ملاحظات على الفيرنا اتوماتيك 2013

[adham20]

السلام عليكم ورحمة الله وبركاته

الحمد لله الذى بنعمته تتم الصالحات ,بصراحة لقد قررت شراء فيرنا اتوماتيك 2013 من بعد رايت فى هذا القسم العظيم فى منتدانا الرائع من مناقشات وتجاوب معظم الاعضاء مع بعضهم حرصا على المصلحة العامة لكل عضو ده اللى شجعنى على الشراء .. الحمد لله اشتريتها منذ اسبوعين وعاملة معايا حتى الان حوالى 850 كم وماشى على نصائخ الاعضاء بعدم زيادة السرعة عن 90 كم مع تنوعها ولكنى احيانا بشغل التكييف علشان اطفالى الصغار .. المهم اننى عندى ملاحظتين على العربية اتمنى من خبراء القسم ان يفيدونى :
1- توجد نتشة فى العربية باحسى بها وانا رجلى على دواسة البنزين وبتظهر لما الغيار بيتشبع وبتنقل على الغيار التالى يعنى بالعامية باحس كأن العربية مخنوقة للحظة قبل الغيار التالى.
2- لما باشغل التكييف باسمع صوت كراكة فى الفتيس بيظهر وانا على الوضع d ولكن لما بانقل على وضع الوقوفn الصوت بيختفى
بصراحة انا مش عارف هل هذا طبيعى ام يوجد بها عيوب
مع خالص تقديرى مقدما

[xman2008]

اتمنى حد يفيدك وانا مهتم بالرد

[loshabih]

اولا النتشه دي لو مشغل التكيف ممكن تكون نقص في الفريون ...اما لو مش مشغل فلكنترول بتاع الفتيس عايز يتظبط بس...ان شاء الله في صيانه ال1000 قلهم وهتبقي حاجه بسيطه وفكك من موضوع التليين دا كلام كتلوجات وخلاص انا لما جبت العربية كنت بمشي 140 وبتكيف وعادي جدا واحد صاحبي اول مجبها كان بيفرك وبيعمل كل حاجه وعمله 100 الف والموتور ماشاء الله ...اهم حاجه بس للحفاظ علي الموتور لاي عربيه متخلهاش تقرب من الريد زون ...الفيرنا اقصي عزم عند 3000 ار بي ام يعني ظبط رجلك لو عايز تجري علي 4500 5000 ومتزودش عشان تحافظ علي الموتور وتجري برحتك

[adham20]

انا متشكر جدا على اهتمامك وردك السريع
وان شاء الله اقولهم فى التوكيل وتطلع حاجة بسيطة
بس انا كان ليا استفسار تانى
زرار test drive اللى موجود فى الفتيس فايدته ايه ؟ ومتى استخدمه؟

[Samir Elshahawy]

بداية ألف مبروك عليك العربية و ربنا يؤتيك خيرها و يكفيك شرها و تكون وش السعد عليك يارب
و بأرحب بك معانا في قسم النجوم و أن شاء الله تستفيد و تفيد

أما بالنسبة لملاحظاتك علي الفيرنا فياريت تسجلها في نوته صغيرة علشان لما تروح التوكيل في أقرب صيانة تبلغهم بها و أن شاء الله الاخوة الاعضاء يساعدوك و يردوا عليك فيما يخص تلك الملاحظات

[loshabih]

انا متشكر جدا على اهتمامك وردك السريع
وان شاء الله اقولهم فى التوكيل وتطلع حاجة بسيطة
بس انا كان ليا استفسار تانى
زرار test drive اللى موجود فى الفتيس فايدته ايه ؟ ومتى استخدمه؟

العفو وان شاء الله حاجه بسيطة
بلنسبه للزرار لو اللفبالي فدا بيخليك تحرق علي النقله وبينقل متاخر ودا في معظم العربيات

[adham20]

باشكر م/ سمير على ذوقه وجاملته الجميلة وان شاء الله اكون اضافة جيدة للقسم الرائع
ويوم الاحد القادم هاروح اعمل صيانة الالف فى ابو رواش وهاحاول اعمل تقييم مناسب .

[alaasaid]

ألف مبروك و ربنا يباركلك فيها و يكفينا جميعا شر الطريق

[haysam2000]

الف مبروك عليك و ربنا يديك خيرها و يكفيك شرها
الزرار بينور علامة صفراء فى التابلو مكتوب عليها o/d او over drive و ده فعلا وظيفته انه بيديك قياده رياضيه ف بيحرق على النقلات لحد تقريبا 4.5 لغاية 5.5 على حسب الموتور
بس ده ممكن تعتبره ان اخرك فى المانيوال التالت علشان كده غلط تمشى عليه اعلى من سرعة 100 علشان بيبقى حمل على الموتور