مؤشر الحرارة يعلى ويوطى

[elpasha1]

السلام عليكم ورحمة الله وبركاته
انا معايا دايو لانوس مو 99 اوتوماتيك
ظهرت حاجة غريبة وهى انى وانا ماشى فى الزحمة (طريق واقف) لقيت مؤشر الحرارة زاد عن المعدل الطبيعى (تحت النص) وبقى تحت الـ 4/3 ... ولما الطريق فتح لقيت المؤشر رجع لحالتة الطبيعي تانى
الموضوع دا حصل مرتين مع العلم ان مية القربة زى ما هية
السؤال :
1) العيب دا من اية ؟
2) لو انا مشيت على العيب دا ومية القربة منقصتش هل ممكن تأثر على العربية ؟

[HOSSAM99]

و عليكم السلام و رحمة الله
ممكن حضرتك تكشف علي ثرموستات الكوعه و تعمل غسيل لدورة الريدياتير في المحطه و تغير الميه و تاخد الهوا من الدوره

[elpasha1]

و عليكم السلام و رحمة الله
ممكن حضرتك تكشف علي ثرموستات الكوعه و تعمل غسيل لدورة الريدياتير في المحطه و تغير الميه و تاخد الهوا من الدوره

اولا شكرا لرد حضرتك
بالنسبة لثرموستات الكوعة انا لغية اصلا وبالنسبة للمي انا لسة مغيرها بمية خضراء اسبانى من 3 شهور

[HOSSAM99]

يبقي حضرتك تشوف فني ريدياتير يكشف عليه علشان الحراره المتغيره دي بتقلق و ليا سؤال هل المروحه بتشتغل بإنتظام ولا لأ
و إن شاء الله خير

[elpasha1]

يبقي حضرتك تشوف فني ريدياتير يكشف عليه علشان الحراره المتغيره دي بتقلق و ليا سؤال هل المروحه بتشتغل بإنتظام ولا لأ
و إن شاء الله خير

بص يا استاذ/ حسام
انا كل حاجة بتمشى فيها المية انا غيرتها ماعدا الردياتير والله بدون استثناء الكلام دا فى شهر يناير اللى فات وانا شارح الكلام دا تفصيلى تحت عنوان " الحقووووووووووووونى يا دكاترة اللانوس" يوم 14 اللى فات لكن كنت بشتكى من سحب العربية
دلوقتى مع الزحمة العربية بقت الحرارة تزيد فى الزحم وترجع لحالتها الطبيعية لما الطريق يتفتح
والله انا مش عارف اعمل اية
بالنسبة للمروحة شغالة بانتظام السرعة العادية والتربو لان العربية اوتوماتيك معرفش هى سرعتين فى المانيول لا لأ ... اما الردياتير فوالله العظيم انا سلكتة اربع مرات فى اسبوع واحد فى شهر يناير اللى فات ومش عارف اعمل اي تانى

[HOSSAM99]

أنا مش قادر أساعد حضرتك لأن مشكلات السخونه المعتاده بتنحصر في الأسباب اللي أحنا قولناها لكن حضرتك أصلا غيرت الحاجات دي
علي العموم ربنا يوفقك و أنا متابع مع حضرتك و إن شاء الله حد من الأعضاء يقدر يفيدنا

[elpasha1]

ربنا يبارك فيك يا استاذ/ حسام

[tarek_2005]

1 - مقولتش المتور عامل كام كم
2 - ايه اخبار الزيت
3- ايه اخبار العادم الي خارج من الشكمان
4 - ايه اخبار السرعة العالية للمراوح
5 - هل لو الحرارة ارتفعت وشغلت التكيف وانتا واقف الحرارة هتعلي اكثر ام ستنخفض
6 - حساس الحرارة الي راكب علي المنافو اخباره ايه والسلك الي راكب فيه

من كل هذه الملاحظات يمكنا تحديد العيب بدقة وافادتك به

[elpasha1]

1 - مقولتش المتور عامل كام كم
2 - ايه اخبار الزيت
3- ايه اخبار العادم الي خارج من الشكمان
4 - ايه اخبار السرعة العالية للمراوح
5 - هل لو الحرارة ارتفعت وشغلت التكيف وانتا واقف الحرارة هتعلي اكثر ام ستنخفض
6 - حساس الحرارة الي راكب علي المنافو اخباره ايه والسلك الي راكب فيه

من كل هذه الملاحظات يمكنا تحديد العيب بدقة وافادتك به

1) 189000
2) الزيت لسة جديد (اسو 2000)
3) مفيش دخان
4) مجربتش بس هى بتعلى اصلا وانا واقف بدون تكييف
5)شغال تمام
6) لسة جديد والسلك اعتقد كويس

[wael_power]

حصلت المشكلة ديه مع واحد صاحبي في نوبيرا وغير كل ماتتخيله خاص بالتبريد حساسات وردياتير حتى الشكمان بالكامل غيره وفي الاخر طلع العيب في ضفيرة الكهرباء بتلمس ويتدي قراءة غير حقيقية ممكن تتأكد من سلامة الضفيرة اولا

[amado318]

حصلت معايا كان سلك عداد الحرارة مش راكب كويس ملمس يعنى

[AHMED1718]

قوى كابل الارضى بتاع البطارية وان شاء الله هتتحل


واقولك على اختبار جرب لو عمل زى مبقولك يبقا اكيد زى مقلتلك المشكلة مشكلة كابل ارضى


دور العربية وخليك واقف وحمل على زرار الازاز ف الطلوع حتا لو الازاز كله قفل لو لقيت مؤشر الحرارة بيزيد يبقا

زى مقلتلك

[zaza2002]

طيب سؤال؟؟ هو ليه حضرتك لاغى ترموستات الكوعه اصلا

[elpasha1]

حصلت المشكلة ديه مع واحد صاحبي في نوبيرا وغير كل ماتتخيله خاص بالتبريد حساسات وردياتير حتى الشكمان بالكامل غيره وفي الاخر طلع العيب في ضفيرة الكهرباء بتلمس ويتدي قراءة غير حقيقية ممكن تتأكد من سلامة الضفيرة اولا

الضفير سليمة والدليل على ذلك ان انا سبتها شوي الحرارة عمالة تعلى وكنت متابع علشان اتاكد ان القراء صح او غلط لقيت القربة فارت

[elpasha1]

طيب سؤال؟؟ هو ليه حضرتك لاغى ترموستات الكوعه اصلا

بس يا باشا انا مكنتش لاغى الثرموستات لكن من كتر اللى انا عملتة كان اى ميكانيكى يقول حاجة كنت بعملها علشان اخلص من موضوع السخونة دا