الاكسنت الجديدة هندى و لا لا

[naguib2005]

يا جملعة انا الحمد لله استقريت ع الاكسنت بعد لف و دوران بس عايز اعرف هل الاشاعة بتاعة انها تقفيل هندى صحيحة و لا شغل سوق

و انا فى المنصورة هل لازم انزل القاهرة اعملها صيانة عند غبور و لا فى مراكز قريبة

و هل تنصحونى بيها مانيوال و لا اوتوماتيك(فتيسها الاوتو عامل ايه)

[dr.ahmed]

أخى الكريم العربية معايا من قبل العيد بكام يوم فوق الروعة وأحب أعرف حضرتك حاجة الإشاعة دى أول ما سمعتها كانت فى كونتكت والراجل اللى قال كدة ناس كتيييير ردو علية والموضوع إنتها أما بالنسبة لى كل جاجة فى العربية والأوراق اللى إستلمتها بتؤكد كوريييية هذة السيارة 1000000% حتى الورق اللاصق اللى على الزجاج الأمامى مكتوب علية إن هذة السيارة صنعت فى كوريا بالكامل وعلى فكرة اللى معايا مانيوال لإنى بعشق الإحساس بالتحكم بالسيارة واللذيذ أوى إنى حاسس فى سواقتها إنها أتوماتيك من كتر سلاسة قيادتها وثباتها اللى مالوش زى بالنسبة لى أحسن ألف مرة من التيوتا ياريس فى الثبات ....أما موضوع الصيانة فمعنديش اى فكرة لسة لأنى رايح الصبح أعمل صيانة الألف مع إنى عامل 1400كم تقريباً عقبال ما خلصت إجراءات الترخيص لإن المرور بتاعى ماكنش فية لوحات تتصور .... وعلى فكرة أنا أخذت الميعاد بالتليفون ورد عليا موظف محترم ويارب تكمل على خير إن شاء الله وربنا يوفقك وتكون ضمن عائلة الحبيبة نيو نيو نيو أكسونتى الشياكة والتميز

[naguib2005]

الف شكر دكتور احمد و بردك ده انا ان شاء الله استقريت اكتر مانا مستقر فربنا يخليك
بس هتقل عليك لو قولتلى بس العربية من حيث العفشة و العلو عن المطبات عاملة ايه

[TAG_Turbo0]

الى فى منها هندى هى الماتركس بس
والله أعلم

[Hesham A.Megid]

الى فى منها هندى هى الماتركس بس
والله أعلم

مافيش ماتريكس هندي....الماتريكس كلها كوري و من اول 2008 بقت تركي

[dr.ahmed]

أستاذ نجيب تحياتى لسيادتك وتقل يا عم زى ما أنت عايز طالما إننا بنتكلم عن نيو أكسونتى فأنا لن امل أبدا ....وتحت أمرك طبعا ....على فكرة أنا لسة راجع من أبو رواش وخلصت صيانة الألف والمهندس بيسألنى فى أى حاجة حضرتك عايز تزودها أو أى شكوى فرديت علية أنة لا توجد أى شكوى وعقبال ما خلصت قهوتى كان كل شئ تمام .... أما بالنسبة للعفشة العربية زى الفل مش حاسس بانها فيها مشاكل غير إن اللى عرفتة إن المساعديين غاز مش زيت لكى تتحمل المطبات المقرفة اللى مالية شوارع المحروسة واللى ما يفهمش كدة يفتكر إن العربية ناشفة لكنها أكثر ثباتاً من وجهة نظرى علاوة على نظام الeps اللى بيديلك سلاسة ونعومة وقدرة أعلى فى المنحنيات والمنازل والمطالع والتحكم الفائق اللى مش موجود فى عربيات كتيييييير وحديثة وفية منها اليابانى اللى دايما يقولك بس يابانى أنا عندى العربية دى أحسن من عربيات يابانى كتييير مافيش فيها أى ثبات .... كمان إرتفاعها عن الأرض مناسب جدا جدا جدا للشوارع والجبال المصرية اللى بيطلقوا عليها مطب صناعى .. وعين القطة اللى بيبهدل الكاوتش ... وربنا يعينا على الحكومة وسلملى على الدعم ومحدودى الدخل؟؟؟؟

[dr.amr]

علي فكره انا بنزل اقف مع مهندسي الصيانه وهما بيعملوها وهو اللي قالي انها هندي
والله اعلم