اضاءة تابلوه النوبيرا

[amoro]

اضاءة تابلوه النوبيرا بتاعتي بتفصل مع الفوجات
الاول كانت الفوجات تعمل عادي مع التابلوه و
المشكلة بدأت فجأة

ذهبت لكهربائي كويس جدا لتركيب كتاوت نور + لمض جديدة للفوانيس
وعملت معاهم كذا حاجة كده
المهم اشتغلوا تمام امبارح

انهارده حالا جيت انور التابلوه مع الفوجات فجأه التابلوه فصل تاني

مع العلم ان المره الاولي لما حصلت المشكلة غيرت الفيوز بتاع التابلوه
ولم اشغل الفوجات
التابلوه اشتغل فترة طويلة لحد ما روحت للكهربائي و رجعت شغلت الفوجات و رجعت المشكلة


انقذوني بسرعة لحسن مسافر بكره و خايف اروح للكهربائي تاني يشتغلني

[amoro]

انا ممكن امشي زي الاول وماشغلش الفوجات بس انا شايف خسارة

حد عنده تفسيير

[Car's Sniper]

لو مافيش وقت بلاها الفوجات لغاية ماتوصل بالسلامة
هى شكلها قفلة وش وفيه حاجة ملمسة
كان عندى لمبة واحدة فى التابلوه ساعات بتشتغل وساعات لأ وطلع العيب فى الفيوز اللى تحت التابلوه كان مش راكب مكانه حلو

[amoro]

لو مافيش وقت بلاها الفوجات لغاية ماتوصل بالسلامة
هى شكلها قفلة وش وفيه حاجة ملمسة
كان عندى لمبة واحدة فى التابلوه ساعات بتشتغل وساعات لأ وطلع العيب فى الفيوز اللى تحت التابلوه كان مش راكب مكانه حلو

مانا قررت اعمل كده بس عاوز اعرف اعمل ايه علششان الكهربائي مايشتغلنيش تاني
و يقول هجص - علي رأي م.ممدوح

[tarek_2005]

العيب تسريب في كلبس من كلبسات كتاوت الفوجات بيحمل علي فيوز نور التبلوه

راجع علي كلبسات وترامل الكتاوت واتاكد من عزلهم بكفرات مش شريط لحام

[amoro]

العيب تسريب في كلبس من كلبسات كتاوت الفوجات بيحمل علي فيوز نور التبلوه

راجع علي كلبسات وترامل الكتاوت واتاكد من عزلهم بكفرات مش شريط لحام

طارق باشا الف شكر لحضرتك ........
علم و سينفذ

[Car's Sniper]

مانا قررت اعمل كده بس عاوز اعرف اعمل ايه علششان الكهربائي مايشتغلنيش تاني
و يقول هجص - علي رأي م.ممدوح

حضرتك روح لكهربائى تانى وهو يطلعلك القطط الفطسانة فى الكهربائى الاولانى هههه
وطالما الحاجة اتركبت خلاص فمافيش مجال للاشتغالات...هتبقى مجرد تعديلات
المهم حضرتك جمع معلومات عن الموضوع ده كويس عشان لما تروح للكهربائى تحسسه انك فاهم فيشيل حكاية الاشتغالات من دماغه...ده اللى باعمله مع اى صنايعى وربنا يخليلنا نايل موتورز واعضائه المحترمين

[osama.m]

حاول تشوف الفيوز اللي تحت التابلوه و اللي في الكابوت و راجع على الاسلاك كويس و لو مستعجل يبقى تسافر من غير فوجات دلوقتي و ابقى شوف الحكاية دي لما ترجع بالسلامة ان شاء الله

[amoro]

ياشباب نزلت الصبح رايح للكهربائي بأه

فوجئت ان كل الانوار شغااالة تمام
طب ليه اللي حصل امبارح؟؟؟

وهولوالفيوز ضرب ينفع يشتغل تانييييييي؟؟؟؟

حد يفيدني

[tarek_2005]

الفيوز بيتهز في مكانه لان الحمل اصبح كبير عليه مما ادي الي ارتفاع درجة حرارة الكلبسات الي راكب فيها وده بيوسعها ولما العربية بردت رجعت لطبيعتها حاول تاكد علي ثبات الفيوز في مكانه وميكونش فيه اي هزة

[amoro]

الفيوز بيتهز في مكانه لان الحمل اصبح كبير عليه مما ادي الي ارتفاع درجة حرارة الكلبسات الي راكب فيها وده بيوسعها ولما العربية بردت رجعت لطبيعتها حاول تاكد علي ثبات الفيوز في مكانه وميكونش فيه اي هزة

ok يا استاذ طارق هاجرب و اقول لحضرتك بعد مارجع من السفر ان شاء الله

شكرا لرد حضرتك السريع

[tarek_2005]

جرب بعد ما ترجع من السفر بالسلامة وابقي قولنا عملت ايه

[amoro]

جرب بعد ما ترجع من السفر بالسلامة وابقي قولنا عملت ايه

حاولت اثبت كل الفيوزات والكتاوت دوست عليها كويس قبل ما اسافر
و المفاجأة كل الانوار و الفوجات شغاااااااااااالة تمام
رايح جاي وهناك

وكله تمام

ربنا يبارك في كل اللي اداني رأيه و اقترح حل

[mustafavet]

حاول تراجع علي الارضي