الي خبراء الدايو الليجانزا افيدوني

[mydream4]

السلام عليكم انا قدامي عربية ليجانزا 2004 cdx الكاملة فابريكة جوة بالكامل وبعض الاجزاء من الخارج ومعرةضة عليا ب 55000 جنيه سوائلي هو
اولا: هل تنصحونني بهذه العربية ؟
ثانيا: اهم عيوب العربية
ثالثا: هل سعرها مناسب؟

[elpasha1]

السلام عليكم انا قدامي عربية ليجانزا 2004 cdx الكاملة فابريكة جوة بالكامل وبعض الاجزاء من الخارج ومعرةضة عليا ب 55000 جنيه سوائلي هو
اولا: هل تنصحونني بهذه العربية ؟
لا
ثانيا: اهم عيوب العربية
قطع غيارها غالية شوية وقليلة - ملهاش سوق بمعنى انها غير مرغوبة
ثالثا: هل سعرها مناسب؟

اعتقد غالية


وانتظر الرد من باقى الاعضاء

[lanos2004]

هوة كان فيه ليجانزا فى 2004

[neel]

العربييات ال 2000 سي سي بنزينها هيبقي بالسعر الحر الغير مدعم

لو عندك استعداد تشتري لتر البنزين بخمسة جنية وشوية

تبقي بتهزر :)

اصرف نظر يا معلم

[mydream4]

شكرا لاهتمامكم بس بصرف النظر عن موضوع البنزين هي كاعربية ايه ظروفها كويسة واعطالها قليلة ولا العكس؟

[maka]

هى الليجانزا لا يعلى عليها و ممكن فيه موديلات بعد ال 2000 منزلتش مصر فى التوكيل

لكن قطع غيارها مش عارف منتشرة و لا لا , لكن شوفت واحد كان بيسال عن موبينة ليها عند ابو الحسن و ملاقش خالص

البنزين لو اتطبق علاجها حل من اتنين اما تقلبها غاز او تسقط ماكنة نوبيرا 1600 ان امكن

و انا انصحك بيها لانه ركوبة ممتازة لكن السعر مش عارف مناسب ام لا

[lanos2004]

شوف
كان عندنا ليجانزا موديل 2000
العربيه دى جبارة جبارة
ماتور قوى جدا وراسيه على الارض قول مرسيدس
وواسعه ومريحه جدا
بس خلى بالك نزلت بماتور احادى الكامه ودة هيكون ضعيف على وزنها لانها فاضيه معديه 1400 كيلو
وماتور اتنين كامه ودة ماشاء الله وحش تقريبا 136 حصان
قطع الغيار موجودة عادى جدا وسعرها معقول
وحاجتها استيراد موجودة ايضا
استهلاك البنزين لو ماشى حنين استهلاك عادى جدا
لو قرصت بعد 5000 لفه متسالش على البنزين بيروح فين
العربيه دى لما كنت بطلع بيها امريكانى كانت بتتطوح بيا من قوة الماتور

[Ahmed Nasser]

كعربية تعتبر مافيش اى مقارنة بيها وبين اى عربية فى فئتها السعرية
بس المشكلة فى الغاء الدعم لو اطبق هيبقى مشكلة

[mydream4]

بس انا متاكد ان لو اطبق موضوع الكوبونات اكيد هيبقي فيه استثناءات عشان حرام عربية تبقي ب50000 جنيه ويبقي بنزينها ب4 جنيه

[احمد نظمي]

موضوع الينزين هيبقا في استثناء علي العربيات القديمة يعني ان شاء الله مش هيطبق عليك والعربية جبارة وسعرها اعتقد غالي شويه لانه في واحدة موديل 2000 لسه واحد صاحبي جايبها ب41الف

[Mohamed ELOoL]

هوة كان فيه ليجانزا فى 2004

+1

اخر اليجانزا 2002

بس هوا لو العربية حالتها حلوة

سعرها حلو

بس دة يتوقف علي احتيجاتك :

يعني بنزينها عالي و ضريبتها عاليا بس للامانة عربية ولا كلمة ركوبة ولا اروع ( فخامة و ثبات و راحة و قوة و واسعة بغباء ) ...ولا تقولي نوبيرا ولا ولا النترا ولا فيكترا ولا غيرو

و قطع غيرها رخيصة علي فكرة

[mydream4]

يا جماعة والله اللي بيبعهالي بيقولي 2004 واكيد هتبقا مثبوتة في الرخصة لو حد معاه العربية ياريت يبعتلي رقمه علي الخاص عشان اسئله علي شوية حاجات انا عارف اتا تقلت شوية بس حاولو تستحملوني

[mydream4]

للرفع

[islamnasser10]

العربية دي كانت معايا فترة
وبصراحه زعلان عليها اوي عربية جميلة جداااااااا
شكلها من ورا مرسيدس وعريضة وثابتة تحس انها فارشة علي الارض ومكلبشة في الطريق ووسع وفخامة واوبشنز ومبتفتحش بقها بسهولة انا مسميها مرسيدس الكوري
وكنت هجيب ليجانزا تاني بس موضوع البنزين وندرة قطع الغيار شوية خلاني اصرف نظر وجبت لانوس وحاسس بفرق شاسع بس بحاول اتأقلم

[mydream4]

محدش يعرف اكثر اعطالها ايه عشان ابقا اخلي بالي منه قبل ماقرر الشراء