اتصدمت في مشرتي كيا ريو الجديده 2013

[ahmed salah90]

انا فتحت موقع كونتاكت كارز قولت اشوف حته ريو 2006 و استغربت من كميه السيارات كيا ريو 2013 معروضه للبيع كميه كبيره فعلا مجرد سؤال هي السياره فيها عيب ولا ايه ولا الناس اللي اشترتها اتصدمت فيها

[aliabdo]

للموضعيه مش اكتر حتلاقى عربيات كتير من موديلات كتير موديل السنه للبيع

[M I D O]

هية حاجة غريبة فعلا .. ممكن بسبب موضوع البنزين

[amrelsaqqa]

مش شرط ، وممكن كتر البيع انعكاس لنسبة الانتشار العالية ، عادي يعنى
يعنى لو العربيات عموما بتتباع بنسبة مثلا 12% في اول سنة
لو الريو عملت مبيعات كتير اوى ، الـ 12% بتوعها هيبقوا كتير وهتشوفها كتير في السوق بتتباع
الانتشار مفهوم كامل ، في الشارع في السوق ، في البيع ، في كل حاجة ..

طبعا انا مش بأكد انها انتشرت بما فيه الكفاية او ان النسبة طبيعية بس ده توضيح مش اكتر

[Deshahcoka]

عشان العربية نتشرة قوي بس مش اكتر و في ناس اشترتيها بالرخيص و السعر ارتفع فعاوزة تركب ببلاش :) شعب مصري طفس بطبيعتة ... :) عههههههههه مع احترامي للجميع

[Land_Cruiser]

هو علشان نبقي موضوعيين في الحكم لازم يبقي معروف هي اتباع منها قد ايه من التوكيل او خليجي و كام واحده منها اتعرضت للبيع بعد كده لان الموضوع نسبه و تناسب

[S O P H O S]

انا لاحظت الموضوع ده
ولكن ليه منقلش ان ده بسبب نجاح العربية
وارتفاع نسبة المبيعات فسنتين ؟

[mohamed hussei]

عادي يا باشا ممكن معارض او ممكن ناس مثل اشتروها قبل غلي الاسعار ومش بيمشي بيها كتير فا لو بعها هيكسب فيها 10 الف جنية هيبيع ولة لا وبعد كدة يشتري اي حاجة تانية

[Mohab.Nabil]

عادي يا باشا ممكن معارض او ممكن ناس مثل اشتروها قبل غلي الاسعار ومش بيمشي بيها كتير فا لو بعها هيكسب فيها 10 الف جنية هيبيع ولة لا وبعد كدة يشتري اي حاجة تانية

طيب ما هو لما يجى يشترى هيشترى بالغالى برضه ؟

[Deshahcoka]

طيب ما هو لما يجى يشترى هيشترى بالغالى برضه ؟

في ناس مش بتحسبها كدة في ناس تحسبها انوا يكسب 10 الف و ركب زيوا يقوم جايب حاجة تانية رخيصة :)

عارف زي فكرة البيجوا زمان لما الناس كانت تبيعها مستعملة اغلى ممن جابتها زيوا :) زي السبروتاج دلوقتي و العربيات الي باستلام فوري :)

[2CODE]

في ناس مش بتحسبها كدة في ناس تحسبها انوا يكسب 10 الف و ركب زيوا يقوم جايب حاجة تانية رخيصة :)

عارف زي فكرة البيجوا زمان لما الناس كانت تبيعها مستعملة اغلى ممن جابتها زيوا :) زي السبروتاج دلوقتي و العربيات الي باستلام فوري :)

كلام سليم برضه
وبصراحة العربية عملت نقلة نوعية في كيا اساساً واثبتت وجودها بسرعه وازدياد البيع والشراء بيدل على انتشار وحجم مبيعات السيارة

كلنا معانا الريو هنا و 10\10 صفقة رابحة جداً انا اشتريتها ايام ما كانت بـ122 الف

ثم ان احنا منعرفش يمكن دي معارض بتبيع ويمكن دي كونتاكت كارز نفسهم عايزين يزودوا المعروض بتكرار العربيات مش اكتر - دي حركات تسويقية بحت لموقع زي ده

[Mohab555]

ياباشا الموضوع راجع لسرعه انتشار العربيه و انها سحبت البساط من عربيات كتير فى الفئه دى و الاقبال على العربيه و الحجز وصل ل 6 شهور للهاى لاين و خلى سعرها زاد 22 الف للهاى لاين مره واحده !! فخلى كل الى اشتراها ايام الرخص عاوز يبعها علشان يكسب بالميت 10 الف جنية مثلا .... ادخل على الالنترا مثلا شوف كميات الالنترا موديل 2013 الى بتتباع !! هل معنى كده العربيه فيها حاجة لا طبعا العربيه عامله مبيعات عالية علشان كده نسبه المعروض منها مستعمل كبيره بالتناسب ...