ما هو سر سؤ سمعة شركة هيونداى فى مصر

[hamdy]

انا أخترت كل الحجات الى فوق
مش علشان انا مبحبش عربيات هيونداى ولا لأنى متحيز لماركه تانية
لأ لأن ده حال 90% من توكيلا مصر والى نخلى المشكله واضحه شوية عن هيونداى يمكن انتشار سيارتها بشكل ملحوظ وده فقط لأن التوكيل بتعها بيعرف يسوق منتجاته كويس نش أكتر من كده

فعلا يا جماعة دي بقت ظاهرة عند اغلب التوكيلات ودا عشان الناس بتتنازل عن حقها ولو 99 في الميه تطلب الواحد اللي باقي لاني لو انا وانت وحضرتك عاملنا كده التوكيلات هتحسن من نفسها
انا برضو كنت جايب ماروتي في توكيل نيسان ارفوني في كل حاجة معاملة قلة ادب و يضحكوا عليك في الفاتورة

ولما جبت فيرنا اديكو شايفين غبور بس انا بصراحة لسة مجربتش غبور ربنا يستر

[temoo_110]

تعرفو على قد منا مضيق من الموضوع العربية دى بس لما بدخل المنتدى هنا وبلاقى الاخوة هنا واقفة معايا وحسيين بمشكلتى وكانها مشكلتهم بنسى كل حاجة وببقى سعيد جدا يارب نفضل اخوة على طووول وبشكركم مليون مره

[fahd_628]

جميع ما سبق

[Ahmed Anwer]

تعرفو على قد منا مضيق من الموضوع العربية دى بس لما بدخل المنتدى هنا وبلاقى الاخوة هنا واقفة معايا وحسيين بمشكلتى وكانها مشكلتهم بنسى كل حاجة وببقى سعيد جدا يارب نفضل اخوة على طووول وبشكركم مليون مره

لآ تقلق يا باشمهندس تامر ،،

و علي فكرة متستهونش بتأثير نايل موتورز ،،

البلد كلها عملت إضراب من خلال موقع الفيس بووك ،،

و أنا متأكد إن تأثير نايل موتورز مش أقل ،،

و عندي إحساس إن مبيعات الفيرنا و هيونداي عموما ،،

إحتمال كبير جدا تكون قلت الكام شهر اللي فاتوا

بسبب نايل موتورز

و علي فكرة عايزك لا تجد حرج في انك تقول اللي في قلبك ،،

دي فايدة المنتديات ،،

يا ريت تعمل موضوع بالبلدي كده فضيحة و تجريس للفيرنا ،،

عشان أنا حاسس إنك ماسك نفسك شوية حفاظا علي مشاعر مالكي العربية ،،

و تنشره في كل المنتديات الشبيهة و يا ريت كمان لو ليك حد في الصحافة

و لو تحاول توصل لمسئول كبير في غبور

[thatha]

ياجدعان لازم كل واحد شايف عيب في الفيرنا .يقول مش عيييييييب . انا لاحظت ان كل واحد عندة فيرنا عنده عيب شكل!!!!!!! نظام بختك يابو بخيت

[tarekkasaby]

يا اخى و الله انا مش عارف اقولك ايه غير ربنا يكون فى عونك
و ماتسبش حقك !!!!!!

[zeyad1810]

خليك ورا غبور لحد ما تاخد حقك

[temoo_110]

على فكرة يا جماعة انا اشتكيت فى جهاز حماية المستهلك من شركة غبور واللى بتعملوه من استغلال بعتلهم اميل وشرحتلهم الموضوع ولقتهم اتصلو بيا وطلبو انى ابعتلهم الفواتير بتاعت الصيانة وصورة الرخصة والضمان وفعلا بعتهم ومستنى رد الفعل ور بنا يهل انا هكتبلكم الموقع علشان الكل يستفيد منه

https://www.cpa.gov.eg

[Kareem Khattab]

يعني بلاش اشتري الانترا ولا ايه ؟؟ انا كنت ناوي اشتري خلاص الاسبوع ده

[أبو عبدالله]

يعني بلاش اشتري الانترا ولا ايه ؟؟ انا كنت ناوي اشتري خلاص الاسبوع ده

صدقني والله لو كرورلا كسر زيرو 2007 او 2006 برقبتها
وانا بشتري دلوقتي وبدور على كرورولا
اما النترا لا انصحك لو عاوز عربيه تحترمها وتحترمك ومتتعبشي في صيانتها

[temoo_110]

واللهى الاستاذ عبد عنده حق الكرولا والانسر برقبة اى سيارة هيونداى
فبلاش تضيع فلوسك فى حاجة تندم عليها وابعد عن الهيونداى

[volkeswagin]

انا مش شايف حد بيشكر فى اى توكيل

كل الناس بتشتكى من التوكيلات كلها
اما التوكيل الناس مش واثقه فيه فاضل ايه؟

هى دى البلد اللى بتتجه للاستثمار؟

ليه مفيش كذا توكيل للعربيه الواحده؟

ليه كل شخصيه مسكه عربيه ومحدش يقدر يدخل عليه فيها؟

سؤال ياريت حد يجاوبنى عليه

رايحه على فين يابلد؟؟؟؟؟؟؟؟؟

[Noha.M]

ياجماعة ما كل التوكيلات زفت انا مش حاسة ان غبور سيء اوى كدة زى ما الناس مصورة ما انا قريبي معاه ماتريكس و مبسوط منها اوى بس لو يوم هيعمل صيانة الاقيه شادد الرحال من الصبح و بيروح بيته متأخر بس اهه يوم و بيعدي كمان غبور عليه ضغط جامد و مصر كلها تقريبا راكبة هيونداى و لو اى توكيل عنده كم العربيات دى غصب عنه مستواه هينزل حتى لو هو مستواه عالى و كويس

[sa3dawy]

انا شايف ان عدم الخبرة يترتب عليها جميع ما سبق:d:d:d:d:d

[أبو عبدالله]

ياجماعة ما كل التوكيلات زفت انا مش حاسة ان غبور سيء اوى كدة زى ما الناس مصورة ما انا قريبي معاه ماتريكس و مبسوط منها اوى بس لو يوم هيعمل صيانة الاقيه شادد الرحال من الصبح و بيروح بيته متأخر بس اهه يوم و بيعدي كمان غبور عليه ضغط جامد و مصر كلها تقريبا راكبة هيونداى و لو اى توكيل عنده كم العربيات دى غصب عنه مستواه هينزل حتى لو هو مستواه عالى و كويس

لا تقاس هكذا يا اونا

كتر عربياتع وخصوصا انه بيصنعها هنا يعني ارباح مهولة
يعني المفروض مستوايا يعلى وليس العكس ينزل لتحت


ده سبب حجه عليه وليس دفاعا عنه

انا اعرف ان الشركه اي شركه في اي مجال لما تبيع اكتر وارباحها تعلى اكتر يبقى المفروض اقدم خدمه اعلى وأكفأ لأني مرتاح ماليا مش العكس

طيب امال بقه الوكيل اللي مش بيبليع عربيات الا فين وفين يعمل ايه يصرف على العمالي وتدريبهم وهو اصلا مش بيكسب كويس

يا أخواني غبور بيصنع اغلب عربياته هنا
يعني الربحيه لو كانت اقل من 50 في الميه من ثمن العربيه يبقى انا مش بفهم حاجه