دخنة بيضاء في الصباح

[abo_lamar]

السلام عليكم و رحمه الله و بركاته

عندي مشكلة ان دايما الصبح لما ادور العربية بتظهر دخنة بيضاء كثيفة خارجة من الشكمان بس بتروح على طول , بعد كده لقيت اني كل ما اركن العربية فترة طويلة مثلا 3 او 4 ساعات وبعدين أجي أدورها تاني بتظهر برضه الدخنة دي .

تفتكروا يا رجالة المشكلة دي سببها ايه ؟
وشــــــــكـــــراً

[megadeath]

كاوتش صباب

[tarek_2005]

كاوتش صباب دا احتمال لو الدخنة بيضاء مائلة للزرقة او ممكن بداية جوان وش سلندر عن طريق هروب المياه الي البساتم لو العربية بتنقص مياه تبريد

[asd21012101]

انا عندى المشكلة دخنة بيضاء لمى بدوس بنزين لكن فى السلنسية لا يوجد عند تزويد البنزين يخرج كمية كبيرة من الدخنة البيضاء اوووى اة المشكلة دى وحلها اية

[elpasha1]

1) زيت الموتور سيئ
2) بداية تاكل وش السلندر ( لاحظ اذا كانت مياة القربة بتنقص)

[asd21012101]

محتاج رد ضرورى جدا

الخرطوم الى داخل فى العلبية بيجيب زيت وبيدخل على الفلتر
المية مبتنقص ولا يوجد سخونية وغيرت الزيت والفلتر
برجاؤ المساعدة لحسن مش عايز اروح لميكانيكى يعملى حوار على العلم انى معير جوان وش السلندر من شهر ومكنش فى دخنة خالص

[abo_lamar]

مفيش نقص في مياه التبريد عندي .

[hassanin_lada]

محتاج رد ضرورى جدا

الخرطوم الى داخل فى العلبية بيجيب زيت وبيدخل على الفلتر
المية مبتنقص ولا يوجد سخونية وغيرت الزيت والفلتر
برجاؤ المساعدة لحسن مش عايز اروح لميكانيكى يعملى حوار على العلم انى معير جوان وش السلندر من شهر ومكنش فى دخنة خالص

بص ياباشا روح مشاور طويل تكون العربيه سخنت وطلع خرطوم الفايظ لو في دخانه بسيطه وبتذيد لما بتزود بنزين يبقي تمام وزي الفل

لو دخانه كتيره حط صابعك جوه الخرطوم لو طلع فيه زيت يبقي ده بداية شنبر

معلومه : الخرطوم ده لازم يجيب زيت بس بنسبه بسيطه خالص عشان يزيد الفلتر بتاع الهوا عشان يحجب التراب وكده لكن لو نسبت الزيت دي زاددت بتوسخ الكاربرتير وبتبرجله

[hassanin_lada]

انا عندى المشكلة دخنة بيضاء لمى بدوس بنزين لكن فى السلنسية لا يوجد عند تزويد البنزين يخرج كمية كبيرة من الدخنة البيضاء اوووى اة المشكلة دى وحلها اية

دي بداية شنبر بس انصحك اعمل نفسك مش شايف انت بتقول لما بتقرص جامد يبقي لسا شويه طلع خرطوم الفايظ وارميه تحت المتور عشان مايبهدلش الكاربرتير .. لو معاك قرشين علي دخلت الشتا وفك المكنه والله المستعان

[lanos2004]

شوف الاساس هو
الزيت بينقص عندك ولا لا
لو مش بينقص يبقه كاوتش صباب ودة امرة سهل بس هات الاصلى -وياريت جوان اصلى وانته بتغيرة
لو الزيت بينقص يبقه طقم شنبر---ولازم ميكانيكى محترم علشان يطلع صح-او انك تمشى كدة وتزود الزيت الى بينقص لحد اما تهلك الماتور وتشترى واحد استيراد

[tarek_2005]

بتقول مغير الجوان من شهر رحت عيدت رباط الوش ولا لاء وغالباً كدا مشكلة جوان ارجع للعملهولك

[Mohamed Shokry]

موضوع الدخنة البيضة دة طلع اية بالظبط, ارجو الافادة لان الموضوع دة بيحصل معاي اليومين دول

[mabdelmageid]

آه ياريت تقولنا لأن نفس المشكلة بتحصل معايا أنا كمان دلوقتي - وبلاحظ إن في زيت نطر علي الموتور