استلمت الكوبيه و فيه حاجة غلض :(

[kofta]

مساء الخير عليكم ......

الحمد لله استلمت الكوبيه و جيت اروح بيها البيت و انا ماشى العربية من ورا بتترعش يعنى زى بتروح يمين و شمال ... قولت يمكن الكاوتش عاوز يتظبط هوا روحت البنزينه ظبطه على 28 كله كان كله 32 المهم الرعشة ديه قلت شوية بس لسة موجودة ...

ده ايه المشكلة ديه بقى ؟ و لا عشان لسة فى التليين ؟؟؟

ارجو المساعدة ....

[احمد المصرى]

ممكن الكاوتش عايز يترصص

[mohammedabdallh]

ممكن ترصيص
او الصمويل بتاعة الكاوتش عاوزة تتربط كويس شيك عليهم
حصلت معايا من قبل بسبب واد بتاع كوتش غبى

[M.Elgergawy]

يا رجالة العربية لسه جديدة يعني زيرو والراجل لسه طالع بيها من المعرض يعني مينفعش يستلمها كدا روح التوكيل وقولهم

[SAMEH_FOUAD]

ولو بتعمل كدة على المفصلات بتاعة الكبارى ان العربية بتروح وبيتجى شمال ويمين يبقى دة الطبيعى بتاع العربية دية , لكن فى الطريق العادى يبقى لازم تروح التوكيل

[pirlo2000]

اولا مبروك يا معلم....

تاني حاجة اطلع بيها علي صاحي المعرض حطها في عينه.... هو المسئول انه يضبطهالك طالما لسة مرخصتش..

و مستنيين معلومات عنها اكتر ان شاء الله

------------------
يرجي توحي الحذر لثناء كتابه ان شاء الله وليس انشاء

6.00م
1/1/2012

م.ع.12

[amribrahim]

توكيل إيه بس يا جماعة العربية لسة جديدة المفروض يروح يرملهم العربية يعني ايه العربية تبقى جديدة و تعمل كدة أومال ال-pdi لزمتو إيه

[medo_elgezy]

متفكرش كتير عليك و على صاحب المعرض علشان متقولش يا ريت الى جرى مكان و المهم انه الف مبروك على العربية و اهلا بيك فى جروب النمور

[more_try2]

طياره على صاحب المعرض قولو العربيه فيها عيب وكبر الموضوع معاه وطمنا عملت ايه ولو رخم معاك طوالى على تلفون حمايه المستهلك هيظبطوه

[eng.m7md.ali]

فعلا رجعله العربية وخليه يتحمل اخطاء المتخلفين اللي بيسوقو العربية وبيجبوها من التوكيل للمعرض .. جايز يكونو لبسو بلاعة ولا حاجة وبوظت جنوط

[Land_Cruiser]

ايوه طبعا ارجع عالمعرض على طول و اطلب تغييرها و ما دخلش نفسك فى متاهات التوكيل . العربيه زيرو و أتمسك بحقك

[hossam_elwani]

المشكله هنا هل المعرض تقدر ترمى عليه المسئوليه ما دام استلمت منه العربيه و وقعت على ايصال استلام او ماشابه ؟؟؟؟حد عملها قبل كده ؟؟

[moha4tec]

المشكله هنا هل المعرض تقدر ترمى عليه المسئوليه ما دام استلمت منه العربيه و وقعت على ايصال استلام او ماشابه ؟؟؟؟حد عملها قبل كده ؟؟

عليك و على المعرض و لو عمل نفسه عبيط تروح على حقوق المستهلك و هما هيجيبولك حقك و لكن فى حدود 14 يوم فقط من تاريخ الشراء حتى لو مضات على الورقه .و يستحسن مترخصش العربيه و اركنها فى حته امن بعيد عن الخبط و التجاريح .
و ربنا معاك

[mido]

يا جدعان انتوا مش فى مصر ولا ايه :) ده التوكيل اللى بيبيع موبيل بيغيروا بطلوع الروح
متتعبش دماغك مع المعرض عشان انت مضيت استلام روح رصص الكوتش فى بنزينه او فى التوكيل
رخص على طول علشان السرقه

[ashouhdy]

متنساش تشترى كلبش الدركسيون