شاشة تاتش فى الكيا الريو

[الجنرال]

السلام عليكم ورحمة الله يا شباب كيا

وانا بدور فى الانترنت لقيت ان الكيا ريو بتنزل بره بشاشه مقاس 8 بوصة زي الصورة دي كده


Image: 2013 Kia Rio 5dr HB Auto SX Audio System, size: 1024 x 768, type: gif, posted on: September 10, 2012, 11:53 pm - The Car Connection


بصراحة عاجباني قوي خصوصا انها تاتش سكرين وممكن يتعمل منها كل حاجة انا عايزها

1- اجيبها منين وازاي؟؟ ولو هجيبها من بره ازاي اعرف انها الاصلية بتاعت كيا نفسها؟
2- انا هركبها على عربيتي (مانيوال) هل ممكن كمبيوتر العربية مينفعش يتركب عليه شاشة كده؟ هل ممكن البلوتوث مثلا ميشتغلش؟ هل ممكن الوصلات متبقاش هتنفع مع الشاشة؟؟
3- مين فى مصر بيفهم في الحاجات دي وبيعرف يركبها؟؟

وشكرا

[big big]

اربكم الي في مدينة نصر كان جايبها مش عارف ب 3500 او 4000 ج حاجة كده

[الجنرال]

فين اربكوم ده؟ ممكن لو ليه موقع على الانترنت لو سمحت

[الجنرال]

عرفت العنوان بتاعه من على الانترنت .. هل في حد تانى بيبيعها فى مصر وتكون ارخص شوية؟؟ انا شفتها بره باسعار ارخص شوية .. ممكن اجيبها من بره وحد هنا فى مصر يركبها؟

[horas3000]

شوف دول كده يا باشا

https://www.facebook.com/inaccessories.egypt?ref=profile

[الجنرال]

حلو قوي ز. كلمتهم امبارح وان شاء الله هروحلهم قريب .. حد يعرف حد تانى؟؟ علشان لسه الاسعار غالية شوية بصراحة (لقيتهم عندهم بحوالي 2900 جنيه بس بيقولي تعالي وفيه خصم تانى .. مش متوقع انه يبقى كبير

[horas3000]

طب كويس
خليك معانا بقي و وافنا باخر الاخبار

[الجنرال]

ان شاء الله اكيد .. يارب الاقيها ارخص شوية

[horas3000]

من خبرتي الضئيله في المجال ده
اقل من كده انت بتتكلم في كواليتي ضايعه

[Mohab555]

لقيته ب 2800 فى الهرم .... بس المشكلة انوا صينى والى عند اربكوم برده نفس الكلام

[الجنرال]

بس حسب ما انا فاهم من شركة in accessories انه الاصلي بتاع العربية

حكاية انه صيني دي هتخليني اقلق بصراحة .. ايه رأيكو؟

[MoH.SaLaDiN]

ياريت لو يكون متوفر بسعر اقل من كده عشان اعرف اركبه فى التوكيل عشان الضمان

[cahmeda911]

السلام عليكم ورحمة الله
ان على فكرة بدور على ال DVD للكيا ريو من اول ما اشتريت العربية من سنة تقريبا
وعندى خبرة معقولة فى الموضوع دة انا دورت كتير على النت لدرجة انى راسلت ناس فى الصين شركات معروفة ولها اسمها بتصنعة واحسن سعر وصلت لة بمواصفات معقولة جدا 180 دولار هو الصراحة كان فى ارخص من كدة بس دة كان مواصفات معقولة والشحن هيتكلف حوالى 150 دولار ولازم تحول الفلوس طبعا للصين كاملة علشان يعبروك ويبعتولك الجهاز يعنى بالمصرى حوالى 2300 جنية ولازم تعملهم الحوالة عن طريق البنك او الويسترن يونيون المهم فى ناس خوفتنى من الموضوع دة مش علشان ان هما ممكن ياخدو الفلوس و نشكركم على حسن التعامل معنا لا الفكرة ان هنا فى مصر ممكن شركة الشحن federal express او DHL الاجهزة اللى بتتشحن عن طريقها بتتجمرك
خلاصة الكلام انا كنت من اسبوع معزوم على فرح فى المحلة شفت محل اكسسوار عربيات كان جنب المكان اللى كنت قاعد فية دخلت اتفرج لقيت ان المحل عندة كل حاجة من الابرة للصاروخ ولقيته عارض جهاز ال DVD بتاع الكيا ريو وبكام كان ب 2250 جنية وفية ال GPS وبيشغل المالتى فانكشن اللى بالعربية بس السعر من غير تركيب وصناعة صينى
وعلى فكرة كل الاجهزة اللى فى مصر صناعة صينى وضمان سنة
وحاجة كمان انا كان معايا جهاز لليارس كان تايوانى بس كنت جايبة من دبى كان ممتاز جدا بس عيب الاجهزة دى فى رايي الشخصى ان الظهر والشمس ضاربة فى التابلو مش هتكون شايف حاجة تقريبا فى الجهاز
ارجو ان يكون هناك من استفاد مع العلم ان دى اول مشاركة لى
وشكرا

[horas3000]

بص يا زعيم
اللي اقدر اقول لك ان بتاع شركه in هو اضمن حاجه حاليا
انا وصلت لمعلومه مهمه عن الشركه دي عن طريق قريب ليا بس هو حلفني 100 يمين اني مجبش سيره لمخلوق
بس من الاخر المنتج بتاعهم مش هتعرف تفرقه عن الاصلي
و كان بودي اقول اكتر من كده بس مش هقدر
و انا كلمتهم و لسه هيشوفوا لي هيعرفوا يجيبوا بتاع الباجيرو و ال i10 ولا لا لانهم مش بيجبوه حاليا

[الجنرال]

السلام عليكم ورحمة الله
ان على فكرة بدور على ال dvd للكيا ريو من اول ما اشتريت العربية من سنة تقريبا
وعندى خبرة معقولة فى الموضوع دة انا دورت كتير على النت لدرجة انى راسلت ناس فى الصين شركات معروفة ولها اسمها بتصنعة واحسن سعر وصلت لة بمواصفات معقولة جدا 180 دولار هو الصراحة كان فى ارخص من كدة بس دة كان مواصفات معقولة والشحن هيتكلف حوالى 150 دولار ولازم تحول الفلوس طبعا للصين كاملة علشان يعبروك ويبعتولك الجهاز يعنى بالمصرى حوالى 2300 جنية ولازم تعملهم الحوالة عن طريق البنك او الويسترن يونيون المهم فى ناس خوفتنى من الموضوع دة مش علشان ان هما ممكن ياخدو الفلوس و نشكركم على حسن التعامل معنا لا الفكرة ان هنا فى مصر ممكن شركة الشحن federal express او dhl الاجهزة اللى بتتشحن عن طريقها بتتجمرك
خلاصة الكلام انا كنت من اسبوع معزوم على فرح فى المحلة شفت محل اكسسوار عربيات كان جنب المكان اللى كنت قاعد فية دخلت اتفرج لقيت ان المحل عندة كل حاجة من الابرة للصاروخ ولقيته عارض جهاز ال dvd بتاع الكيا ريو وبكام كان ب 2250 جنية وفية ال gps وبيشغل المالتى فانكشن اللى بالعربية بس السعر من غير تركيب وصناعة صينى
وعلى فكرة كل الاجهزة اللى فى مصر صناعة صينى وضمان سنة
وحاجة كمان انا كان معايا جهاز لليارس كان تايوانى بس كنت جايبة من دبى كان ممتاز جدا بس عيب الاجهزة دى فى رايي الشخصى ان الظهر والشمس ضاربة فى التابلو مش هتكون شايف حاجة تقريبا فى الجهاز
ارجو ان يكون هناك من استفاد مع العلم ان دى اول مشاركة لى
وشكرا

باشا .. تسلم على المعلومات والخبرة الجامدة دي

انا فعليا بدأت ادور على الشاشة التاتش دي فى الصين ولقيت الاسعار بداية من 400 دولار .. وده بيجي معاه الكاميرا الخلفية هدية كمان

الفكرة ان انا اعرف حد مسافر الصين وراجع على طول .. وهطلب منه يجيبلي الشاشة دي .. لكن المشكلة بالنسبة لي انى عايز اجيب الاصلي علشان مش ناقص اجيب حاجة مضروبة وتبوظ على طول .. خصوصا ان الشاشة تاتش .. وانها بتشتغل بويندوز وبالتالي مشاكلها كتير

وفي نفس الوقت عايز اوصل لحاجة رخيصة

مشكتلي فعلا انى مش عارف افرق بين الاصلي والمضروب .. ومش عارف اعمل ايه

عموما ياريت لو تقدر تقولي فين اقدر الاقي الشركات دي يبقى ربنا يكرمك .. وازاي نعرف الاصلي من المضروب