لمبة ال eps نورت فى العربية الالنترا 2008 !!!

[mafifi2000]

السلام عليكم
بعد اذنكوا يا رجالة معايا النترا 2008 اوتو
العربية فجأة و بدون مقدمات لمبة ال eps نورت
و بسؤال اهل الخبرة عرفت ان دى بتاعت الباور .. بس الغريب ان الباور لسه شغال تمام
يا ترى فى غلط على العربية لو فضلت ماشى بيها كده كام يوم لحد ما اروح لحد بيفهم و عنده جهاز نظيف؟؟
شكرا يا رجالة

[blazer]

انت الباور عندك كهربائ مش كدا؟
لو عادى شوف مستوى زيت الباور وهل فيه تسريب من اى خرطوم

[mafifi2000]

البور كهرباء

[toty_305]

-ياريت تروح أي مركز خدمه يكشف عليها بسرعه لأن لا قدر الله ممكن Electric power يفصل و يحصل ما لا يحمد عقباه
- وربنا يلطف و المشكله تطلع بسيطه لان حاجات EPS مكلفه حبتين

[profimh]

لا دى مفيهاش تأجيل الباور كهربا و عن تجربه قاسيه
متمشيش بالعربيه الا على التوكيل عدل او واحد متخصص و يستحسن براحه
و إن شاء الله خير

[youssef_u]

اتطمن يا باشا و ياريت تروح التوكيل و خلي حد تاني معاه عربية يمشي معاك لو لا قدر الله حصل حاجة

[mhf_77]

متخافش بس خليك حذر وايدك الاتنين على الطاره - لقدرالله لاسوء الاحتمالات والمشكله جابت اخرها النتيجه هتكون ان الطاره هتفصل باورو مش هيكون فيها خفية الباور يعنى هتكون طاره تقيله ( زى بتوع زمان) ودى مشكله لو انت مش متوقع غدر منها لانها ممكن تفصل وانت سايق وانت متعود منها على اداء معين وخفه معينه فممكن تلخمك فجأه لو فصلت باور لكن مش هتتجمد مكانها يعنى او هتتشل مثلا -لأ - هى بس هتتقل - خليك حذر الفتره الجايه وايدك الاتنين عليها لغاية لما ربنا يفرجها

[azwoz65]

ربنا يسترها

[mody_elmasry]

طالما لمبة eps تبقي باور كهرباء طبعا electronic power steering عذرا لو كانت الترجمه فيها خظا

حاول تكشف عليها زي ما قالت الرجاله الجميله وان شاء الله خير وكن حذر في سواقتك يعني بلاش غرز لان الباور ممكن يفصل بعد الشر

[enghany]

السلام عليكم
بعد اذنكوا يا رجالة معايا النترا 2008 اوتو
العربية فجأة و بدون مقدمات لمبة ال eps نورت
و بسؤال اهل الخبرة عرفت ان دى بتاعت الباور .. بس الغريب ان الباور لسه شغال تمام
يا ترى فى غلط على العربية لو فضلت ماشى بيها كده كام يوم لحد ما اروح لحد بيفهم و عنده جهاز نظيف؟؟
شكرا يا رجالة

زميلي الفاضل
مادام الباور شغال و المبه منوره لا تقلق بسيطه جدا كل اللي انت مجتاجه هو عمل calibration للبرمجه بتاعه قطمه الدركسيون لا تقلق من اي شيء اخر

[msobhy]

ياريت صاحب الموضوع يقول لنا عمل ايه ووصل لأيه
ربنا يوفقك ان شاء الله

[Walid_M]

زميلي الفاضل
مادام الباور شغال و المبه منوره لا تقلق بسيطه جدا كل اللي انت مجتاجه هو عمل calibration للبرمجه بتاعه قطمه الدركسيون لا تقلق من اي شيء اخر

+1

الله ينور عليك يا باشمهندس هاني !!!


تحياتي

[Muhammad said]

يا ريت تفيدوني يا شباب

عندي نفس المشكله
في النترا ٢٠١١ لمبه eps علطول شغاله
مع العلم ان الدريكسيون مفهوش اي مشاكل
خفيف في السرعات المنحفضه
وبيتقل في السرعات العاليه
عملت اعاده برمجه ولكن البرمجه مبتمش للاخر

[Muhammad said]

يا ريت تفيدوني يا شباب

عندي نفس المشكله
في النترا ٢٠١١ لمبه eps علطول شغاله
مع العلم ان الدريكسيون مفهوش اي مشاكل
خفيف في السرعات المنحفضه
وبيتقل في السرعات العاليه
عملت اعاده برمجه ولكن البرمجه مبتمش للاخر