كل شويه تقف

عمود الكامات هوه المسؤل عن توقيت فتح و غلق الصبابات

[alexcdx]

بسم اللة الرحمن الرحيم

بفضل الله انا من حوالى شهرين كدة ربنى كرمنى و غيرت عربيتى ال 27 و قولت اجيب نوبيرا المهم طلعت سوق العاشر و كان معايا والدى (العربية بالنسبالة صاج و اساس)بيعتبر انة ماتور العربية ممكن يبقا رقم 2 او 3من حيث الاهتمام
المهم انا جيبت عربية نوبيرا 2005 اساسيتها زى الفل صاج و دواخل عفشة كل حاجة تمام بفضل الله
المشكلة ظهرت فى الماتور المهم كان بتخزن دخنة بيضة مش سودة بس مش بتطلع باستمرار المهم والدى قالى انة دة ممكن يبقا كاوتش صباب او اى حاجة فى حدود الوش يعنى المهم انا روحت مركز صيانة كدة الراجل قالى نفس الكلام قولت خير طالما حاجة بسيطة ماشي
المهم الراجل فك و كدة و قالى هغير طقم شمبر قولتلة ماشي المهم ودا الوش عند الخراط اتصل بيا بالتليفون قالى فى 10 صبابات مش شغالين (معوجين ) اتصالت بوالدى قالى مستحيل يكون فى 10 صبابات و العربية بدور وماشية احتر اصدق مين الصنيعى والا والدى (والدى قالى الصنيعى دة ما بيفهمش) المهم كملت مع الصنيعىغير طقم الصباب بالكامل و خلص استلمت العربية تمام بس كان فيها ترتية (رعشةيعنى بسيطة فى السلانسية) قولت يمكن لما امشي شوية تروح
ما كملتش 15 يوم و حسيت انة صوت الماتور عالى و فية نعرة كدة غريبة اوى و صوت الراجع كمان بيبقا فية نعرة ما جاش فى دماغى انة ممكن يبقا العيب من الماتور قولت اشوف الشكمان غيرت علبة البيئة ما فيش جديد باردوا فى صوت نعرة غريبة كدة بشم رائحة عادم اوقات كتير اوى لكن ما بشوفش العادم دة يعنى مش باين لة لون
كمان لاقيت العربية بطلع دخنة بيضة بس دة ما بيحصلش غير كل فترة تروح مخرجة دفعة كدة
و تقطع
طبعا الناس متخيلة انة كل دة بيحصل و انا ما بروحش لميكانيكى طبعا العكس هو الى بيحصل انا روحت لكزا واحد
الغريب انهم قالولى انة الماتور كويس و -حالتة فوق ال 75% الكبس تمام السحب كويس انا جيبت 180 فى الصحراوى
من غير ما اشغل التكيف انا جيبت السرعة دية مش علشان الجرى يعنى انا بس حبيت اشوف الماتور الى جابلى روشة دة اخرة اية
المهم انا احترت والدى بيقولى انة الصوت دة ممكن يبقا فية بستم صاقت هو الى بيعمل النعرة دية و ان احنا لو فكينا الماتور احتمال كبير نعمل عمرة كاملة
وبيقولى امشي على كدة حرام نفك الماتور علشان نعرة زى دية مش مسببة قلق
و فى ميكانيكى قالى نفس الكلام كمل على كدة لان ما فيش حد بيفك ماتور او بيعمل فى شغل و هو بالحالة دية
بيوقلى ماتور 70% كويس حرام تفكة
المشكلة انة انا الى بركب العربية وانا الى حاسس بالموضوع دة ريحة العادم دية لما بشمها بصراحة بحزن على العربية

افيدونى افدكم اللة و اسف على الاطالة واسف اذا كنت حشرت والدى كتير فى الموضوع d:

مبروك أولا و أهنيك على السيد الوالد من كلامك كده راجل فاهم جدا فى العربيات خد بنصيحته دايما.
العيب فعلا أويل سيل صباب فقط . و طبعا أستحاله يكون الصبابات اتعوجت دا أنت موديها دايره.
و خراط ليه هو كل اللى عمله روديه والدلايل فى النوبيرا ما بتبظش.
فعلا زى ما والدك قال ده مابيفهمش حاجه ونصاب (عشر صبابات معوجين) ليه السير أتقطع ؟و لو أفترضنا أنه أتقطع
كفايه يتعوج أتنين والعربيه حتبطل.
المهم النعره مع ريحه العادم = سوسته الجكمان زى ما الأخوه الخبراء قالو.
و طمن والدك و ما تفتحش الموتور لما 75% و جايب 180 كم
عايز تعمره ويجيب كام 185 كم/س؟
العربيه مافيهاش حاجه أن شاء الله أبعد بس أنت عن البقر دول .
و نصيحه ما تسيبش صنايعى يشتغل و انت مش موجود عينك لازم عليهم حتى لو أنت مش فاهم حاجه فى الميكانيكا
كلنا كنا زيك كده فى الأول و بعدين أتعلمنا .
و ماتقلقش ياما الصنيعيه أشتغلتنا.

[MMamdouh]

الدخنة دى كاوتش صباب

10 صبابات معووجة دى هجسة كبيرة جدا... لو عندك 10 صبابات معووجة مكنتش حتعرف تدور العربية اساسا

MMamdouh

[mrpop25]

متشكر يا جماعة على المشاركة الايجابية لكم جزيل الشكر
بس ليا سؤال اسف استحملونى سوستة الجكمان دية فين مكانها
كمان ليا سؤال ممكن حساس الشكمان يكون بايظ(كفائتة قليلة يعنى) و الكمبيوتر شايفوا شغال

[mrpop25]

الدخنة دى كاوتش صباب

10 صبابات معووجة دى هجسة كبيرة جدا... لو عندك 10 صبابات معووجة مكنتش حتعرف تدور العربية اساسا

mmamdouh

طيب صوت النعرة دية اية يا باشا بتتسمع وانا بزود بنزين و كمان بسمعها فى الراجع هى مش مستمرة يعنى على طول
الماتور بيهدى بعد ثانيتين بس صوتها مزعج جدا

[mrpop25]

هيا المشكله حصلت قبل ما تجيب العربيه ولا بعدها

وبعدين استهلاك البنزين المفروض العكس يعني الاستهلاك على السرعات العاليه بيكون اقل من الاستهلاك لو انت ماشي مثلا 30 او 40 و كل شويه تقف

عمود الكامات هوه المسؤل عن توقيت فتح و غلق الصبابات

المشكلة دية كانت من قبل ما اجيب العربية اما بخصوص البنزين فدة الى بيحصل معايا جوة البلد هنا ما بحسش انها بتاكل بنزين فى السرعات العالية فى طرق السفر يعنىبحس انها بتاكل

[mrpop25]

يا جماعة انا مستنى رد قاطع فى الموضوع دة ضرورى

[samirayad]

المشكلة ظهرت فى الماتور المهم كان بتخزن دخنة بيضة مش سودة بس مش بتطلع باستمرار

أتأكد أن الرشاشات سليمه ومبتسيلش معاك

فيه أجهزه ممكن تعمل عليها أختبار التسييل

[samirayad]

انا روحت مركز صيانة كدة الراجل قالى نفس الكلام قولت خير طالما حاجة بسيطة ماشي
المهم الراجل فك و كدة و قالى هغير طقم شمبر قولتلة ماشي المهم ودا الوش عند الخراط اتصل بيا بالتليفون قالى فى 10 صبابات مش شغالين (معوجين ) اتصالت بوالدى قالى مستحيل يكون فى 10 صبابات و العربية بدور وماشية احتر اصدق مين الصنيعى والا والدى (والدى قالى الصنيعى دة ما بيفهمش) المهم كملت مع الصنيعىغير طقم الصباب بالكامل و خلص استلمت العربية تمام بس كان فيها ترتية (رعشةيعنى بسيطة فى السلانسية) قولت يمكن لما امشي شوية تروح

أما أنت أتعمل عليك

أحل شغل

منه لله الراجل أبن التيت ده

اللى عملك من الحبه قبه

وباعلك العتبه الخضراء

[samirayad]

أما أنت أتعمل عليك

أحل شغل

منه لله الراجل أبن التيت ده

اللى عملك من الحبه قبه

وباعلك العتبه الخضراء

على فكره أنا أقصد الميكانيكى اللى فتح شغل فى المكنه

وقد يكون ملوش لزمه أساسا

وعمل الأسطوانه بتاعة الصبابات وخلافه

مش اللى باعلك العربيه

علشان الكلام يكون معناه واضح برضه