يانهار اسود على النيو سيراتو الكوبيه

[opiw]

مش ممكن بجد انا مش مصدق نفسى ... الرجل فتاحهالى انا قعدت فيها ساعه الا ربع و لما خرجت ماصدق قفلها بس برضه واقف اتفرج عليها اكتر من نص ساعه ... لازم تروحوا تشوفوها يا جماعه دى لسه جايه امبارح
وهم وهم وهم مش ممكن بجد انا صورتها بس للاسف الوصله بتاعت موبايلى ضايعه بس برضه هاجبلوكوا الصور
الاختلافات :
1: من جوه التابلوه كان فيه نبيتى روعه و اكتر من روعه
2: الشبكه الاماميه اكبر من السيدان
3: الشنطه مقفوله من ورا زى المازدا 3 كده يعنى النمر تتعلق تحت
4: نفس وسع السيدان بس الارتفاع قصير شويه (يعنى لو واحد طويل شويه قعد ورا هايبقى مقلق)
5: فوانيسها من ورا شبه السوناتا
6: الفوج لايت اصغر شويه من السيدان بس تحفه
7: الجنط بتاعها مش هاقدر اوصفهولكو بس روعه 17
8: ستيبترونيك زى السيدان
لازم بجد تشوفوها لازم
ياريت ماكونش طولت عليكوا بس انا لو هاتكلم مش هاخلص النهارده

[mabosleem]

شكرا يا باشا على المعلومات الجميلة دي :)

أنا اتصلت بجابر عبد الشهيد أسأل عليها من يومين قالي خلصت و كلمنا بعد العيد.
حضرتك شفتها فين؟ و هي موجودة عند مين حاليا؟

في كتير بينصحوني طالما وصلت ل150 ألف أشتري كورولا عشان سعرها فيها و لما أبيعها بعد كام سنة مش هأخسر فيها.

ايه رأيكم؟ أعمل ايه؟

هي فيها مميزات مش في الكورولا؟ أو العكس؟

أنا عارف ان دي فئة و دي فئة تانية؟ (مش صح نقارن الكوبيه بالسيدان و العكس)

[opiw]

اولا هيه كانت عند عادل جروب اللى جنب المصريه اللى فى طريق المعادى
ثانيا انت عندك حق فى موضوع الكورولا بس الموضوع زى لما كان فى هيونداى كوبيه والناس قالو كده برضه بس كان فيه ناس كتيره بتشتريها وبعدين كوبيه يعنى شبابى اوى ومش عمليه كعائليه بس يوم ماتركابها هيوقفوك فى اى كمين عشان يتفرجوا عليها
على فكره هيا كان لونها اسود عشان فى استاذ محترم كتب موضوع قال انها نازله نحاسى بس و سعرها 150000
معلش بقى طولت عليك

[opiw]

هيا فيها 2 ايرباج و الكورولا تقريبا 8
لاتنين استيبترونيك
بس الكوبيه هاتبقى انت من اوائل الناس اللى هاتركبهاو الكورولا معروفه طبعا
وفيها وصله aux usbمعرفش دى ف الكورولا ولا لا
كفايه ان الجنط بتعها بيبدا من 17 ايه الفجر ده

[mabosleem]

شكرا يا باشا على الرد السريع

أنا عيلتي صغيرة (أنا و زوجتي و بنوتة) فعدد الأماكن في العربية مش مشكلة كبيرة.

بس بصراحة سعر اعادة البيع من الحاجات الي بتألمني قوي لأنها فلوس تعبان فيها :)

يعني فعلا السيراتو الكوبيه لو جيت ابيعها بعد 5 سنين مثلا هأخسر فيها النص؟

أنا بأشوف الهيونداي كوبيه بتتباع في 70000 و هي موديلها من 2005 تقريبا

أنا نفسي أشتري عربية شبابية جدا و حاسس ان السيراتو الكوبيه شبابية فعلا و جميلة بس خايف بعد كام سنة أبيعها ب 100 ألف و أنا شاريها ب 150 ألف

[opiw]

اولا ربنا يباركلك فيهم
ثانيا عقبالى
ثالثا هيه مش بتتحسب كده مثلا يعنى انا كنت جايب موبايل 3310 من 7 سنين ب 3000 دلوقتى ب 50 جنيه و محدش بيرضى يخده
بس انا بحسبها ازاى الموبايل ده عمل معايا ايه اذا كان شغل توفير مجهود مشاوير و مزله المواصلات وحاجات كتير ف من الاحسن ماتزعلش عشان لو كنت جايب هيونداى هاتخسر فيها برضه مع فارق السعر بس كده كده خسران

[Amrrr]

اعتبر نفسك ركبت العربية وانبسطت منها بالفلوس اللي هتخسرها وركوبة الكورولا غير ركوبة الكوبيه انا لو مكانك هجيبها الكوبيه

[yoko]

شكرا يا باشا على الرد السريع

أنا عيلتي صغيرة (أنا و زوجتي و بنوتة) فعدد الأماكن في العربية مش مشكلة كبيرة.

بس بصراحة سعر اعادة البيع من الحاجات الي بتألمني قوي لأنها فلوس تعبان فيها :)

يعني فعلا السيراتو الكوبيه لو جيت ابيعها بعد 5 سنين مثلا هأخسر فيها النص؟

أنا بأشوف الهيونداي كوبيه بتتباع في 70000 و هي موديلها من 2005 تقريبا

أنا نفسي أشتري عربية شبابية جدا و حاسس ان السيراتو الكوبيه شبابية فعلا و جميلة بس خايف بعد كام سنة أبيعها ب 100 ألف و أنا شاريها ب 150 ألف

بص نصيحة بدام عيلة يبقى جيب السيدان أحسن كفايا قلق كل خروجة تقفل الكرسي وتنطت البنت ورا وكمان لو ربنا رزقك بطفل تاني هتبتدي تحس إن العربية ديقة(طبعا دي وجهت نظري لإني مبحبش حكايه أنطت حد ورا لو هجيب كوبيه هجبها كرسيين بس)

[lol1986]

بص نصيحة بدام عيلة يبقى جيب السيدان أحسن كفايا قلق كل خروجة تقفل الكرسي وتنطت البنت ورا وكمان لو ربنا رزقك بطفل تاني هتبتدي تحس إن العربية ديقة(طبعا دي وجهت نظري لإني مبحبش حكايه أنطت حد ورا لو هجيب كوبيه هجبها كرسيين بس)

متقلقش يا يوكو العربية واسعه

[yoko]

متقلقش يا يوكو العربية واسعه

أنا عارف بس مبحبش أنط ورا بحس إني متكتف ومبحبش حد يقفلي الكورسي بتاعي

[bassemforever]

كرولا يامان بتدون تفكير هيا حلوة اة بس انت لو اسرة يبقى خليك فى السيدان لو سيراتوا العادية وتوفرلك بتاع 25 خليهم لبنتك هيا اولى بيهم او انت مصمم يبقى كرولا علشان السعر دة كتير قوى عليها مع انى معايا سيراتو بس معروف لاى حد ان التويوتا اعلى و كمان على المدى الطويل استحمال اكتر و اعادة بيع اعلى وربنا يوفقك

[Samah AbdAllah]

فين صور العربية الوصف بس مش كفاية عاوزين صورة

[Samer Mohamed]

السلام عليكم...
لو انت فعلا ممكن توصل 150000 انصحك بالرائعة الفورد فوكس جيا بفتحة سقف، جرب ومش حتجسر حاجة روح المعرض بتاع كوبرى الجامعة واتفرج عليها وشوف معاملة واهتمام الناس بالعميل. كل سنة وانت طيب

[Mustang69]

waiting for photos

[lol1986]

السلام عليكم...
لو انت فعلا ممكن توصل 150000 انصحك بالرائعة الفورد فوكس جيا بفتحة سقف، جرب ومش حتجسر حاجة روح المعرض بتاع كوبرى الجامعة واتفرج عليها وشوف معاملة واهتمام الناس بالعميل. كل سنة وانت طيب

الكوبيه من اسمها لكن الفورد هيا اه جميلة بس حاول تعدى بها ال 180
ودى ركوبه ودى ركوبة