الشمعدانة اليمين

[matelian]

السلام عليكم:

معلش عندى استفسار صغير .... انا معايا نوبيرا كانت بتحدف معايا يمين على 100 و انا طالع المهم رحط شوفت الزوايا فى محطة مصر للبترول اللى قدام نادى هليبوليس ... المكانيكى قالى العجلة المين الأماميه معوجه بتاع 1.73 درجه و قالحيعملها .. لاقيت الدفه راحت بس حسيت بها مؤخرآ بعد حواللى 3 شهور ..... المهم روحت من اسبوعين شوفتها فى بنزينة وطنيه اللى فالعباسيه .. قاللى نفس الكلام و حنعمل تدليك للعفشة علشان نعدل الزاويه......

المهم كنت عايز أعرف المشكله دى حتأثر على ايه فى العربيه ...... ولو حد يعرف عفشجى او بتاع زوايا يشوف حل للمشكلة دى علشان مترجعش تانى (طبعآ غير لو كلت حفرة ولا مطب ).

وأكون شاكر جدآ. معلش على الإطالة دى فرحة أول مشاركه ليا فى المنتدى

[matelian]

معلش حاجة كمان
بحس برعشة فى الدركسيون عند 100 كم بس بتروح بعد كده او قبل كده ..... حتله لو على 160 كم مش بحس بيها.
معلش العربيه عجيبه شويه بس سعدونى
شكرآ مقدمآ

[Sherif Khalifa]

يعنى اية " حنعمل تدليك للعفشة علشان نعدل الزاويه"

المراجعة على الزواية كل فترة امر طبيعى
الرجرة بتحس بيها مع الفرملة كمان ؟
لو رجة لوحدها ممكن تبدأ بالمراجعة على الترصيص و عرف الراجل انها بتترج بعد ال 100
و خليك فى مراكز خدمة بريدج ستون

[matelian]

يعنى اية " حنعمل تدليك للعفشة علشان نعدل الزاويه"

اللي شوفته بيعمله كان حط ذى دراع هيدروليك على الجله من جوه و العفشه وزود الضغط (بدل مايدق عليها بشكوش ) و موضوع الرعشة ده كان بيحصل على 100 بس لما أزود عن كده مبيكونش فى اى رجه.

وفين الاقى مراكز خدمة بريجستون دى ؟؟؟؟

[Sherif Khalifa]

كدة عملك زرجينة
و دى مش مستحبة خالص علشان لو اتعملت غلط متجيب البلى على طول
و مشاكل اخرى بيتعمل فى حالات معينة زى خبطة او كدة

العجل سواء كان مفتوح او قفول بتاع الزواية بيزبطة

بريدج ستون فى كالتكس الى فى عباس العقاد
و عندهم زوايا على ما اعتقد

[matelian]

شكرآ يا جميل ح حاول اروح هناك فى أقرب فرصة.