العربية اتسرقت يا رجالة نايل موتورز

[neemmohamed]

الف حمد لله على السلامة
ضريبة العين للعربيات الجديدة
قدر و لطف
و الحمد لله

[ahmed_su]

شكراً على ردك يا أحمد باشا ونة انشالله حعمل ذي مانتا ألت ورح أشوفو بس لحد معمل كدة هل ممكن تالي إه رأيك فالإنذار نفس spy 2 way هل هو كويس ويستهل ولا لأ
شكرا

يستاهل جدا ياباشا وهو كويس ومش هتندم انك ركبته

وكنت عامل موضوع عنه هتلاقيه فى توقيعى - كفاية انه بيقولك حالة العربية و انت مئنتخ فى البيت

[wisambasha]

بص ياباشا الانذار كنت شاريه ب 370 جنيه وركبته عند ادريان الهرم وخد 70 تركيب , احمد سعد اشتراه
من التوفقية بعدى بفترة ب 330 جنيه غير التركيب
فيه محل اسمه فرح للكماليات خلف المحكمة الدستورية العليا فى المعادى
لسه شايف عنده الجهاز من اسبوع والريموت الشكل الجديد كمان بالتركيب ب 350 بندق
المحل شكله كبير ونظيف والناس هناك فاهمة شوفت عربية لانسر بتركب انذار وانا هناك
روح خدلك فكرة

الف شكر يا استاذ احمد علي مرورك ومشاركتك القيمة وطبعا حضرتك اللي خليتني افكر في تركيب ال SPY 2 Way بعد ما قريت موضوعك الرائع عنه وتقييمك ليه وانت برضه هاتخليني اروح اشوف المحل اللي حضرتك بتقول عليه في المعادي لاني بصراحة كنت حامل هم شراءه من مكان وبعدين ادور علي مكان تاني للتركيب لاني عاوز اخلص كله في مكان واحد وخلاص

ويا تري عنوان المحل ده اني ادخل من شارع المحكمة الدستورية العليا يعني اخليها علي شمالي و المستشفي علي يميني وبعدين اكسر شمال تاني علشان اكون خلف المحكمة والا ايه ؟؟؟

[wisambasha]

انا جبت النذار spy2way من التوكيل فى التوفيقية 330
التركيب 75

انت ركبته فين يا استاذ احمد علشان انا حامل هم تركيبه عند حد يكون مش فاهم ؟

[wisambasha]

الف حمد لله على السلامة
ضريبة العين للعربيات الجديدة
قدر و لطف
و الحمد لله

شكرا جزيلا علي شعوركم الجميل ربنا ما يكتبها لحد ابدا

[ahmed_su]

فى اخرالشارع المستشفى على يمينك والمحكمة على شمالك حتخش يمين

المحل خلف المستشفى بالظبط اسمه ( فرح لكماليات السيارات) فيه شاب اسمه محمود هناك مهذب فى التعامل

والف سلامة ياباشا ربنا يعوض عليك - معلش

[monmonmon]

الحمد لله على كل شىء..

انا عندى العكس تماما.. بركن عربيتى فى الجراج علشان جديدة و اتكسرت جوا الجراج و عربية تانيه غيرها اتسرقت معاها

اما عربيتى التانيه بركنها بره و الحمد لله محصلهاش حاجه و ربنا يحفظنا

[wisambasha]

الحمد لله على كل شىء..

انا عندى العكس تماما.. بركن عربيتى فى الجراج علشان جديدة و اتكسرت جوا الجراج و عربية تانيه غيرها اتسرقت معاها

ودي تيجي ازاي بقي هو ما فيش حد سايس في الجراج اقصد هو الجراج مافيهوش حد شغال فيه؟؟
وبعدين حتي لو حصل كده دا انت تخرب بيت تيييييييت وتبهدل الدنيا عليهم

[wisambasha]

[ATTACH]7182[/ATTACH]

دي صورة الزجاج ساعة الكسر

[damasry]

احنا باين علينا جيران واحنا ما نعرفشي ولا ايه ؟؟؟

والله انا نزلوني علي الخبر من البيت الساعة 5.45 صباحا استلمت عربيتي من القسم بعد تحقيقات النيابة الساعة 5 مساءا بالتمام

انا بالفعل كنت راكن في شارع حلوان امام باب مستشفي ابو الريش وامام محطة مترو السيدة زينب لاني ساكن هناك اوعي تركن هناك

لكن ساعات باركن في شارع منصور عند محطة سعد زغلول لما باكون عند والدتي

انت عارف انا من شهر ونص تقريبا ركنت في ش حلوان بس بعد محطة المترو في اتجاه ش منصور وطلعت البيت غيرت هدومي وكنت نازل تاني علي طول المهم بعد ما طلعت لقيت حد من المباحث بيرن عليا الانتركم وبيقولي عاوزينك تحت شوية علشان كان في عربية راكنة مكان حضرتك اتسرقت واتشالت من مكانها
نزلت لقيت صاحب العربية وشة ضارب الوان ومش عارف يتلم علي اعصابة وقال انه كان راكن العربية (هوندا سيفيك 94) الساعة 8 صباحا وراح شغله رجع الساعة 5 ما لقاش العربية وكانوا بيسالوني لو كنت شفتها وانا باركن قولتلهم انا ما شوفتش غير العربيات اللي انا ركنت بينهم قدامي وورايا وانا ركنت الساعة 6.10 بالضبط يعني انا ماشوفتهاش اصلا

شكروني ومشيوا يدوروا عليها في مكان تاني ويوم حادثة سرقة عربيتي قابلت راجل المباحث ده في القسم وفكرته بالموقف وسألته انتوا لقيتوا العربية الهوندا دي والا لأ
قالي ايوة لقيناها مرمية في ترب البساتين وكانت شبه عربية (الاربع جنوط اتغيروا علي كاوتش علي الارض والمساعدين مش موجودين والتابلوه بالكامل مش موجود اساسا)

ايوه يا باشا جيران، انا ساكن عند صيدلية علي وعلي.
بس دلوقتي هما حاطين حديد تحت محطة المترو عشان ماحدش يركن هناك عشان السمكرية اللي كانوا بيصلحوا العربيات في الحتة دي.

تعرف انا حصلي نفس الموقف بالظبط بس الفرق ان اللي اتسرقت عربيته كان جاري اللي ساكن في الشقة اللي قدامي عربيته بي ام، نزلت من بيتنا بليل لقيت عربيته راكنة عادي خلصت خروجتي ولما رجعت علي الفجر كده ركنت مكان ما هو راكن عشان مش لقيت عربيته، قلت هو طلع بيها، الصبح لقيت البواب بيصحيني يقولي بتوع المباحث عايزينك تحت، خير يا جماعة عربية الاستاذ فولان اتسرقت وكانت واقفة مكان عربيتك، قولتلهم اه فعلا انا لما نزلت كانت موجودة ولما رجعت ما كنتش موجودة، المهم العربية رجعت بعديها بحوالي شهرين بعد ما كانوا الحرامية سرقوا تلات عربيات من الشارع عندي.
الحرامية كانوا سايبين العربيات في حتة في امبابة ومغطينها وماحدش من المنطقة عارف دي عربيات مين، جيه يوم تراب وهوا جامد قام الغطا طار من علي عربية فيهم والمباحث شافت العربية واتعرفت عليها من السيارات المبلغ عنها، سابوا العربيات مكانها وعملوا كمين للحرامية كذا يوم لحد ما جم يشيلوا الغطا قاموا قبضوا عليهم ههههه

[wisambasha]

ايوه يا باشا جيران، انا ساكن عند صيدلية علي وعلي.
بس دلوقتي هما حاطين حديد تحت محطة المترو عشان ماحدش يركن هناك عشان السمكرية اللي كانوا بيصلحوا العربيات في الحتة دي.

تعرف انا حصلي نفس الموقف بالظبط بس الفرق ان اللي اتسرقت عربيته كان جاري اللي ساكن في الشقة اللي قدامي عربيته بي ام، نزلت من بيتنا بليل لقيت عربيته راكنة عادي خلصت خروجتي ولما رجعت علي الفجر كده ركنت مكان ما هو راكن عشان مش لقيت عربيته، قلت هو طلع بيها، الصبح لقيت البواب بيصحيني يقولي بتوع المباحث عايزينك تحت، خير يا جماعة عربية الاستاذ فولان اتسرقت وكانت واقفة مكان عربيتك، قولتلهم اه فعلا انا لما نزلت كانت موجودة ولما رجعت ما كنتش موجودة، المهم العربية رجعت بعديها بحوالي شهرين بعد ما كانوا الحرامية سرقوا تلات عربيات من الشارع عندي.
الحرامية كانوا سايبين العربيات في حتة في امبابة ومغطينها وماحدش من المنطقة عارف دي عربيات مين، جيه يوم تراب وهوا جامد قام الغطا طار من علي عربية فيهم والمباحث شافت العربية واتعرفت عليها من السيارات المبلغ عنها، سابوا العربيات مكانها وعملوا كمين للحرامية كذا يوم لحد ما جم يشيلوا الغطا قاموا قبضوا عليهم ههههه

هما فعلا دلوقتي حاطين حديد تحت محطة المترو عشان ماحدش يركن هناك عشان السمكرية اللي كانوا بيصلحوا العربيات في الحتة دي لكن انا كنت راكن قبل الحتة اللي فيها الحديد دي (بالظبط امام سلم الصعود للمحطة هاتلاقي الحتة دي داخلة لجوة شوية بعيد عي حرم الشارع وواخدة تجويف او باكية للداخل فهي مكان للركنة 10/10 وبعيدة عن وقوف البياعين او اي خبطات من سائقي الميكروباص اللي بيركنوا عند الحديد اللي قصدك عليه)
انت ساكن عند صيدلية علي وعلي. طيب و بتركن ازاي في شارع القصر العيني ؟؟

[damasry]

هما فعلا دلوقتي حاطين حديد تحت محطة المترو عشان ماحدش يركن هناك عشان السمكرية اللي كانوا بيصلحوا العربيات في الحتة دي لكن انا كنت راكن قبل الحتة اللي فيها الحديد دي (بالظبط امام سلم الصعود للمحطة هاتلاقي الحتة دي داخلة لجوة شوية بعيد عي حرم الشارع وواخدة تجويف او باكية للداخل فهي مكان للركنة 10/10 وبعيدة عن وقوف البياعين او اي خبطات من سائقي الميكروباص اللي بيركنوا عند الحديد اللي قصدك عليه)
انت ساكن عند صيدلية علي وعلي. طيب و بتركن ازاي في شارع القصر العيني ؟؟

انا معاك ان المكان مثالي للركنة عشان داخل لجوه بس بيسهل لأي حد يسرق العربية عشان سلم المترو مغطي عليه ومافيش عمارات قدام الحتة دي عشان حد يشوفه وطبعا المستشفي ايدك منها والقبر.

بركن عادي يا باشا، ربنا بيعيني علي الركنة بس الناس اللي بتجيلي البيت ببتعذب عشان تعرف تركن.

[monmonmon]

ودي تيجي ازاي بقي هو ما فيش حد سايس في الجراج اقصد هو الجراج مافيهوش حد شغال فيه؟؟
وبعدين حتي لو حصل كده دا انت تخرب بيت تيييييييت وتبهدل الدنيا عليهم

ده جراج تحت العمارة.. للسكان فقط و فى بواب بس كان نايم فوق السطح علشان بردان
و الادهى ان العربية اللى كانت فى الجراج مش متأمن عليها بس الحمد لله الكسر كان للهواية الخلفية فقط

البواب كان هيبوس رجلى بعدها بس سيبته علشان غلبان و ركبت انذار لانى كنت مكسل

بس الحمد لله على كل شىء

[wisambasha]

انا معاك ان المكان مثالي للركنة عشان داخل لجوه بس بيسهل لأي حد يسرق العربية عشان سلم المترو مغطي عليه ومافيش عمارات قدام الحتة دي عشان حد يشوفه وطبعا المستشفي ايدك منها والقبر.

تصدق اني انا باشوف العربية من بلكونة شقتي وهي راكنة في المكان ده ( اقصد لما كانت راكنة لانها دلوقتي ما بتشوفشي الشارع غير وهي ماشية لكن طول ماهي راكنة هي في الجراج) انا ساكن في الشارع اللي امام محطة المترو علي طول ولو حدفت طوبة بعلو ايدي هاتيجي في العربية
المشكلة ان الحتة دي كانوا ركبوا فيها عواميد نور جديدة من شهرين تقريبا ومبهرة جدا وكانت بتخلي المنطقة ضهر اتاري الهيصة دي كانت معمولة لغاية السيد المحافظ ومعاه الوزير المقال السابق ما يفتتحوا التجديدات الاخيرة في محطة مترو السيدة زينب يوم 11/10 اللي فات وليلة ما خلص المولد بتاع الافتتاح ده كرسى في الكلوب وضلموها ربنا ينتقم من المسئولين الفاسدين

[wisambasha]

كان نايم فوق السطح علشان بردان

قول حراااااان مش بردان