الكيا فى مصر(لمالكى السيراتو)

[naguib2005]

هل الكيا فى مصر ممكن نسمع انها ممكن تنقرض او ما عدتش تنزل بسبب مشاكل بين الوكلاء و لا الوكيل فى مصؤ اموره مستقره
هل الكيا من العربيات اللى قطع غيارها متوفرة
ما هو سر عدم انتشار السيراتو هل مشاكل فى الوكيل و لا فى العربية نفسها
هل السيراتو انتاجها هيتوقف علما انا رايح اشترى 2009 ان شاء الله و كانو بيقولو انها هتستبدل بالفورتى و بالرغم من كدهنزلت 2009
بامانه كده هل العربية فيها كل الهواجس الى انا بتكلم فيها او فى ريسك من شرائها ساعدونى لانى ناوى اشتريها انهاردة او بكرة ان شاء الله و بالتفصيل الممل جزاكم الله خيرا

[hanystar]

- لا توجد مشاكل مع الوكلاء حاليا - توكيل كيا مستقر حاليا مع محمد نصير eit
- بالنسبة لقطع الغيار متوفرة بالتوكيل
- بالنسبة لإنتاج السيراتو فأعتقد أن اخره 2009
- السيراتو عربية محترمة وثابتة وواسعة ولا يوجد أى risk من شرائها بالعكس فهو قرار صائب .

[Abohmaid]

نجيب باشا
هارد عليك فى النقط اللى اعرفها بس وان شاء الله اكيد الاخوة فى المنتدى هايردوا عليها

نقطة التوكيل دى اتحلت تماما ومافيش المشاكل بتاعة زمان والتوكيل دلوقتى هوة ُُeit وهوة توكيل محترم جدا ومركز الصيانة الرئيسى فى ابورواش

بالنسبة لعدم انتشار العربية بشكل كبير لا يعود لسبب ما فى العربية لانها لحد دلوقتى معايا بقالها 5 شهور وعامل بيها حوالى 7500 كيلو والعربية الحمد لله مايهاش مشاكل ومكوناتها ممتازة وكمان اعتقد انها ابتدت بالانتشار واللى هايساعد على كدة انها هاتنزل بنفس الشكل فى 2009

بالنسبة للفورتى ففى موضوع فى المنتدى بيقول ان الفورتى حاجة والسيراتو حاجة تانية

ارجو ان اكون قد افادتك وربنا يوفقك للاختيار الصحيح ان شاء الله

[enas75]

ألفورتي فعلا حتنزل والسيراتو اخرها 2009 بس الفورتي حتنزل امريكا علي اخر 2009 وعقبال ماتنزل مصر حتكون في 2010 او اول 2011 يعني لسة بدري اوي عليها السيراتو ممتازة والكيا شركة محترمة وربنا يوفقك

[ethan82]

التوكيل محترم
العربية ممتازة بالنسبة لسعرها
بدأت في الأنتشار فعلا
وأعتقد أخدت سمعه كويسه في السوق

مفيش حاجه تقلق منها.

[abouwesam]

واضح ان انا الوحيد صاحب التجربة السيئة مع السيراتو لأن عفشة عربيتى بتخبط الصبح و بعدين الصوت يبتدى يقل مع الوقت. و بعدين نكرر نفس القصة تانى يوم و هكدا.
وماتقوليش كلهم كام دقيقة و الصوت يخف لأن من بيتنا للشغل 10 دقايق بالأضافة الى ان الواحد بيشترى عربيه جديده غلشان يتبسط مش علشان دمه يتحرق.

[shady05]

العربية اكثر من ممتازة خصوصا فى ثباتها على الطريق و قوة موتورها
بالنسبة للتوكيل لا تقلق , التوكيل الجديد محترم و قطع الغيار متوفرة
توكل على الله فها افضل سيارة فى فئتها مقرنتا بسعرها

[ethan82]

واضح ان انا الوحيد صاحب التجربة السيئة مع السيراتو لأن عفشة عربيتى بتخبط الصبح و بعدين الصوت يبتدى يقل مع الوقت. و بعدين نكرر نفس القصة تانى يوم و هكدا.


وماتقوليش كلهم كام دقيقة و الصوت يخف لأن من بيتنا للشغل 10 دقايق بالأضافة الى ان الواحد بيشترى عربيه جديده غلشان يتبسط مش علشان دمه يتحرق.

مش الوحيد انا كمان العفشة بتخبط عندي فعلا بالزات الصبح . وشوية حاجات تانية . لكن الواحد بيقول ان عربية كويسه بالنسبة لسعرها.