استفسار بخصوص شراء فيرنا ضروري جدا

[Morientis]

السلام عليكم

انا قدامي فيرنا موديل 2008 كامله مانيوال عامله 40000 كيلو فبريكا بره و جوه بس كانت عامله نص عمره في التوكيل عشان كانت سخنت و اتعملها صيانه ال 40000 و ناقصها البساتم

اشتري ولا اصرف نظر خالص و لو هاشتري سعرها يكون فحدود كام

انا قلت اسأل اهل الخبره

[thunder155]

بلاش العربيه دى , شوف واحده تانيه

[Morientis]

شكرا جدا بس اقدر افهم من حضرتك هل كده الموتور مش كويس انا اول مره اجيب عربيه

[HAITHAM1985]

55000 ألف

[moumen_hs]

اصرف نظر ودور على عربية ميكونش أتعمل فى ماتورها حاجة العربية ديو مفهاش غير الموتور فطلما اتعمر انسى

[HAITHAM1985]

والأفضل تشوف فعلا حاجة تانية ........ بص على البروتون التويوتا المتسوبيشى الفابيا الأوكتافيا

[Morientis]

والأفضل تشوف فعلا حاجة تانية ........ بص على البروتون التويوتا المتسوبيشى الفابيا الأوكتافيا

انا بس مربوط بسعر و موديل محدد

انا عايز حاجه تكون فحدود خمسين الف و موديل 2007-2008 فاعتقد ان افضل اختيار هو الفيرنا بالمواصفات دي

[husseinsalah]

اخويا لسة شارى واحدة فابريكة بالكامل وكشفنا عليها فى البنزينة مافهاش الهو عاملة 70 الف موديل 2009 ب 49 الف جنية بس مش عارف بقى دة سعرها ولا لأ لان واضح ان صاحبها مزنوق وكمان معرفة اخويا

[Ashraf_Ibrahim]

العربية دي اخرها 45000 جنيه متعديش عن كدة ويسلمهالك بفاتورة التوكيل عشان ضمان الميكانيكا على الموتور 5000 كم او 3 شهور ايهما اقرب عشان هي لسة خارجة من عمرة
ولازم تلين كويس عشان متعملش مشاكل معاك فيما بعد

[ghostmido]

حاول تدور تانى يا باشا وربنا يوفقك.

[BaherSamir]

السلام عليكم ورحمة الله وبركاته لو على موضوع الموتور والعربية تستاهل ممكن تغيير الموتور من واحد محترم بتاع استيراد ويكون مضمون تبقى كدة ظبط العربية دي والله الموفق.