جبت النترا بفضل الله خليجى 2012

[freeman207]

الحمد لله ربنا وفقنى وجبت النترا خليجى بس فى مشكلة
الوقتى الافراج الجمركى جاى ان فيه زجاج ملون وازاز العربية ابيض ازاى اقدر ارخص فاميه قولولى اعمل ايه وبسرعة عشان مفروض اروح ارخص بكرة

[BassamHafez]

روح فيم قبل ما ترخص

[dr_walid]

السلام عليكم
الف مبروك
و ربنا يديلك خيرها و يبعد عنك شرها
ليا سؤال هى تفرق اية عن المصرى
و سعرها كام
لية انتة فضلت تجيب الخليجى مش المصري
و جبتها منين
وشكرا

[propagaanda]

مبروك عليك و مرحبا بيك في نادي الالنتراوية
مستنيين التقرير الممتاز بقى
ربنا يديلك خيرها و يبعد عنك شرها

[Hussein_Ramdan]

ألف مبروووك ياباشا
ربنا يحفظها ليك
قولنا سعرها كام
واية الاوبشن باعها
وارد اى دولة

[freeman207]

روح فيم قبل ما ترخص

حضرتك متاكد ياستاذ بسام من الموضوع ده انا فكرت فى كده برضه بس خفت يبهدلونى جوة فى المرور

[freeman207]

متشكر ليكوا ياجماعة ماشاء الله العربية زى الفل هيا خليجى سعودى فيها abs air bag
واحدة للسائق كاسيت جى بى اسى وديفيدى كاميرا خلفية فتحة سقف 4 جنط 15 والاستبن حديد جبتها ب 143.500 من سمير ريان لون اسود

[freeman207]

حد يفيدنى ياجماعة فى موضوع الفاميه ده

[freeman207]

مبروك عليك و مرحبا بيك في نادي الالنتراوية
مستنيين التقرير الممتاز بقى
ربنا يديلك خيرها و يبعد عنك شرها

شكرا ليك على فكرة انت اللى شجعتنى اجيب خليجى

[bmw323]

ياباشا حضرتك لو حابب تفيمها بعد ما ترخص عادى جدا بس أهم حاجة تتأكد من مهندس الفحص أنة يثبت أن الأفراج مكتوب فية زجاج فامية فابريكة علشان يثبتو على الرخصة زى ما موجود فى الأفراج وبتهيألى عادى بيتثبت بس أهم حاجة تتأكد أن هيتكتب كدا فى الرخصة !

[Screenplays]

ياباشا حضرتك لو حابب تفيمها بعد ما ترخص عادى جدا بس أهم حاجة تتأكد من مهندس الفحص أنة يثبت أن الأفراج مكتوب فية زجاج فامية فابريكة علشان يثبتو على الرخصة زى ما موجود فى الأفراج وبتهيألى عادى بيتثبت بس أهم حاجة تتأكد أن هيتكتب كدا فى الرخصة !

+1111111111

[freeman207]

يعنى اتكل على الله اروح المرور بكرة من غير مافيم

[morsi]

ياباشا زجاج ملون ليس معناه زجاج فاميه.الزجاج الملون يعنى اغمق سنة من الزجاج العادى الابيض.وعلى فكرة فى المرور أثناء الفحص بيبقى معاه مفتاح بيخربش بيه اى زجاج فاميه علشان يعرف ده زجاج فبريكة(مش هايتخربش) ولا لأ.والف مبروك العربية ربنا يديلك خيرها ويكفيك شرها ويباركلك فيها

[SAMEHNOSHI]

يعنى اتكل على الله اروح المرور بكرة من غير مافيم

علشان محدش يغلس عليك فييم الاول بس فييم درجة فاتحة و ورا بس و بعد ما يتثبت فى الرخصة يبقى غمق زى مانت عايز, اعمل كدة علشان ممكن مهندس الفحص يرخم عليك و مايثبتهاش فى الرخصة لو مش متفيمة.

[freeman207]

طيب حد عمل الللى انتوا قلتوه قبل كده