سؤال فى ريش التكييف

[i_samy]

النهاردة وأنا بغسل العربية الريش إللى جنب السواق إتفكت مش إتكسرت ..... حاولت تركيبها لكنها صايصة ومايعة أوى وخوفت أنشف عليها تتكسر

أروح لمين يركبها ؟ وهل فى طريقة لتركيبها تغنينى عن الذهاب لأحد ؟

والصور أهه

[mostafa mahmod]

هو بصراحه انا مش عارف تركب من بره ولا لا بس انا لما فكيت التابلوه كان سهل فكها و تركيبها

بس هى غالبا هتركب كبس ما دام متكسرتش

[i_samy]

يعنى أفك التابلوه ؟

[mostafa mahmod]

لا استنى يمكن حد يكون بيعرف يعملها يقولك بدل ما تفك التابلوه عالفاضى

[i_samy]

ماشى ..... ياريت يا رجالة ندور مع بعض على الحل

[i_samy]

فيه حل ولا أفك التابلوه

[tarek_2005]

تركب من غير فك التابلوه ولا حاجة المشكلة عندك في مسطرة بتجمعهم مع بعض انا مش شايفها في الصور دور عليها

[i_samy]

تركب من غير فك التابلوه ولا حاجة المشكلة عندك في مسطرة بتجمعهم مع بعض انا مش شايفها في الصور دور عليها

معلش ممكن توضح على قد ما تقدر

[tarek_2005]

لا لما راجعت الصور لقيت المسطرة الي بتجمعهم موجودة
التركيب بتبدا باصغرهم الي هيا اعلي واحدة وتنتهي باكبرهم من اسفل
الطريقة ثني الريشة برفق من المنتصف وادخال بنزي الجانبين في الفتحات المخصصة لهم

[shgashga]

طارق باشا ان عندي الريش لما باجي احركها عشان توجيه الهوا بتنام علي بعضها اوبتقفل علي بعضها فبتسد الفتحه بتاعه التهيه ياريت توضحلي اصلحها ازاي والف مبروك

[shgashga]

وكمان حاجه تاني مدوخاني ال العربيه بتبطل لما اكون مشغل التكييف واجي ادوس دبرياج علي سرعه كبيره ١٠٠ مثلا فقط علي سرعه كبيره غير كده لا هو ممكن لو الدبرياج واطي يعمل كده بالله عليكم تقولولي الحل ايه

[walaaeldeen]

وكمان حاجه تاني مدوخاني ال العربيه بتبطل لما اكون مشغل التكييف واجي ادوس دبرياج علي سرعه كبيره ١٠٠ مثلا فقط علي سرعه كبيره غير كده لا هو ممكن لو الدبرياج واطي يعمل كده بالله عليكم تقولولي الحل ايه

السلام عليكم
التبطيل ده بسبب عطل في الحساس
والله المستعان

[tarek_2005]

طارق باشا ان عندي الريش لما باجي احركها عشان توجيه الهوا بتنام علي بعضها اوبتقفل علي بعضها فبتسد الفتحه بتاعه التهيه ياريت توضحلي اصلحها ازاي والف مبروك

المسطرة الي مسكاهم اما مفكوكة او مكسورة

وكمان حاجه تاني مدوخاني ال العربيه بتبطل لما اكون مشغل التكييف واجي ادوس دبرياج علي سرعه كبيره ١٠٠ مثلا فقط علي سرعه كبيره غير كده لا هو ممكن لو الدبرياج واطي يعمل كده بالله عليكم تقولولي الحل ايه

حط العربية علي اسكانر علشان تشوف الاديديل اخباره ايه

[shgashga]

تسلم يا طارق فعلا فكت الريش وطلعت المسطره مش عملتها بطريقه غريبه خرمت قي الفبر وحطيت سلك بالنسبه للتكييف وده المهمم هاقولك الي بيحصل بالظبط ما اكون ماشي بسرعه عاليه وادوس فرامل مع دبرياش الاربي ام يوطي خالص وكان العربيه هتبطل واحيانا بتبطل فعلا زي ما قولت ده بيحصل لما ادوس الفرامل مع الدبرياش