عندي مشاكل في النيو سيراتو ارجو المساعدة

[elmoski]

السلام عليكم .. انهاردة لاحظت مشكلتين في السيراتو ومش عارف ايه سببهم وهل دي عيوب خطيره ولا لأ..المهم نيجي للمشاكل:
1- حاجة غريبة جدا واول مرة الاحظها انهاردة المشكلة باختصار ان وانا حاطط ايدي علي الفيتيس علي الd بمجرد ما اشيل رجلي من علي الفرامل بسمع صوت تكة كدة جاية من الفيتيس وبحس بالنبض بتاع التكة دي مسمع في الفتيس لا وكمان بسمع تكة كدة بس هي غير ملحوظة يعني و انا فاتح الزجاج مش بسمعها الا لو ركزت اوي.
2- المشكلة التانية اني اول ما بدوس بنزين (ونا بتحرك من وضع الوقوف) بسمع صوت تزيقة كدة اكن فار بيصوصو جايه من الطابلوه ومش عارف ايه سببها ...بس وانا بتحرك من وضع الوقوف بس يعني لو انا ماشي مش بحس بالصوت ده مهما زوت او نقصت بنزين..

ياريت حد يقولي ايه اللي بيحصل ده بالظبط !!!

[NoRmAl]

قصدك على الزنه دى

http://www.nilemotors.net/Nile/120840-a.html

كنا أكلمنا عنها قبل كده و قالوا فى التوكيل أنها طبيعيه
ولا قصدك هلى حاجه تانيه؟!

[Atrees]

تمام - متهيالي يا نورمال هوا هوا -

الله يجازي اللي كان السبب وخلانا نشك في نفسنا كل ما نسمع صوت في العربية ---- والله العربية زي الفل ومتخافش - احنا بس مركزييين معاها قوي

[NoRmAl]

تمام - متهيالي يا نورمال هوا هوا -

الله يجازي اللي كان السبب وخلانا نشك في نفسنا كل ما نسمع صوت في العربية ---- والله العربية زي الفل ومتخافش - احنا بس مركزييين معاها قوي :e_braces[1]:

اه والله يا عتريس
أنا أتربالى العصبى و بحس أن فى عفريت فى العربيه
الله يسامح الى كان السبب

[aminibrahim]

دا شئ طبيعي وانا كمان ودا عادي لان دا بيبقي الحساس لما تدوس ع الفرامل تحسه تحت ايدك

علي الفتيس
وبعدين دي تروس ياى جماعه

[elmoski]

قصدك على الزنه دى
http://www.nilemotors.net/Nile/120840-a.html
كنا أكلمنا عنها قبل كده و قالوا فى التوكيل أنها طبيعيه
ولا قصدك هلى حاجه تانيه؟!

لا انا اللي بيحصل معايا تكة مش زنة وبتحصل لما بشيل رجلي من علي الفرامل مباشرة وانا ماشي علي الطريق بمجرد ما اهدي وادوس علي الفرامل مفيش مشكلة اجي ارفع رجلي بقي عشان امشي بسمع ساعتها صوت التكة دي مش وقت الغيار من n الي d زي ما حضرتك قلت

[NoRmAl]

لا انا اللي بيحصل معايا تكة مش زنة وبتحصل لما بشيل رجلي من علي الفرامل مباشرة وانا ماشي علي الطريق بمجرد ما اهدي وادوس علي الفرامل مفيش مشكلة اجي ارفع رجلي بقي عشان امشي بسمع ساعتها صوت التكة دي مش وقت الغيار من n الي d زي ما حضرتك قلت

طيب يا موسكى حاول تروح التوكيل و تشوف أذا كانت طبيعيه ولا لأ
أنا فى الحقيقه معنديش لا زنه و لا تكه
أن شاء الله أحد الاعضاء يفيدك
بس بردو حاول تروح التوكيل فى أقرب وقت
ربنا معاك

[bukla]

لا انا اللي بيحصل معايا تكة مش زنة وبتحصل لما بشيل رجلي من علي الفرامل مباشرة وانا ماشي علي الطريق بمجرد ما اهدي وادوس علي الفرامل مفيش مشكلة اجي ارفع رجلي بقي عشان امشي بسمع ساعتها صوت التكة دي مش وقت الغيار من n الي d زي ما حضرتك قلت

انا اعتقد و الله اعلم ان التكة دى سببها سوستة تيل الفرامل روح التوكيل و هما هيحولك المشكلة ببساطة

[elmoski]

انا اعتقد و الله اعلم ان التكة دى سببها سوستة تيل الفرامل روح التوكيل و هما هيحولك المشكلة ببساطة

ياريت يكون المشكلة بسيطة زي ما بتقول ... طيب و المشكلة التانية محدش يعرف سببها ايه

[abou_ruqi]

التكة دي طبيعية في أي عربية أوتوماتيك , لإن الفرامل هي اللي بتفصل التروس (زي الدبرياج في المانيوال)
مش أنت بتدوس فرامل علشان تجيب من الـ p إلى الـ d أو العكس ؟؟؟ أنت بتدوس فرامل علشان تفك تعشيق الجيربوكس مش أكتر


أما بقه صوت التابلوه دي عاوزة مالك للعربية أنا مافتيلكش فيه

[hobiko]

التكة دي طبيعية في أي عربية أوتوماتيك , لإن الفرامل هي اللي بتفصل التروس (زي الدبرياج في المانيوال)
مش أنت بتدوس فرامل علشان تجيب من الـ p إلى الـ d أو العكس ؟؟؟ أنت بتدوس فرامل علشان تفك تعشيق الجيربوكس مش أكتر


أما بقه صوت التابلوه دي عاوزة مالك للعربية أنا مافتيلكش فيه

الكلام دة مظبوط

أنا عندي نفس التكة و بحس بيها كمان يمكن بشكل مختلف شوية في الكورولا

الموضوع دة طبيعي متقلقش

تمام - متهيالي يا نورمال هوا هوا -

الله يجازي اللي كان السبب وخلانا نشك في نفسنا كل ما نسمع صوت في العربية ---- والله العربية زي الفل ومتخافش - احنا بس مركزييين معاها قوي :e_braces[1]:

عتريس باشا عندك حق فاضل شوية و تلاقينا بنقول يا جماعة العربية لما بندوس بنزين بتمشي أنا خايف لكون فيها حاجة

[elmoski]

[QUOTE=hobiko;3872371255]الكلام دة مظبوط

أنا عندي نفس التكة و بحس بيها كمان يمكن بشكل مختلف شوية في الكورولا

الموضوع دة طبيعي متقلقش


طيب متشكر يا مان بس برده انا شكلي هروح التوكيل لاني فعلا اول مرة الاحظ الموضوع ده في العربية

[night_phoenix]

المانيوال بتاع العربيه اتكلم علي الجزء ده و قال ان طالما حضرتك بتحسه ده معناه ان اجزاء الفرامل والفيتيس بتعمل بكفاءة ممتازة
حضرتك ما تقلقش
ده امر طبيعي جدااا

[elmoski]

المانيوال بتاع العربيه اتكلم علي الجزء ده و قال ان طالما حضرتك بتحسه ده معناه ان اجزاء الفرامل والفيتيس بتعمل بكفاءة ممتازة
حضرتك ما تقلقش
ده امر طبيعي جدااا

بجد والله ؟؟ طب تماااام اصل انا مقرأتش المانيوال كويس ...الف شكر يا باشا

[night_phoenix]

ربنا يباركلك فيها و يكرمك بيها
تحت امرك