ابتعد عن الفيرنا.. الفيرنا فيها سم قاتل

[mahmoud_afifi]

المفروض العربيه دي يمنعوها خلاص لأنها مش safe خالص لا على سواقها ولا على باقي العربيات.

من شوية واحد فيرنجي تيييت اخره يركب على جاموسه داخل على مطب قبل ميدان بكل سرعه ودخل فيا من ورا وانا باخد المطب. مع العلم ان الطريق 3 حارات وفاضي وانا في الحاره الي في النص. زي مايكون منشن يخبطني
دايما وانا باخد مطب ببص في المرايا خوف من الاغبيا الي زي كده. وفعلا ببص في المرايا لقيت ده داخل بسرعه. قمت سايب الفرامل وبدوس بنزين وسمعت صوت صريخ الكاوتش بتاعه و صوت الخبطه الشهير
العربيه طارت بس الحمدلله الميدان كان لسه بعد كام متر ومالبستش في الجزيره.
قولت العربيه جابت اكصدام و فوانيس وشنطه.بس الحمدلله الخساير اكصدام فيه حتت اتشرخت. ومش باين الخبطه مسمعه فين من وراه. لسه عاوز افكه واشوف الي حصل.
الحمدلله ان البعيد وهو بيضرب فرامل كان بوز عربيته نازل لتحت والا الخساير كانت بقت اكبر.
وماخدتش من وشه حاجه ومش مسامحه -_-
الي غايظني اني لسه راشش الاكصدام في بداية الصيف بس واضح ان دي بلد تيييييت حرام الواحد يمشي بعربيه سليمه.

نصيحه للي معاهم فيرنا يتقوا الله فينا

[saddam]

صديقي المواطن
أولا متعاطف معك قلبا وقالبا ونحمد الله على سلامتك وقدر الله وما شاء فعل وعوضك الله يا رب أضعاف ما خسرته
ثانيا رفقا بأخوتنا ملاك فيرنا في المنتدى فهم متعصبين لها وبيحبوها ولو قسنا على كلامك دي خبطتك فيرنا وزعلان منهم يمكن لو خبطتك لادا ولا 128 ولا بولنسكي كنت حرمتهم من دخول الجنة لو وقفت عليك
كثرة حوادث الفيرنا في الشارع المصري مردها إنها بقت هي ولانوس عربية الطبقة دون المتوسطة بحباية ودول اﻷعم الغالب من ملاك السيارات في مصر فطبيعي نسمع حوادث كثير عن فيرنا مش عشان هي تعبانة هي برضو تعتبر عربية مقبولة إلى حد ما وأحسن من غيرها كتير وشيء أحسن من لاشيء ولكن بسبب هي منتشرة كتير فبنشوف حوادث كتير وده حسب مقاييس النسبة والتناسب عادي
وبالتوفيق وإلى اﻷمام ومن نصر إلى نصر
ودمتم للنضال

[hossamalsadik]

حمد ا لله على سلمتك وده الأهم
أنا عمرى ماواحد خبطنى وخت منه عوض لان العربيه ببتخبط وهيا وقفه والأنسان اهم من العربيه او تعمل حادثه من غير عربيه
وان شاء الله ربنا يعوضك خير

[mahmoud_afifi]

صديقي المواطن
أولا متعاطف معك قلبا وقالبا ونحمد الله على سلامتك وقدر الله وما شاء فعل وعوضك الله يا رب أضعاف ما خسرته
ثانيا رفقا بأخوتنا ملاك فيرنا في المنتدى فهم متعصبين لها وبيحبوها ولو قسنا على كلامك دي خبطتك فيرنا وزعلان منهم يمكن لو خبطتك لادا ولا 128 ولا بولنسكي كنت حرمتهم من دخول الجنة لو وقفت عليك
كثرة حوادث الفيرنا في الشارع المصري مردها إنها بقت هي ولانوس عربية الطبقة دون المتوسطة بحباية ودول اﻷعم الغالب من ملاك السيارات في مصر فطبيعي نسمع حوادث كثير عن فيرنا مش عشان هي تعبانة هي برضو تعتبر عربية مقبولة إلى حد ما وأحسن من غيرها كتير وشيء أحسن من لاشيء ولكن بسبب هي منتشرة كتير فبنشوف حوادث كتير وده حسب مقاييس النسبة والتناسب عادي
وبالتوفيق وإلى اﻷمام ومن نصر إلى نصر
ودمتم للنضال

شكرا على تعاطفك سيادة المناضل صدام

يا باشا الفيرنا معروفه انها اسوأ عربية واكتر عربيه بيجي من تحت راسها حوادث و90% بتبقى غلطتهم.
ما اللانسر والسيراتو كتير برضه ومابتلاقيش حوادث كده. اذا كان اصحاب العربيه معترفين ان فراملها وحشه هنيجي احنا نقول دي نسبة وتناسب ؟

تحياتي

[mahmoud_afifi]

حمد ا لله على سلمتك وده الأهم
أنا عمرى ماواحد خبطنى وخت منه عوض لان العربيه ببتخبط وهيا وقفه والأنسان اهم من العربيه او تعمل حادثه من غير عربيه
وان شاء الله ربنا يعوضك خير

الله يسلمك يا باشا. ماهو الناس فاكره ان العوض ده حرام او انت خدت حاجه مش من حقك. كله عند رب الحساب
ومتشكر على الدعوه الجميله.

[BLACKVERNA]

و الله انا شايف ان العيب فى السواق و ليس فى العربية

العربية كويسة الى حد كبير بالنسبة لسعرها

الجرى ملوش كبير و يا سلام لو سواق الفيرنا ملوش فى السواقة تبقى مع الفيرنا كارثه

تحياتى للجميع

[J A G U A R]

الفيرنا فعلا معروفه انها اكتر عربيه بتعمل حوادث .. خصوصا ان ماتورها عفى جدا وخفيفه خالص .. وربنا يستر على ملاكك يا فيرنا .

[Silent~Dream]

الحمد لله على السلامه و الفيرنا عامه خفيفه و فراملها ضعيفه و صاجها خفيف و مش ثابته لكن ده عيب سواق مش عربيه لان هو لو متهورش و التزم بحدود الطريق و ركز و هو سايق كان ممكن يفاديك على الاقل و يلبس هو المطب براحته

[M I D O]

الحمد لله انها جات علي قد كدة و الفكرة ان معظم الي معاهم فيرنا شباب وفرحانين بسحب المحرك و التسارع ومش فارق معاهم الفرامل وتلاقية طاير وخلاص هيخبط فيك ومفكر نفسة بقي فان ديزل هيخمس او هيعمل اي خدعة عشان ميخبطكش وفي الاخر بيلبس ولو انا من حضرتك مكنتش سبتة وعموما حصل خير

[mahmoud_afifi]

و الله انا شايف ان العيب فى السواق و ليس فى العربية

العربية كويسة الى حد كبير بالنسبة لسعرها

الجرى ملوش كبير و يا سلام لو سواق الفيرنا ملوش فى السواقة تبقى مع الفيرنا كارثه

تحياتى للجميع

بالظبط ده شكله الي حصل. ومعظم الكوارث بتبقى كده
مابيعرفش يوجفها على رأي ممدوح عبدالعليم

الفيرنا فعلا معروفه انها اكتر عربيه بتعمل حوادث .. خصوصا ان ماتورها عفى جدا وخفيفه خالص .. وربنا يستر على ملاكك يا فيرنا .

الحمد لله على السلامه و الفيرنا عامه خفيفه و فراملها ضعيفه و صاجها خفيف و مش ثابته لكن ده عيب سواق مش عربيه لان هو لو متهورش و التزم بحدود الطريق و ركز و هو سايق كان ممكن يفاديك على الاقل و يلبس هو المطب براحته

الله يسلمك يا باشا. متفق معاك جدااا خاصة ان الطريق فاضي والمطب حتى مش هيعوره. انا لما لقيت ده داخل بسرعه قررت بسرعه اسيب الفرامل واطلع بس سرعته كانت اكبر من ان العربيه تطلع بسرعه.
قلبي وقع في رجلي من الموقف

[mahmoud_afifi]

الحمد لله انها جات علي قد كدة و الفكرة ان معظم الي معاهم فيرنا شباب وفرحانين بسحب المحرك و التسارع ومش فارق معاهم الفرامل وتلاقية طاير وخلاص هيخبط فيك ومفكر نفسة بقي فان ديزل هيخمس او هيعمل اي خدعة عشان ميخبطكش وفي الاخر بيلبس ولو انا من حضرتك مكنتش سبتة وعموما حصل خير

ههههههههههههههههههه ضحكتني والله :))
ماكنتش ناوي اسيبه واساسا قفلت عليه الطريق بالعربيه عشان لو حاول يهرب. لولا انه وقف واعتذر مش عارف كنت هعمل فيه ايه. ربنا يسامحه ويارب الاضرار ماتبقاش كتير :((
تسلم يا ميدو باشا

[Ultramisho]

الموضوع في رأيي مش فرامل الفيرنا
الموضوع المطبات الصناعية عمال على بطال واهمال السائق
واضح انه كان سرحان او بيتكلم في الموبيل وماخدش باله انك هديت علشان المطب الا متأخر

مشكلة فرامل الفيرنا فقط مع السرعات العالية
ورغم كده ستظل احسن عربية في فئاتها

قدر الله وما شاء فعل والحمد لله ان الفوانيس سليمة لانها مشكلة في الالنترا
وحمد لله على سلامتك

تحياتي

[د عمرو العمرجى]

أنا معايا فيرنا عاملة زى سندوتشات التيك أواى
أما الأوروبى زى الأكل المسبك

[mahmoud_afifi]

الموضوع في رأيي مش فرامل الفيرنا
الموضوع المطبات الصناعية عمال على بطال واهمال السائق
واضح انه كان سرحان او بيتكلم في الموبيل وماخدش باله انك هديت علشان المطب الا متأخر

مشكلة فرامل الفيرنا فقط مع السرعات العالية
ورغم كده ستظل احسن عربية في فئاتها

قدر الله وما شاء فعل والحمد لله ان الفوانيس سليمة لانها مشكلة في الالنترا
وحمد لله على سلامتك

تحياتي

المطب مش مشكله لأن في ميدان وطبيعي الواحد بيهدي. انما مشكلة صاحبنا انه ماشي بسرعه + انه سرحان ولا متنيل على عينه مش مركز.

بالنسبه للفوانيس مش باين الاكصدام لما اتضغط عمل حاجه في الفوانيس ولا لأ. لازم افكها اشوف. بس الاكصدام مشرخ من كذا نقطه. ربنا يستر
الله يسلمك يا باشا

أنا معايا فيرنا عاملة زى سندوتشات التيك أواى
أما الأوروبى زى الأكل المسبك

انا عارف اني جاي اهاجم الي معاهم فيرنا في عقر دارهم

[agaty1st]

أولا : حمدا لله على سلامتك

ثانيا : واضح جدا من ملابسات الحادثه انه أتفاجىء بالمطب في وقت ميتفعش فيه الندم لأنك شفته في المرايا و توقعت الحادثه و سبت الفرامل و دوست بنزين و بعد كل ده سمعت الفرامل و الخبطه يبقى الراجل ده كان في الهولي

ثالثا : بدون تعصب للفيرنا اقسم بالله 2 اصحابي واحد هدى عشان المطب الصناعي (318 زيرو) اللي ورا جاي بيلعب في الكاسيت (فيكترا زيرو) و بعد الصريخ و العويل و حاسب و الذي منه صريخ فرامل ثم دب ثم الفكترا جه الونش شالها لآن وشها اتدمر و نزلت جميع انواع السوائل عالأرض يعني حالة نزيف حاد و البي أم اتباعت حوادث
و دول عربيات فيهم عسل نحل

تحياتي و ألف حمدا لله على السلامه