عرض هيونداى خصم 3000 نقدى ما زال مستمر .........

[hossam_elwani]

عرفت من مدير فرع هيونداى اسكندريه

ان عرض هيونداى خصم 3000 نقدى ما زال مستمر

[Inteltech]

شكرا على الخبر وده مكتوب على موقع غبور وهيتسمر لحد 15 أبريل كمان بس معرفش ليه غبور باشا نزل الخصم اللي كان 5000 ل 3000 دلوقتي

[S O P H O S]

كويس ...

[mody3on]

شكرا على الخبر وده مكتوب على موقع غبور وهيتسمر لحد 15 أبريل كمان بس معرفش ليه غبور باشا نزل الخصم اللي كان 5000 ل 3000 دلوقتي

هيستمر لحد 15 ابريل ازاي يعني ؟ هو احنا في شهر ايه يا جدعان

[Inteltech]

هيستمر لحد 15 ابريل ازاي يعني ؟ هو احنا في شهر ايه يا جدعان

معلش ياباشا سامحني الواحد على اخر اليوم بيكون مش شايف هههههههههههه خطأ مطبعي انسى بس اللي مش غلط ده اكيد هو الخصم نزل من 5000 ل 3000 ليه ايه الناس المعفنة دي ؟؟

[artist]

امممممممممممم

[hossam_elwani]

معلش ياباشا سامحني الواحد على اخر اليوم بيكون مش شايف هههههههههههه خطأ مطبعي انسى بس اللي مش غلط ده اكيد هو الخصم نزل من 5000 ل 3000 ليه ايه الناس المعفنة دي ؟؟

الى اعرفه ان الخصم من الاول 3000 جبت حكاية 5000 دى منين؟؟

[mohamed3002]

انا فعلا استلمت العربية النهاردة وخدت الخصم ال3000 ج
وكانت مفجأة بالنسبالي لان العرض كان خلص اخر شهر 4
وعموما يعني انا اعتبر ان دي حركات من هبووووووووووور
يعني بيزود السعر عشان يلفت انتباه الناس
وبعد كده يعمل خصم وياخد الزبون وهو واثق انه هيشتري بسرعة عشان يستفيد بالخصم
سياسة تسويق ومبيعات

[hossam_elwani]

انا فعلا استلمت العربية النهاردة وخدت الخصم ال3000 ج
وكانت مفجأة بالنسبالي لان العرض كان خلص اخر شهر 4
وعموما يعني انا اعتبر ان دي حركات من هبووووووووووور
يعني بيزود السعر عشان يلفت انتباه الناس
وبعد كده يعمل خصم وياخد الزبون وهو واثق انه هيشتري بسرعة عشان يستفيد بالخصم
سياسة تسويق ومبيعات

فعلا دهاء ومكر فى التسويق

[lordfear]

معلش ممكن مصدر الموضوع ده ؟

[Inteltech]

الى اعرفه ان الخصم من الاول 3000 جبت حكاية 5000 دى منين؟؟

السلام عليكم
الحقيقة ترددت مابين اني انزل الخبر من مصدره او اسكت خصوصا ان في اخ هنا بنفس المشاركة اشتري في نهاية شهر ابريل وللاسف مخدش الخصم كامل وخفت ليزعل، ومابين انه حد يفكر اني الفت الخبر وكان ممكن اسيء الظن من اسلوبك واقولك ده الخبر تصدق او ما تصدق ميهمنيش بحاجة !!!!
بس لاني بحسن الظن بحضرتك زي ما بحسنه بكل الاخوة الموجودين هنا ولان المنتدى ده فيه جو اخوي حقيقي غير عن اي منتدى شفته قبل كده واتشرف بيه وبحضرتك ولان في اخ كريم دخل بالنهاية يسأل عن مصدر الخبر هرد عليه وسامحوني على الاطالة وشكرا لسعة الصدر الخبر :

خصم 5000 الاف جنيه علي كل فئات هيونداي النترا لفترة محدودة

قامت شركة غبور اوتو بالكشف عن مفاجئة لكل عملائها ،حيث اعلنت عن عرض خاص علي السيارةهيونداي النترا،وهو عبارة عن خصم 5000 الاف جنية علي السيارة بكل فئاتها،العرض ساري من 3 ابريل 2011 و ينتهي في 30 ابريل 2011.
من المعروف انه منذ انطرحت شركةغبور اوتو موديل النترا في سوق السيارات المصري ،فقد لاقت نجاحا كبيرا و حققت نسبة مبيعات عالية فاقت كل التوقعات.
كما لاقت السيارة استحسان و اعجاب كل من شاهدها و قادها و اصبحت في وقت قصير من افضل السيارات الموجودة علي الساحة،و لان الاقبال علي السيارة كان كبيرا في الفترة الاخيرة فقد قررت غبور اوتو تقديم هذا العرض المغري لعملائها.
مصدر الخبر موقع غبور نفسه وادي اللنك بتاعه للي يحب يتاكد /
هيونداى مصر

مع تحياتي للجميع

[Inteltech]

بس وانا بكتب الموضوع عرفت ان الخطأ من عندي حضرتك للمرة التانية بنفس المشاركة سبحان الله رب العالمين مش عارف فيه ايه وشكلي هقوم انام احسن ههههههههههههه وانتبهت ان الكلام ده كان اول ما نزلت العربية السنة اللي فاتت وبيني وبينك حمدت ربنا على كده والاكيد اني هبقى اراجع نفسي مية مرة قبل ما استعجل بخبر تاني واسف جدا للربكة اللس سببتها واتمنى حذف مشاركاتي من الموضوع ده لاني حاولت الغيها ومش قدرت فطلبي ده من الادارة وشكرا

[hossam_elwani]

بس وانا بكتب الموضوع عرفت ان الخطأ من عندي حضرتك للمرة التانية بنفس المشاركة سبحان الله رب العالمين مش عارف فيه ايه وشكلي هقوم انام احسن ههههههههههههه وانتبهت ان الكلام ده كان اول ما نزلت العربية السنة اللي فاتت وبيني وبينك حمدت ربنا على كده والاكيد اني هبقى اراجع نفسي مية مرة قبل ما استعجل بخبر تاني واسف جدا للربكة اللس سببتها واتمنى حذف مشاركاتي من الموضوع ده لاني حاولت الغيها ومش قدرت فطلبي ده من الادارة وشكرا

كل الشكر ليك ولروحك الطيبه

[mody3on]

بس وانا بكتب الموضوع عرفت ان الخطأ من عندي حضرتك للمرة التانية بنفس المشاركة سبحان الله رب العالمين مش عارف فيه ايه وشكلي هقوم انام احسن ههههههههههههه وانتبهت ان الكلام ده كان اول ما نزلت العربية السنة اللي فاتت وبيني وبينك حمدت ربنا على كده والاكيد اني هبقى اراجع نفسي مية مرة قبل ما استعجل بخبر تاني واسف جدا للربكة اللس سببتها واتمنى حذف مشاركاتي من الموضوع ده لاني حاولت الغيها ومش قدرت فطلبي ده من الادارة وشكرا

هههههههههههه كويس انك لحقت نفسك ده محطوط صورة الالنترا القديمة يا جدع ومكتوب 2011 :d