محتاج علامة البيكانتو

[YaSSerwIN]

أمبارح سألت فى التوكيل وانا بعمل صيانة ال 5000 على العلامة الخلفية وكلمة بيكانتو النيكل

العلامة الخلفية ب 100 جنية
وكلمة بيكانتو الخلفية ب 50 جنية

وطبعا ً مستحيل أشتريهم بالسعر دة علشان يجى أنسان مريض تانى يسرقهم

[max_ziro]

انا كنت ف التوفيقية من اسبوع و شوفت العلامة الخلفية ب 20 جنية عند الناس الى فارشين فى الشارع بعد بتوع الفاكهة الى بيجوعوا دول و ممكن تفاصل
انا اشتريت علامة نيكل امامية للسيفيا بتاعتى كان بيقولى 7 جنية خدنها ب 4 جنية هههههههه
ربنا معاك ...

[YaSSerwIN]

انا بالفعل روحت التوفيقية من فترة ومكنش فيه غير مقاسين واحد كبير
وهو بيركب قدام فى الشبكة ولاكن اكبر من علامة الشنطة

ومقاس صغير اصغر من مقاس الشنطة ومافيش وسط

وهو دة الى عندنا ياباشا

[wisambasha]

ايه اخر التطورات في موضوع العلامة يا استاذ ياسر؟

[YaSSerwIN]

روحت وجيت ولفيت ومش لاقى غير العلامة الأمامية بس بتاعت الشبكة

جيبت الصغيرة ولزقتها فى الشنطة وخلاص لأن مش لاقيها فى مكان غير فى التوكيل وبـ 100 جنية

ووتخيل كلمة بيكانتو النيكل بـ 50 جنية

[wisambasha]

واللي جبتها دي تمنها كام؟

[YaSSerwIN]

الأمامية بـ 20 والخلفية بـ15 وكلمة البيكانتو النيكل مش موجودة للأسف

[A.Saad]

الأمامية بـ 20 والخلفية بـ15 وكلمة البيكانتو النيكل مش موجودة للأسف

انا رحت الجندى النهاردة
كلمت ميدو ونادر
علشان احد تليفونك
محدش رد
اتصرف معاهم

عنده
العلامة الامامية و الكلمة
الواحدة 55

[YaSSerwIN]

الأمامية انا جيبتها من التوفيقة ب 20 جنية
والخلفية ملقتش المقاس بتعها خالص جيبت الأصغر شوية ب 15 جنية

ناقصنى بس كلمة بيكانتو

[A.Saad]

الأمامية انا جيبتها من التوفيقة ب 20 جنية
والخلفية ملقتش المقاس بتعها خالص جيبت الأصغر شوية ب 15 جنية

ناقصنى بس كلمة بيكانتو

عند الجندى اللى فى مدينة نصر
55 جنيه

[YaSSerwIN]

فين الى فى مدينة نصر دة علشان انا على طول بروح على الى فى شارع دمشق وعمرى ما لقيت عنده حاجة

[A.Saad]

تخش شارع الطيران
الشارع الى على ناصية مسجد رابعة العدوية
تمشى لحد ما تلاقى
مصر والسودان على اليمين
وحل ميراكو على الشمال
هوة فى الشارع الجانبى اللى على ناصيته ميراكو
اسمه ش عبد الله العربى
24035099
على فكرة الكلام ده
بعد ما تعدى مطعم البرج ومستشفى التامين الصحى