بالله عليكم أيهما أكثر إنتشار فى شوارعنا (سبورتاج _ قشقاى )

[Youssef.Awad]

السبورتاج طبعا مش محتاجه كلام متفوقه بنسبه بكبيره

وممكن اجيبلك بالارقام من يوم ما العربيتين نزلوا :)

ياريت يا حسام باشا تجيبلنا فعلا الارقام لأنى اول واحد عاوز يعرف

اهم اسباب عدم انتشار قاشقاي اننا شعب بيحب المنظرة
السبورتاج شكلها اكبر وافخم وتصميم احدث
قاشقاي شكل قديم واتعملة فيس ليفت وحجمها اصغر

تاني حاجة الكمية المتاحة لمصر من قاشقاي اقل من كيا عشان مصنع انجلترا علية طلب كبير جدا وبيصدر لكل اوروبا بجانب بعض الدول
لكن اسبورتاج موجودة كتير

جبت الخلاصة يا كريم باشا ..
انا سوقت القاشقاى المانيوال 1600 فى مصر ولولا انى سوقتها بنفسى .. كان زمانى مستمتع بسواقتى لعربيتى السبورتاج 2400 سى سى AWD فى السعودية دلوقت
واقر واعترف ان السبورتاج الجيل الثالث ملفتة للنظر اكتر فى الشوارع من القاشقاى ومن الاخر لولا تصميمها الجديد كان زمان مصيرها مصير الجيلين الاول والتانى اللى اتحدى حد انه يعرفهم !!!!!!

بالنسبة للابعاد فده انا اتناولته بالتفصيل فى الموضوع التالى:

http://www.nilemotors.net/Nile/305536-a.html

وفعلا السبورتاج اطول من القاشقاى ب108 مللى (10.8 سم)
واعرض ب72 مللى (7.2 سم)
واعلى ارتفاعا ب20 مللى (2 سم)
وقاعدة العجلات اطول ب10 مللى (1 سم)
لكن الخلوص الارضى للقاشقاى اكبر من السبورتاج ب16 مللى (1.6 سم) 188 مللى مقابل 172 مللى تحديدا

وده يفسر ضخامة حجم السبورتاج بالنسبة للقاشقاى

وكلنا فى انتظار الجيل الثانى من القاشقاى المقرر طرحه فى 2014 باذن الله للمنافسة بقوة ...

وفعلا لولا الضغط الشديد على مصنع نيسان بانجلترا الخاص بالقاشقاى فقط على مستوى العالم لكانت تملأ شوارع بلدان كثيرة ومنها مصر طبعا

والجدير بالذكر ان كيا مصر مشترطة على كيا الكورية عدم توريد سبورتاج بمحركات ال1600 سى سى للخليج بتاتا كنوع من الاحتكار وللتحكم فى سعر السوق المبالغ فيه (معلومة مؤكده من توكيل كيا الجبر بالسعودية)

[محمد بدر]

اهم اسباب عدم انتشار قاشقاي اننا شعب بيحب المنظرة
السبورتاج شكلها اكبر وافخم وتصميم احدث
قاشقاي شكل قديم واتعملة فيس ليفت وحجمها اصغر

تاني حاجة الكمية المتاحة لمصر من قاشقاي اقل من كيا عشان مصنع انجلترا علية طلب كبير جدا وبيصدر لكل اوروبا بجانب بعض الدول
لكن اسبورتاج موجودة كتير

لأ أهم حاجة ان حضرتك شرفتنا ومرورك على هذا الموضوع انا أعتبره شرف لي
وبعدين الحمدالله وبفضل الله اخذنا من حضرتك اعتراف عظيم ان السبورتاج اكبر وافخم وتصميم احدث
وهذه شهادة نعتز ونفتخر بها خاصتا عندما تكون من شخص بحجم وثقل حضرتك والكلام ده يزيد من قدر وقيمة العربية
وكان نفسى حضرتك تشرفنا اليوم فى الرحاب علشان اتعرف على حضرتك و يارب الظروف تسمح واكون معاكم فى راس سدر
ولك منى كل تقدير واحترام

[ahmed_911_98]

صديقى العزيز أسمح لى ان أختلف معك
ما فى أى سلعة نجحت إلا وترتب عليها إقبال شديد من العملاء وهذا ما يساعد على انتشارها وهذا ما حدث مع سبورتاج
فأأكد لك وانا من مالكى هذه السيارة كل يوم يزداد اعجابى بها وأكيد بالطبع حالى حال باقى مالكيها وهذا ما ترك سمعة طيبة للسيارة لأن حتى هذه اللحظة وبفضل الله لا يوجد بها أى سلبيات بل بالعكس تماما خاصتا انها تحتضن موتور ما شاء الله عليه 140 حصان وفتيس 6 غيار وعزل ممتاز وخامات ممتازة وكمليات ألخ ألخ .............. وهذا بخلاف الشكل الذى لايختلف عليه اثنين وليس الموضوع موضوع شكل بس
والله انا لاأمدح هذه السيارة لآنى من مالكيها انما هى الحقيقة .....................وثمرة مقارنات دامت لآكثر من 6 أشهر
الوضوع الثانى ان السياره فى حالة إعادة البيع انت فاهم طبعا بتتباع إزاى وبتتباع بكام
وعلى فكرة انا عملت الموضوع ده علشان الإنتشار كان فى شخص ما وهو احد اصدقاء المنتدى له منى كل احترام وتقدير بيشكك فى هذا الموضوع ومكنش اقصدى ادخل فى مميزات او عيوب فأرجوا ان تتقبل مرورى هذا مع كامل احترامى لشخصك الكريم

اولا احب اشكر حضرتك على ردك و انا الحمد لله ليس عندى تحيز لاى سياره منهم و لذلك هدفى دائماً من مشاركاتى هو محاوله طرح الموضوع بطريقه محايده و ذكر المزايا و العيوب لافاده اللى سوف يقرأ الموضوع اللى ممكن يعتمد على رأيي و ايضا آراء الاخرين فى قرار الشراء فلذلك أضع المميزات و العيوب بأمانه لأن الموضوع اكبر من ان يكون دفاع عن اختيار حصل و خلاص انا قمت به لانى اللى هتحمل نتيجته فى جميع الاحوال لكن النصيحه موضوع تانى خالص يجب ان نتوخى فيه الحذر و ده كان تحديدا سبب تنبيهى لحضرتك فى المشاركه السابقه انه هناك عوامل اخرى يجب ان نأخذها فى الاعتبار غير الانتشار و ليس بالتأكيد لكى اشكك فى قدره حضرتك على الاختيار السليم و العياذ بالله و كمان لم اذكر اى مشاكل فى السياره او حاجه تعيبها و بالنسبه للموضوع اللى حضرتك ذكرته بتاع انتشار القشقاى انا كنت رديت فيه بالأسباب المنطقيه الللى بتساعد على انتشار القشقاى و برضه عايز اقول لحضرتك ان السوق مش قشقاى و سبورتيج بس يعنى مش لازم القشقاى تبقى قليله علشان الاسبورتيج تبقى كتيره او العكس لان فى اختيارات تانيه كتيره لنفس الفئه السعريه و ده يخللى الحسابات تختلف و ارجو انى اكون وضحت لحضرتك وجهه نظرى و بالمناسبه لو رجعت للموضوع اللى حضرتك كنت عامله اول ما استلمت عربيتك هتلاقينى كنت من المهنئين و احتمال اكون حتى من الاوائل على فكره :)

أنا بس عايز احيكم على طريقة الحوار اللي تنم عن أدب فوق العالي
هي ده الطريقة اللي الناس كلها لازم تتعلمها
بجد طريقة الحوار تدل على انكم على اعلى مستوى من التربية
وبغض النظر عن الحوار على إيه فـأنا كان لازم اقوول شكرا
السبورتاج زادها شرف إن واحد محترم زي اقتناها
وال قشقاي زادت شرف إن واحد محترم دا فع عنها

وال رأي بتاعي
السبورتج عربية محترمة جدا
أنا جبت بيها 180 وكنت بجري مع شيروكو وميني كوبر (أكيد ماكانش اخرهم)
عيوبها سحب بنزين اعلى من المتوسط
بنزين 95, مفيش زنون
مميزات القاشقاي
115 حصان كفاية ل داخل المدينة
السقف بصراحة عجبني إنه مش بيتفتح
الزنون
تقبلوا مروري

[محمد بدر]

استاذ /أحمد
أشكرك على مجاملتك الرقيقة
بالنسبة لموضوع البنزين انا استخدمت بنزين 92 ولم اشعر بأى فر ق يذكر ولذلك استمريت عليه حتى الآن
وبعدين موضوع الأستهلاك انا كتبت عليه أكثر من مرة ولاكن لك تجربتى الأخيرة
فولت السيارة يوم الجمعة الماضية (لقاء كيا فى الرحاب) وانتقلت من السويس إلى الرحاب والعوده
يوم السبت من السويس إلى مصر الجديدة (روكسى) والعوده
وحتى هذه اللحظة بسم الله ما شاء لم أذهب لمحطة بنزين وما زال العداد فى الربع (تحت طبعا) والكيلو متر المستهلك 510 كم فما تعليقك - نسيت أقول لك لم أفصل التكييف بتاتا و متوسط السرعة 120كم

[Hosam_Optrawy]

ياريت يا حسام باشا تجيبلنا فعلا الارقام لأنى اول واحد عاوز يعرف

اللى اعرفه ان السبورتاج السنه دى فى اول 7 شهور باعت 2096 عربيه , ترتيبها ال 12 فى الاجمالى وطبعا الاولى فى فئتها

القاشقاى مش لاقى رقمها دلوقتى هاتأكد واقولك :)

[علاء محمد]

هى سبوتاج اكتر انتشار بس قشقاى احسن واقوى

[Mohyeldin1974]

اعتقد ابتدى يبان انتشار السبورتاج اكتر اليومين اللى فاتو فى مصر

[khaled_legend]

السبورتاج

[TAMERMEGAHED]

هو طبعا سبورتاج لتصميمها الرائع ولكن قاشقاى سياره مظلومه ككثير من السيارات اليابانى

ــــــــــــــــــــــــــــــــــــــــــــــــــ ــــــ

[SAMEH_FOUAD]

طبعا ال sportage منشرة اكتر بكتيييييييييييييييييييييييييييييييييييييير

[Mohamed said]

انا من رايى ان العربيتين كويسين من وجهة نظر اصحابها اللى اشتروها و هو ده المهم ان الاتنين مفيهومش مشاكل. و من وجهة نظرى ان اللى بيقرر يجيب العربيه دى او دى يكون مستريحلها شخصيا و نفسه يركبها (ميال ليها اكتر يعنى). يعنى فى الاخر انت ضامن انك تركب عربيه كويسه(اى واحده فيهم) و فى نفس الوقت اللى انت مبسوط بيها لانى بشوف ان ساعات بتكون العربيه mode (حاله) عشان متكرهش السواقه. و يبقى الحكم الاخير لك.

[haygen]

والله كل يوم عن الثانى يزيد أعجابى وثقتى بالسبورتاج وبمنتهى الأمانة والشفافية هى تعتبر صفقة رابحة لأى شخص يريد اقتناء سيارة محترمة بمعنى الكلمة والناس التى تريد التشكيك فى الخامات أحب أقول لهم لألألأ والله الخامات بسم الله ما شاء الله محترمة ولاتقل عن أي سيارة فى نفس الفئة بل من وجهة نظرى ومن خلال مقارنتى انا شايف مثل كثرين أخرين سواء خامات أوتقفيل مفيش أى ملاحظات تذكر

علي الرغم من اني راكب كيا " سيراتو " وشايف العربية كتير بس ليا ملاحظات علي العربية

1- حضرتك انا مش عاجبني شكل العربية من ورا تحس انها ملمومه او مضغوطه "وجهة نظر لما بشوف العربية من ورا قدامي في الطريق او في اي مكان"

2- تاني حاجة الإشارات الموجوده في الإكصدام الخلفي شكلها مش عاطفي نهائي .. اي حد هيريح عليك هيكسرهم فورا .. وعلي فكره فيه اكتر من مالك للسبورتاج حصله نفس موضوع كسر الإشارات الخلفية

3- قبل التفكير في اي سياره في هذه الفئة السعرية اللي هتكلم عليها في النقطة التالية .. نقطة قطع الغيار مش الصيانات لأ .. فانوس او مراية او اكصدام .. السيارة غير معصومه من اي حوادث خفيفه وادعوا الله لكل مالك لأي سياره ان ربنا يبعدنا عن الحوادث قدر المستطاع .. اسأل حضرتك سعر الفانوس او الشبكة الأمامية كام في التوكيل وبعد كده حضرتك رد عليا وشوف هتستغرب من السعر ولا لأ .. مقارب لفانوس عربية ألماني بل يزيد عنه وهكذا .

3- موضوع الإنتشار خلاص اعتقد ما بقاش زي الأول سيادتك الكلام ده لما العربية كانت بتبدأ من 175 الف واعلي فئة 214 الف

لكن دلوئتي عشان اروح اجيب العربية ب 260 الف حرااااااااااااااااااام "ما تقوليش استني 7 شهور للإستلام دا عذاب والسعر برضه 230 الف بالإنتظار" هوا انا راكب ألماني !

السعر اللي السبورتاج بتتباع بيه ده اركب بيه ألماني او أزود شوية وأركب بيمر

ويكفيني وقتها فخر العلامة الألمانية .. ليها برستيج تاني خالص

يرجي تقبل وجهة نظري بصدر رحب


وأولا وأخيرا اتمني ان ربنا يباركلك فيها ويبارك لكل ملاكها ويحفظك ويحفظنا من العين .. اللهم آمين

خالص تحياتي لك

[zicooo2008]

السبورتاج كنت فى اسكندرية و طوال منا ماشى على الطريق الصحرواى بس الله مشاء الله كانت كتيرة حتى وانا بفول من على الصحراوى كانت واحدة سبورت مراقبانى هههههههههههههههه

[Batman372]

- قبل التفكير في اي سياره في هذه الفئة السعرية اللي هتكلم عليها في النقطة التالية .. نقطة قطع الغيار مش الصيانات لأ .. فانوس او مراية او اكصدام .. السيارة غير معصومه من اي حوادث خفيفه وادعوا الله لكل مالك لأي سياره ان ربنا يبعدنا عن الحوادث قدر المستطاع .. اسأل حضرتك سعر الفانوس او الشبكة الأمامية كام في التوكيل وبعد كده حضرتك رد عليا وشوف هتستغرب من السعر ولا لأ .. مقارب لفانوس عربية ألماني بل يزيد عنه وهكذا .

- موضوع الإنتشار خلاص اعتقد ما بقاش زي الأول سيادتك الكلام ده لما العربية كانت بتبدأ من 175 الف واعلي فئة 214 الف

لكن دلوئتي عشان اروح اجيب العربية ب 260 الف حرااااااااااااااااااام "ما تقوليش استني 7 شهور للإستلام دا عذاب والسعر برضه 230 الف بالإنتظار" هوا انا راكب ألماني !

السعر اللي السبورتاج بتتباع بيه ده اركب بيه ألماني او أزود شوية وأركب بيمر

ويكفيني وقتها فخر العلامة الألمانية .. ليها برستيج تاني خالص

يرجي تقبل وجهة نظري بصدر رحب

وأولا وأخيرا اتمني ان ربنا يباركلك فيها ويبارك لكل ملاكها ويحفظك ويحفظنا من العين .. اللهم آمين

خالص تحياتي لك

+++ 111
اضم راى لراى حضرتك ...
انت اليوم ب 260 الف تجيب مستريح c200 مو 2009 عامله رنج 70 الف كم و حالتهافابريقه و اسمك فى النهايه راكب مرسيدس ...
و عند اللزوم لو عايز تقدر تطلع من اى عربيه لان موتورها 185 حصان/250 نيوتن عزم ... جامد يعنى :)
تحياتى ...

[M I D O]

سبورتاج منتشرة اكتر