السيفياويه

[gaballa1971]

اعتذار لماكس باشا

اسفين ماكس باشا بس فعلا انا جديد على السيفيا ومش كنت اعرف بكام وياريت تقولى انت جبتوا بكام لأنى عندى دراع النور ده بيعلق ومش عارف هو عايز ظبط ولا تغيير
اعزرنى انا فعلا مش عارف الأسعار وانت تستحملنى شوية
الف شكر يا باشا
اخوك محمد من الزقازيق

[karimbow1]

كويس ان السيفياوية يتناقشوا بس انا مشفتش ولا واحد من اللي معاهم سيفيا 1 ، انا بقول كده لاني معايا 96 هي كويسه بس قطع غيارها ساعات بتجنني ومش بلاقيها بسهوله فياريت حد يدلني على حد بتاع قطع غيار من الآخر لان حتى حلمي سليمان ساعات مش بلاقي عنده الحاجه اللي عايزها ، آخرها كان بطاحة المساعد الأمامي.
كمان انا ركبت سيفيا 2 لاقيت فتيسها ناعم قوي غير اللي عندي فياريت حد يفيدني ويقولي هل فتيس 1 تقيل شوية عن 2 ولا فيه مشكله عندي ولو عايز اروح للميكانيكي اقله يبص على إيه في الفتيس لاني رحت للميكانيكي وقال لي ان الفتيس كويس مفيهوش حاجة

[EZABY]

جرب تسال عند الجندي اللي في دمشق
غالبا هتلاقي كل حاجه عنده

[max_ziro]

موضوع الفتيش الخشن دة تقصد بية اية الغيارات خشنة و سعات مبتخشش المارشدير بيعصل كدة يعنى ولا تقصد اية اصل كان عندى الظواهر دى و طلعت فبرة العصاية و دى حاجة سهلة جداااا ..

[max_ziro]

ب النسبة لموضوع دراع النور دة الحق ركب كتاوت جرى
نفس الموصوع دة حصل معايا الاول الفيوز اتحرق قولت عادى و غيرتة و بعدين الدراع اتحرق قولت الحمد لله و هو عموما الغويشة بتاعت النور تتراوح من بين 100 ل 200 على حسب المكان و شطارتك و الى بيبيع
و ربنا معاك

[KIA_SEPHIA_2001_K]

على فكره انا رايح التوكيل يوم الحد ي اجماعه للى عاوز يجى هعمل صيانه لو عاوز تيجى يا ماكس كلمنى

[fayed_fikry]

مشكورين ياجماعة على الموضوع الجميل ده

[fayed_fikry]

ماكس باشا مساء الفل
معلش عندى سؤال احسن انا لسه جديد فى العربيات الأتوماتيك عندى لمبة o/D بعد ما ادور العربية وامشى بتفضل تولع وتطفى يعنى بتعمل flashing ايه العمل والمشكلة فين ياريت بسرعة تقولى احسن مش عارف امشى عليها ولا اعمل ايه
وشكرا يا باشا على كل ما تقدمه

بس يا باشا العيب ده بسبب سوكيت كابل العداد و السرعة انت خلى الكهربائى او الميكانيكى يفكو و ينضفو وان شاء الله هتروح على طول و اخبار الكيك دون معاك ايه ؟؟

[max_ziro]

اية يا شباب ااختفيتوا لية؟؟

[gaballa1971]

الحمد لله تم حل المشكلة زى ما قال اخويا ماكس بالتنظيف بالأسبراى وكله تمام
بس انا اسف مش فاهم يعنى ايه كيك دون معلش اعزرونى فى السؤال
ياريت حد يفهمنى معناها
وشكرا لكم جميعا"

[sakr122]

انا جايب سيفيا 2002 من حوالي شهر وبصراحة العربية فوق الممتازه هو انا صحيح كنت راكب الاول 128 والفرق رهيب لكن انا برضه ركبي عربيات تانيه كتير وبصراحة السيفيا عاجباني جدا
لكن يا ريت يا عم ماكس بما انك خبير كده اقدر اقابلك لأني بصراحة عاوزك تجرب عربيتي وتقولي ايه رأيك فيها ولو في حاجه ناقصاها او المفروض اني اعملها فيها
طبعا ده لو عندك وقت
والف شكر على كل المعلومات الجامده دي
وانا مع فكرة تجمع السيفياويه دي جدا ويا ريت فعلا نعمل مقابله جماعية ونشوف عربيات بعض واللي عنده اي معلومات يقولها للباقيين
اسف على الإطالة

[max_ziro]

يا باشا انا فى الخدمة فى اى وقت و افضالك ولله و مبروك عليك العربية و ربنا يحميهالك و يديك خيرها و يكفيك شرها ...دة الميل بتاعى هتشرف ب اضافتك لى و نتناقش ف كل الى عايزينة
max_ziro@hotmail.com

[max_ziro]

الحمد لله تم حل المشكلة زى ما قال اخويا ماكس بالتنظيف بالأسبراى وكله تمام
بس انا اسف مش فاهم يعنى ايه كيك دون معلش اعزرونى فى السؤال
ياريت حد يفهمنى معناها
وشكرا لكم جميعا"

الحمد لله انها اتظبتت و انا فى خدمتك يا باشا انى تايم
الكيك داون دة ب العربى المفاجئ بتاع الفتيس يعنى لما بتجيب الدواسة للاخر و بعدين العربية تعلى و تمسك فى غيار و تسحب جامد ..
انا فى الخدمة يا باشا ..

[mando_07]

طب يا جماعة أنا كان ليا استفسار صغير لو أنا قلتلكوا تقيموا العربية دي من ناحية الاستحمل والاعتمادية (قلة الاعطال) والرفاهية تدوها كام من ١٠ أنا كنت سئلت max_ziro وقالي ٨٫٥ بس أنا قلت أعرف بقيت ريئكوا للافادة ويا ريت اللي شايف في العربية أي عب معين يقولوا وشكراً على تعاونكوا عشان أنا بحب العربية دي وحاسس أنها وخدة أقل من حقها

[max_ziro]

يا باشا انا اديتها 8.5 و طبعا نفسى اديلك 10 بس لو اديتك 10 ادى اية للاوبل مثلا ؟؟
و هقول لحضرتك كلام من الاخر دى احسن عربية فى الرنج الى معاك سواء اعتمادية تحمل اداء توافر قطع غيار و كل حاجة ممكن تخطر على بالك ...
ربنا يوفقك و تنتقل من مرحلة التفكير و الحيرة الى مرحلة ملاك السيفيا ..