ما هو سر سؤ سمعة شركة هيونداى فى مصر

[alivara]

انا كدة احترت جدا لأني في الاول كنت بفكر اجيب افيو هاتشباك لكن بردو الناس حذرتني من منصور و ان الصيانة وحشة اوي ففكرت في الجتز. لكن كده انا قلقت جدا.

اهى ديه المصيبة اللى بقول عليها و اللى عملت حملة مساندة لهيونداى فى قسم هيونداى بسببها حسبي الله و نعم الوكيل , المصيبة ديه ان كل الاعضاء يضايقوا من غبور و رغم كده يعيبوا فى العربيات نفسها
يعنى عشان سوء سمعة غبور يقولوا العربيات نفسها وحشة و ديه مصيبة
حرام عليكو كفاية انتوا عايزين ايه ؟ حنشتري هيونداى و الله العظيم حنشتري هيونداىىىىىىىىىىىىىىىىىى و الله كمان مرة لاشترى هيونداى
انتوا بتبوظوا سمعة العربية نفسها بسبب التوكيل ؟ حرام عليكم
المفروض ان المنتدى ده بيطمن الناس و بيهديهم للاختيار الصح مش يعقدهم من العربيات
و بالنسبة للاخ اشتري جيتز و على ضمانتى العربية ديه جميلة جدا مافيهاش عيوب خالص و اذا كان على التوكيل ريح دماغك و روح على فرع ابو رواش على طول و انت تلاقى معاملة محترمة ... سيبك من اى كلمة بتتقال على هيونداى , ركز على العربية بس و سيبك من اى حاجة تانية و انا ان شاء الله حشتري الانترا الجديدة قريب جدا لانها عربية جميلة عربية مريحة فيها كل حاجة كل الكماليات ثباتها جميل جدا شكلها جميل جدا يبقى ناقص ايه ؟ اقول مش حشتريها عشان غبور وحش ؟
ارحمونا بقى و سيبكوا من كل الحقد على هيونداى ده

[MOHAMED ABD EL SHAFY]

ايه اللى استفيدة لو اشتريت سيارة جيدة والتوكيل باهمالة وعدم امانتة يقصف عمرها
السيارة لوحدها مش كفاية المعادلة كالاتى
سيارة ممتازة + توكيل سيئ = السيارة وحشة
سيارة جيدة + توكيل جيد = السيارة كويسة
انا مش لاقى فلوسى فى الشارع عشان ابقى تحت رحمة توكيل نصاب

[Nile Heart]

والله هي كلها مشاكل الفيرنا بس الحق الموتور سحبه حلو

بس انا اسمع ان الفيرنا 2008 دلوقتي ظبطو شويه عيوب فيها وبقت تمام والله اعلم

بس انا كتير بشوف ناس تشكر في غبور

وكتير ناس بتشتكي بس الاغلبيه للشكوي

بس انا اعتقد سوء السمعه من التوكيل

انا اسف على تعليقى بس الأمضاء بتاعك مكتوب غلط, الكلمه نكتب "ولكن" وليس "ولاكن"

[alivara]

ايه اللى استفيدة لو اشتريت سيارة جيدة والتوكيل باهمالة وعدم امانتة يقصف عمرها
السيارة لوحدها مش كفاية المعادلة كالاتى
سيارة ممتازة + توكيل سيئ = السيارة وحشة
سيارة جيدة + توكيل جيد = السيارة كويسة
انا مش لاقى فلوسى فى الشارع عشان ابقى تحت رحمة توكيل نصاب

يعنى من الاخر الحل ايه ؟ بلاش اشتري النترا عشان غبور ... الالاف اللى اشتروها كانوا غلطانين و احنا اللى صح .. اضيع عربية بالمواصفات ديه و الشكل ده عشان التوكيل
انا مش حعلق تانى عشان جالى ضغط

[MOHAMED ABD EL SHAFY]

لا ضغط ولا حاجة يا اخ Alivara
اشترى بس تكون عارف من الاول انك متتوقعش التوكيل هيكون صديق ليك هذا مانود ايضاحة
يعنى لو حصلت مشكلة لاقدر الله انت الوحيد اللى هتتحمل اخطاء الاخرين
ودا بسبب عيب التوكيل غبوور

[Tamer-Ezzat]

يعنى من الاخر الحل ايه ؟ بلاش اشتري النترا عشان غبور ... الالاف اللى اشتروها كانوا غلطانين و احنا اللى صح .. اضيع عربية بالمواصفات ديه و الشكل ده عشان التوكيل
انا مش حعلق تانى عشان جالى ضغط

لا اشترى بس خلى عندك حل بديل فورى لحد يقدر يساعدك لو لا قدر الله حصلت حاجة فى العربية

أى حد عايز يشترى هيونداى انا معاه ... وبقوله اختيار موفق ...
بس اعتبرها من غير ضمان ... علشان تشترى دماغك ...

[Ramy_Ali]

اشترى ولا تتوقع الدعم الفنى اللى فى خيالك

[hahahahahaha]

طيب هو مش في طريقه نعرف بيها هيونداي الكوريه السرقه الي موجوده في مصر؟

[Ramy_Ali]

فيه ناس حاولت تبعت ميل لكوريا بس محدش رد عليهم ولا عبرهم

[AHMEDCAR]

لا فى اعضاء هنا عملوا كده و خدوا حقهم

[Ramy_Ali]

الشركة بكوريا الناس بعتت ليها واللى اعرفة محدش اهتم

[Ramytoyota]

ممكن تقولى من اللى بعت للشركه الام و محدش اهتم عهلشان انا متابع الموضوع ده كويس اوى و شايف ان الشركه الام مهتمه اوى بالموضوع ده

[Ramy_Ali]

فيه موضوع هنا اعمل بحث عنه إن شاء الله هتلاقية

[shanodaa]

المفروض انا لو مكانك اعمل لهم محضر واعمل شكوي في غرفه حمايه المستهلك

[MEMES]

غبور احسن من غيره والشارع احسن دليل