نيو سيراتو هاى لاين تسليم فى شهر 9

[TeMoON]

انهردة اتصلت ب ناشيونال موتورز اسأل عن النيو سيراتو الهاى لاين فا كلمت موظف المبيعات اطمن ان معاد التسليم على 15/8 زى ما قال الاقى البية بيقولى 10/9 والائية بيقولى ما تاخد ex وواضح ان العربية متوفرة عندة وبيدلل عليها فا بجد توكيل زبالة وموزعين زبالة وشكرة كلها زبالة فى زبالة فى عدم الالتزام بالكلمة مع العلم ان شهر سبتمبر هيشد شهر اكتوبر مع العم انى حاجز من اول ابريل فا بجد تغور العربية دى بتوكيلها ب موزعينها بشركتها بكل حاجة فيها وحسبى الله ونعمة الوكيل فى دا توكيل من موظفين وادارة

[hossam_elwani]

وما زالت لعبة الاوفر بريس مستمرة!!!!!!!!!!!

[TeMoON]

وما زالت لعبة الاوفر بريس مستمرة!!!!!!!!!!!

ودا الاضح فعلا انها لعبة الاوفر برايس بس بجد انا كرهت الشركة دى وفعلا كد هرجع لفكرة ان الكورى هيفضل طول عمرة زبالة وان اليابانى والالمانى برقبتة بس بجد حرقة دم صعبة بعد طول الانتظار لعربية ما تستاهلش كل البروباجندا المعمولة عليها وفى الاخر استنى عربية كل اللعب الى فيها اوفر برايس دا الواحد لو بيستنى عربية محترمة شوية كنا قولنا اوك انما طلعت ولا نزلت صنعت فى كوريا واتمنى من كل شخص بالمنتدى مايديش للعربية اكتر من حقها مهما كانت العربية كويسة

[M.Mekawy]

ودا الاضح فعلا انها لعبة الاوفر برايس بس بجد انا كرهت الشركة دى وفعلا كد هرجع لفكرة ان الكورى هيفضل طول عمرة زبالة وان اليابانى والالمانى برقبتة بس بجد حرقة دم صعبة بعد طول الانتظار لعربية ما تستاهلش كل البروباجندا المعمولة عليها وفى الاخر استنى عربية كل اللعب الى فيها اوفر برايس دا الواحد لو بيستنى عربية محترمة شوية كنا قولنا اوك انما طلعت ولا نزلت صنعت فى كوريا واتمنى من كل شخص بالمنتدى مايديش للعربية اكتر من حقها مهما كانت العربية كويسة

اوباا , يا باشا انا مقدر نرفزتك , بس ارجع و اقول العيب مش فى العربية العيب فى ادارة المبيعات

[TeMoON]

هى كدا خلاص عاطل فى باطل اصلها بردو مش هى العربية الى الناس تطلع بها السما هى عربية فئة متوسطة مش الهاى ولا اللو يعنى عربية عادية جدا بس النقطة كلها انها نزلت بكماليات رفعت من شأنها ومش هنكر انها عربية كويسة على اد فلوسها مع انى شايف ان سعرها غالى شوية بس الحياة حلوه بس مش انا الى هستنى عربية 4 شهور وكمان توصل ل 6 شهور دا لو انا مستنى مرسيدس او بى ام هيسلمونى فى نص الوقت دا وبالعكس كمان توكيل كيا كدا بيخسر عميل كان هينفعهم لان مكسب الوكيل فى ان عربياتة تنتشر من اجل الصيانة وقطع الغيار انما انا وغيرى غيرى وغيرى نفضنا للعربية هو الى بيكون خسران والشركات التانية الى هنشترى عربيتها هى الكسبانة

[a7mednour]

حسبي الله ونعم الوكيل ... ربنا يكون في عونك يا احمد بجد ... انا والله حاسس بيك ... بجد بجد الواحد قرف من انعدام الضمير والجشع ... بس هنعمل ايه ... ربنا ينتقم من كل ظالم ... عموما حبيبي ما تضايقش نفسك وهدي اعصابك وفكر بهدوء وان شاء الله ربنا هيسرلك الخير ...

على فكرة انا احتمال في حوالي كم اسبوع اجيب الهاي لاين الخليجي على اسوء الظروف يعني لأن والدي وصل ومحتاج عربية ضروري ...

فكنت عاوز اشوف رأيك فيها ... ولو كنت لسة حاببها ممكن نجيب سوا اتنين خليجي ...

او نشوف موضوع استيرادها من الخارج ... ولا خلاص ...
الموضوع باء بالفشل ؟؟؟

عموما ربنا ييسر الخير لك وللجميع ..

تقبل تحياتي ...

[GasDealer]

حسبي الله ونعم الوكيل فى التوكيل .............

[de3bis]

تيمون اصبر شوية كمان ما هو مش معقول نستنى 4 شهور و بعدين نسحب فلوسنا او نشترى بأوفر برايس المفروض نهدى بعض يا جماعة و ان كنت مش متفائل زيك بالضبط لكن لازم استنى 15 اغسطس لما نشوف اللى ح يحصل

[GasDealer]

تيمون اصبر شوية كمان ما هو مش معقول نستنى 4 شهور و بعدين نسحب فلوسنا او نشترى بأوفر برايس المفروض نهدى بعض يا جماعة و ان كنت مش متفائل زيك بالضبط لكن لازم استنى 15 اغسطس لما نشوف اللى ح يحصل

اشمعنى 15 اغسطس ؟؟ انا قالولى اخر اغسطس ... انا حاجز من توكيل كيا داون تاون cerato sx 4/5

[sabry192]

طول مالناس هتموت علي العربية كده رغم انها متواضعة فالأوفر برايس مستمر وتأجيل الاستلام مستمر ,,, في النهاية هي عربية وخلاص ! راحت جت هي كوري ... وسعرها غالي بسبب الطوابير ... اللي احنا واخدين عليها حتي في سلعة ثمنها اكتر من 100 الف جنية

[TeMoON]

طول مالناس هتموت علي العربية كده رغم انها متواضعة فالأوفر برايس مستمر وتأجيل الاستلام مستمر ,,, في النهاية هي عربية وخلاص ! راحت جت هي كوري ... وسعرها غالي بسبب الطوابير ... اللي احنا واخدين عليها حتي في سلعة ثمنها اكتر من 100 الف جنية

فى دى انا معاك لان بجد هى اتعملها بروبجاندا زيادة عن اللزوم وطبعا جشع التجار وادارة المبيعات فوق كل شيئ وكلة على مصلحة المشترى او الزبون فا طبيعى جدا ان طول ما العربية عليها اقبال لازم يكون هناك اوفر برايس ويكون هناك استغلال للفرصة دى وكلة فى الاخر بيدور على مصلحتة وفى الاول وفى الاخر طلعت ولا نزلت made in korea والتوكيل هو الى خسران لانها فى الاول وفى الاخر مجرد عربية لان بسعرها ازود شوية واركب انضف منها واركب عربيه احسن واقوى وافضل منها بس احنا كدا نحب الى يتعبنا ويبهدلنا ونجرى وراه

[MohabSaeed]

حضرتك انا لو مكانك ... حسحب فلوس الحجز و ازود شوبه .. و اجيب فورد فوكاس .. فيات برافو ... سيات ليون ... و مقبلش الالبتزاز ده .
الفوكاس و البرافو بيبدأو من 135 الف و الاتنين الاوتو .